ಆಸೀಸ್ ತಂಡದ ಆರಂಭಿಕ ಬ್ಯಾಟರ್ ಡೇವಿಡ್ ವಾರ್ನರ್ ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರಾಗಿರುತ್ತಾರೆ. ಇನ್ಸ್ಟಾಗ್ರಾಮ್ನಲ್ಲಿ ಆಗಾಗ ರೀಲ್ಸ್ಗಳನ್ನು ಪೋಸ್ಟ್‌ ಮಾಡುತ್ತಾರೆ. ಭಾರತ ಸಿನಿಮಾ ರಂಗದ ಮೇಲೆ ಇವರಿಗೆ ವಿಶೇಷ ಆಸಕ್ತಿ ಇದೆ. ಟಿಕ್ಟಾಕ್ ಆ್ಯಪ್ ಪ್ರಚಲಿತದಲ್ಲಿದ್ದಾಗ ಅನೇಕ ಸಿನಿಮಾ ಹಾಡುಗಳಿಗೆ ನೃತ್ಯ ಮಾಡಿ ತಮ್ಮ ಅಭಿಮಾನಿಗಳಿಗೆ ಮನರಂಜನೆ ನೀಡುತ್ತಿದ್ದರು.
ಈಗ ಹೊಸ ರೀತಿಯ ವಿಡಿಯೋಗಳನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. ಭಾರತೀಯ ಇತ್ತೀಚಿನ ಸಿನಿಮಾಗಳ ತುಣುಕುಗಳಿಗೆ ತಮ್ಮ ಮುಖವನ್ನು ಮಾರ್ಫ್ ಮಾಡಿರುವ ವಿಡಿಯೋ ಇದು. ಕೆಲದಿನಗಳ ಹಿಂದೆ ಶಾರುಖ್ ಖಾನ್ ಅಭಿನಯದ ಪಠಾಣ್ ಸಿನಿಮಾದ ಟ್ರೇಲರ್ ಬಿಡುಗಡೆ ಆದಾಗ ಶಾರುಖ್ ಮುಖಕ್ಕೆ ತಮ್ಮ ಮುಖ ಮಾರ್ಫ್ ಮಾಡಿ ವಿಡಿಯೋ ಮಾಡಿದ್ದರು.
- " class="align-text-top noRightClick twitterSection" data="
">
ಇದಕ್ಕೂ ಮೊದಲು ತೆಲುಕಿಗ ಪುಷ್ಪ ದಿ ರೈಸ್ ಸಿನಿಮಾದ ನಟ ವಿಜಯ್ ದೇವರಕೊಂಡ ಪಾತ್ರಕ್ಕೆ ಇದೇ ರೀತಿಯ ವಿಡಿಯೋ ಮಾಡಿದ್ದರು. ಈಗ ತಮಿಳು ಚಲನಚಿತ್ರ ನಿರ್ಮಾಪಕ ಎಸ್.ಶಂಕರ್ ಅವರ ಐ ಸಿನಿಮಾದ ಫೈಟ್ ಸೀಕ್ವೆಲ್ಗೆ ಮುಖವಾಗಿದ್ದಾರೆ. ವಿಡಿಯೋ ಹಂಚಿಕೊಂಡು, "ನನ್ನ ಇಷ್ಟದ ಸಿನಿಮಾಗಳಲ್ಲಿ ಇದೂ ಒಂದು. ಸಿನಿಮಾ ಗುರುತಿಸಿ" ಎಂದು ಬರೆದಿದ್ದಾರೆ."
ಇದಕ್ಕೆ ಕ್ರಿಕೆಟ್, ಸಿನಿಮಾ ಅಭಿಮಾನಿಗಳು ಪ್ರತಿಕ್ರಿಯಿಸುತ್ತಿದ್ದಾರೆ. 5 ಲಕ್ಷಕ್ಕೂ ಹೆಚ್ಚು ಜನ ಲೈಕ್ ಮಾಡಿದ್ದಾರೆ. 14 ಸಾವಿರ ಕಮೆಂಟ್ಗಳು ಬಂದಿವೆ. ಒಳ್ಳೆಯ ಸಿನಿಮಾ ನೋಡಿ ಒಮ್ಮೆ ಎಂದು ಹಲವಾರು ಅಭಿಮಾನಿಗಳು ಬರೆದಿದ್ದಾರೆ. ನಟ ವಿಕ್ರಮ್ ಅಭಿನಯದ ಐ ಸಿನಿಮಾ 2015ರಲ್ಲಿ ಬಿಡುಗಡೆಯಾಗಿ ಉತ್ತಮ ವಿಮರ್ಶೆ ಗಳಿಸಿದೆ. ಚಿತ್ರಕ್ಕೆ ಐಮ್ಡಿಬಿ 7.4ರ ರೇಟಿಂಗ್ ನೀಡಿದೆ. ಪಿಲ್ಮ್ ಫೇರ್ ಅವಾರ್ಡ್ಗೂ ಪಾತ್ರವಾಗಿತ್ತು.
ತವರಿಗೆ ಮರಳಿದ ವಾರ್ನರ್: ಭಾರತ-ಆಸ್ಟ್ರೇಲಿಯಾ ನಡುವೆ ಬಾರ್ಡರ್-ಗವಾಸ್ಕರ್ ಟ್ರೋಫಿ ಪಂದ್ಯ ಟೆಸ್ಟ್ ನಡೆಯುತ್ತಿದೆ. ನಾಗ್ಪುರ ಮತ್ತು ದೆಹಲಿಯಲ್ಲಿ ಪಂದ್ಯಗಳು ನಡೆದಿದ್ದು, ಮೂರನೇ ಪಂದ್ಯ ಮಾರ್ಚ್ 1 ರಿಂದ ಇಂದೋರ್ನ ಹೋಳ್ಕರ್ ಸ್ಟೇಡಿಯಂನಲ್ಲಿ ನಡೆಯಲಿದೆ. ದೆಹಲಿಯಲ್ಲಿ ಎರಡನೇ ಟೆಸ್ಟ್ ಪಂದ್ಯದ ಮೊದಲ ಇನ್ನಿಂಗ್ಸ್ ಆಡುವಾಗ ಮೊಹಮ್ಮದ್ ಸಿರಾಜ್ ಎಸೆತದಲ್ಲಿ ಮೊಣಕೈಗೆ ಗಾಯವಾಗಿ ವಾರ್ನರ್ ಅರ್ಧ ಪಂದ್ಯದಿಂದಲೇ ತವರಿಗೆ ಮರಳಿದ್ದರು. ಅವರ ಜಾಗದಲ್ಲಿ ಮ್ಯಾಥ್ಯೂ ರೆನ್ ಶಾ ಕಣಕ್ಕಿಳಿದಿದ್ದರು.
ಫಾರ್ಮ್ ಬಗ್ಗೆ ಟೀಕೆ: ಭಾರತ ಪ್ರವಾಸ ಸರಣಿಯ ಮೂರು ಟೆಸ್ಟ್ ಇನ್ನಿಂಗ್ಸ್ನಲ್ಲಿ ವಾರ್ನರ್ ಕೇವಲ 1, 10 ಮತ್ತು 15 ರನ್ ಗಳಿಸಿದ್ದಾರೆ. ಇದರಿಂದ ಮತ್ತೆ 36 ವರ್ಷದ ಆಟಗಾರನ ವಿರುದ್ಧ ಟೀಕೆಗಳ ಸುರಿಮಳೆಯಾಗಿದೆ. ಈ ಬಗ್ಗೆ ವಾರ್ನರ್ ಮಾತನಾಡಿದ್ದು, ನಾನು ತಂಡಕ್ಕೆ ಅರ್ಹನಲ್ಲ ಎನಿಸಿದರೆ ಆಯ್ಕೆಗಾರರು ಕೈ ಬಿಡಲಿ. ಆದರೆ ಆಸ್ಟ್ರೇಲಿಯಾಕ್ಕಾಗಿ ಇನ್ನಷ್ಟೂ ರನ್ ಗಳಿಸುವ ಆಸೆ ಇದೆ ಎಂದು ಹೇಳಿಕೊಂಡಿದ್ದಾರೆ.
ಆಸ್ಟ್ರೇಲಿಯಾದ ಇನ್ನೊಬ್ಬ ಆರಂಭಿಕ ಉಸ್ಮಾನ್ ಖವಾಜಾ ಅವರು ಕೇವಲ ಮೂರು ಇನ್ನಿಂಗ್ಸ್ನಿಂದ ವಾರ್ನರ್ ಅವರ ಬ್ಯಾಟಿಂಗ್ ಅಳೆಯಲಾಗದು. ಅವರ ಅನುಭವ ತಂಡಕ್ಕೆ ಅಗತ್ಯವಿದೆ. ಅವರ ಬ್ಯಾಟ್ನಿಂದ ಇನ್ನಷ್ಟು ರನ್‌ಗಳು ಬರಲಿವೆ ಎಂದು ಎರಡನೇ ಟೆಸ್ಟ್ ನಂತರ ಅಭಿಪ್ರಾಯ ವ್ಯಕ್ತಪಡಿಸಿದ್ದರು.
ಇದನ್ನೂ ಓದಿ: ಸಚಿನ್‌ ಡಬಲ್‌ ಸೆಂಚುರಿಗೆ 13 ವರ್ಷ: ಭಾರತದ 'ದ್ವಿಶತಕ' ವೀರರು ಇವರು..
