ಮುಂಬೈ: ರಾಜಸ್ಥಾನ್ ರಾಯಲ್ಸ್ ತಂಡದ ದೇವದತ್ ಪಡಿಕ್ಕಲ್ ಐಪಿಎಲ್ನಲ್ಲಿ 1000 ರನ್ಗಳನ್ನು ಪೂರೈಸಿದ್ದಾರೆ. ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ನಡೆಯುತ್ತಿರುವ ಪಂದ್ಯದಲ್ಲಿ ಮೊದಲ ಬೌಂಡರಿ ಸಿಡಿಸುತ್ತಿದ್ದಂತೆಯೇ ಈ ಮೈಲಿಗಲ್ಲು ಸ್ಥಾಪಿಸಿದರು.
ಐಪಿಎಲ್ನಲ್ಲಿ 1000 ರನ್ ಪೂರೈಸಲು ದಂತಕತೆ ಸಚಿನ್ ತೆಂಡೂಲ್ಕರ್ 31 ಇನ್ನಿಂಗ್ಸ್ ತೆಗೆದುಕೊಂಡಿದ್ದರು. 2010ರಲ್ಲಿ ಅವರು ಈ ಸಾಧನೆ ಮಾಡಿದ್ದಾರೆ. 2ನೇ ಸ್ಥಾನದಲ್ಲಿ ಸಿಎಸ್ಕೆ ಮಾಜಿ ಬ್ಯಾಟರ್ ಸುರೇಶ್ ರೈನಾ ಇದ್ದು, ಅವರು 34 ಇನ್ನಿಂಗ್ಸ್ ತೆಗೆದುಕೊಂಡಿದ್ದರು. ಇದೀಗ ಪಡಿಕ್ಕಲ್ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ನಾಯಕ ರಿಷಭ್ ಪಂತ್(35) ಅವರ ಜೊತೆಗೆ 3ನೇ ಸ್ಥಾನವನ್ನು ಹಂಚಿಕೊಂಡಿದ್ದಾರೆ.
ಪಡಿಕ್ಕಲ್ ಈ ವಿಶೇಷ ದಾಖಲೆಯನ್ನು ದಿಗ್ಗಜರಾದ ಗಂಭೀರ್(36), ಎಂ.ಎಸ್.ಧೋನಿ(37) ರೋಹಿತ್ ಶರ್ಮಾ( 37) ,ರಹಾನೆ(37),ಗಂಗೂಲಿ(38), ಕೆ.ಎಲ್.ರಾಹುಲ್(38) ವಿರಾಟ್ ಕೊಹ್ಲಿ(45) ಅವರಿಗಿಂತ ಕಡಿಮೆ ಇನ್ನಿಂಗ್ಸ್ನಲ್ಲಿ ಸಾಧಿಸಿದ್ದಾರೆ.
ಐಪಿಎಲ್ ಇತಿಹಾಸದಲ್ಲಿ ವೇಗವಾಗಿ 1000 ರನ್ಗಳಿಸಿದ ದಾಖಲೆ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದಲ್ಲಿ ಆಡಿದ್ದ ಶಾನ್ ಮಾರ್ಷ್ ಅವರ ಹೆಸರಿನಲ್ಲಿದೆ. ಅವರು 2011ರಲ್ಲಿ ಕೇವಲ 21 ಇನ್ನಿಂಗ್ಸ್ಗಳಲ್ಲಿ ಈ ಸಾಧನೆ ಮಾಡಿದ್ದರು. ಲೆಂಡ್ಲ್ ಸಿಮನ್ಸ್(23), ಮ್ಯಾಥ್ಯೂ ಹೇಡನ್(25), ಜಾನಿ ಬೈರ್ಸ್ಟೋವ್(26) ಮತ್ತು ಕ್ರಿಸ್ ಗೇಲ್(27 ) ನಂತರದ ಸ್ಥಾನದಲ್ಲಿದ್ದಾರೆ.
ಇದನ್ನೂ ಓದಿ:ಭಾರತದ ಈ ಬ್ಯಾಟರ್ ಐಪಿಎಲ್ನಲ್ಲಿ ನಾನೆದುರಿಸಿದ ಕಠಿಣ ಬ್ಯಾಟರ್ : ನರೈನ್
