ಭಾರತಕ್ಕೆ ಬೇಕಾದಂತೆ ಪಿಚ್​ ಸಿದ್ದಪಡಿಸಲಾಗ್ತಿದೆ! ಹೀಗಂದವರಿಗೆ ಅಖ್ತರ್​ ಏನಂದ್ರು ಗೊತ್ತಾ?​

ಇಂಗ್ಲೆಂಡ್​ನಲ್ಲಿ ಭಾರತಕ್ಕೆ ಬೇಕಾದಂತೆ ಕ್ರಿಕೆಟ್‌ ಪಿಚ್​ ಸಿದ್ದಪಡಿಸಲಾಗುತ್ತಿದೆ ಎಂಬ ಉಹಾಪೊಹಗಳೆದ್ದಿದ್ದು, ಇದಕ್ಕೆ ಪಾಕ್​ ಆಟಗಾರ ಶೊಯೆಬ್​ ಅಖ್ತರ್ ಪ್ರತಿಕ್ರಿಯೆ ನೀಡಿದ್ದಾರೆ.

ಇಂಗ್ಲೆಂಡ್​: ಇಂಗ್ಲೆಂಡ್​ನಲ್ಲಿ ನಡೆಯುತ್ತಿರುವ ವಿಶ್ವಕಪ್​ ಟೂರ್ನಿಯಲ್ಲಿ ಭಾರತಕ್ಕೆ ಬೇಕಾದಂತೆ ಪಿಚ್​ ಸಿದ್ದಪಡಿಸಲಾಗುತ್ತಿದೆ ಎಂಬ ಊಹಾ ಪೋಹ ಎದ್ದಿದ್ದು, ಇದನ್ನು ಪಾಕ್​ ಮಾಜಿ ಆಟಗಾರ ಶೋಯೆಬ್​ ಅಖ್ತರ್​ ಅಲ್ಲಗಳೆದಿದ್ದಾರೆ.

• " class="align-text-top noRightClick twitterSection" data="">

ಐಸಿಸಿ ಮೇಲೆ ಬಿಸಿಸಿಐಗೆ ಹಿಡಿತವಿದೆ. ಏಕೆಂದರೆ, ಐಸಿಸಿಗೆ ಹೋಗುವ ಶೇ 80 ರಷ್ಟು ಫಂಡ್​ ಬಿಸಿಸಿಐನಿಂದಲೇ ಹೋಗುತ್ತಿದೆ. ಹೀಗಾಗಿ ಭಾರತ ತಂಡಕ್ಕೆ ಬೇಕಾದಂತೆ ಪಿಚ್​ ಸಿದ್ದಪಡಿಸಲು ಐಸಿಸಿಗೆ ಸೂಚಿಸಲಾಗಿದೆ. ಹೀಗಾಗಿ ದಕ್ಷಿಣ ಆಫ್ರಿಕಾ ವಿರುದ್ದ ಟೀಂ ಇಂಡಿಯಾ ಜಯ ಗಳಿಸಿದೆ ಎಂದು ಆರೋಪಿಸಲಾಗಿತ್ತು.

ಈ ಬಗ್ಗೆ ಮಾತನಾಡಿ ತಮ್ಮ ಯೂಟ್ಯೂಬ್​ನಲ್ಲಿ ವೀಡಿಯೋ ಹರಿಬಿಟ್ಟಿರುವ ಪಾಕ್​ ಮಾಜಿ ಕ್ರಿಕೆಟ್​ ಆಟಗಾರ ಶೋಯಬ್ ಅಖ್ತರ್,​ ಭಾರತದ ಬೆಂಬಲಕ್ಕೆ ನಿಂತಿದ್ದಾರೆ. ಇದೆಲ್ಲಾ ಊಹಾಪೋಹ ಅಷ್ಟೇ. ವಿಶ್ವಕಪ್​ ಟೂರ್ನಿ ನಡೆಯುತ್ತಿರುವುದು ಇಂಗ್ಲೆಂಡ್​ನಲ್ಲಿ, ಭಾರತದಲ್ಲಿ ಅಲ್ಲ. ಭಾರತ ತಂಡ ತನ್ನ ಸಾಮರ್ಥ್ಯದಿಂದ ಪಂದ್ಯ ಗೆದ್ದಿದೆ ಎಂದಿದ್ದಾರೆ.

ಪಿಚ್ ಸಿದ್ದಪಡಿಸುವ ಬಗ್ಗೆ ಕೆಲವು ನಿಯಮಗಳಿವೆ. ಅದೇ ರೀತಿಯಲ್ಲಿ ಪಿಚ್​ ಸಿದ್ದಪಡಿಸಲಾಗುತ್ತದೆ. ಯಾವುದೇ ತಂಡ ಅಥವಾ ಕ್ರಿಕೆಟ್​ ಬೋರ್ಡ್​ ಪಿಚ್​ ಸಿದ್ದಪಡಿಸುವ ವಿಚಾರದಲ್ಲಿ ತಮ್ಮ ಪ್ರಭಾವ ಬೀರಲು ಸಾಧ್ಯವಾಗುವುದಿಲ್ಲ ಎಂದು ಹೇಳುವ ಮೂಲಕ ಗಾಳಿಸುದ್ದಿಗೆ ತೆರೆ ಎಳೆಯುವ ಪ್ರಯತ್ನ ಮಾಡಿದ್ದಾರೆ.