ಜೈಸ್ವಾಲ್ ಶತಕದಬ್ಬರಕ್ಕೆ ಪಾಕ್​ ಉಡೀಸ್​​: ಸತತ 3ನೇ ಬಾರಿಗೆ ಫೈನಲ್​ ಪ್ರವೇಶಿಸಿದ ಯಂಗ್​ ಟೈಗರ್ಸ್​

ಯಶಸ್ವಿ ಜೈಸ್ವಾಲ್ 113 ಎಸೆತಗಳಲ್ಲಿ 8 ಬೌಂಡರಿ ಹಾಗೂ 4 ಸಿಕ್ಸರ್​ಗಳ ನೆರವಿನಿಂದ 105 ಹಾಗೂ ಸಕ್ಸೇನಾ 99 ಎಸೆತಗಳಲ್ಲಿ 6 ಬೌಂಡರಿ ನೆರವಿನಿಂದ 59 ರನ್​ ಗಳಿಸಿ ಭಾರತಕ್ಕೆ 10 ವಿಕೆಟ್​ಗಳ ಭರ್ಜರಿ ಜಯ ತಂದುಕೊಟ್ಟಿದ್ದಾರೆ.

ಪೋಚೆಫ್​ಸ್ಟಾರ್ಮ್: ಯಶಸ್ವಿ ಜೈಸ್ವಾಲ್​ ಅವರ ಶತಕದಬ್ಬರ ಹಾಗೂ ಟೀಂ ಇಂಡಿಯಾ ಬೌಲರ್​ಗಳ ನೆರವಿನಿಂದ ಭಾರತ ತಂಡ 10 ವಿಕೆಟ್​ಗಳ ಭರ್ಜರಿ ಗೆಲುವು ಸಾಧಿಸಿದೆ.

ಪಾಕಿಸ್ತಾನ ನೀಡಿದ್ದ 173 ರನ್​ಗಳ ಸಾಧಾರಣ ಮೊತ್ತವನ್ನು ಬೆನ್ನತ್ತಿದ ಭಾರತದ ಯುವ ಪಡೆ ಯಾವುದೇ ವಿಕೆಟ್​ ಕಳೆದುಕೊಳ್ಳದೆ 35.2 ಓವರ್​ಗಳಲ್ಲೇ ಗುರಿ ತಲುಪಿತು. ಆರಂಭಿಕರಾಗಿ ಕಣಕ್ಕಿಳಿದಿದ್ದ ಯಶಸ್ವಿ ಜೈಸ್ವಾಲ್​ ಭರ್ಜರಿ(105) ಶತಕ ಸಿಡಿಸಿದರೆ ಇವರಿಗೆ ಸಾಥ್​ ನೀಡಿದ ದಿವ್ಯಾನ್ಶ್​ ಸಕ್ಸೇನಾ(59) ಆಕರ್ಷಕ ಅರ್ಧ ಶತಕ ಸಿಡಿಸಿ ಭಾರತ ತಂಡವನ್ನು ಸತತ ಮೂರನೇ ಬಾರಿಗೆ ಫೈನಲ್​ಗೇರುವಂತೆ ಮಾಡಿದರು.

ಯಶಸ್ವಿ ಜೈಸ್ವಾಲ್ 113 ಎಸೆತಗಳಲ್ಲಿ 8 ಬೌಂಡರಿ ಹಾಗೂ 4 ಸಿಕ್ಸರ್​ಗಳ ನೆರವಿನಿಂದ 105 ಹಾಗೂ ಸಕ್ಸೇನಾ 99 ಎಸೆತಗಳಲ್ಲಿ 6 ಬೌಂಡರಿ ನೆರವಿನಿಂದ 59 ರನ್ ​ಗಳಿಸಿದರು.

• A special, special #U19CWC century from Yashasvi Jaiswal 💯
  
  Well batted young man!#INDvPAK | #FutureStars pic.twitter.com/9aGZ1lnGhh

  — Cricket World Cup (@cricketworldcup) February 4, 2020 " class="align-text-top noRightClick twitterSection" data="

  A special, special #U19CWC century from Yashasvi Jaiswal 💯
  
  Well batted young man!#INDvPAK | #FutureStars pic.twitter.com/9aGZ1lnGhh

  — Cricket World Cup (@cricketworldcup) February 4, 2020

  ">

  A special, special #U19CWC century from Yashasvi Jaiswal 💯
  
  Well batted young man!#INDvPAK | #FutureStars pic.twitter.com/9aGZ1lnGhh

  — Cricket World Cup (@cricketworldcup) February 4, 2020

ಇದಕ್ಕೂ ಮೊದಲು ಟಾಸ್ ಗೆದ್ದು​ ಬ್ಯಾಟಿಂಗ್​ ನಡೆಸಿದ್ದ ಪಾಕಿಸ್ತಾನ ತಂಡ 43.1 ಓವರ್​ಗಳಲ್ಲಿ 172 ರನ್​ ಗಳಿಸಲಷ್ಟೇ ಶಕ್ತವಾಯಿತು. ಆರಂಭಿಕ ಬ್ಯಾಟ್ಸ್​ಮನ್​ ಹೈದರ್​ ಅಲಿ (56) ಹಾಗೂ ವಿಕೆಟ್​ ಕೀಪರ್​ ರೊಹೈಲ್ (62) ರನ್ ​ಗಳಿಸಿದರು. ಭಾರತದ ಪರ ಸುಶಾಂತ್ ಮಿಶ್ರಾ 3, ಕಾರ್ತಿಕ್​ ತ್ಯಾಗಿ 2, ರವಿ ಬಿಶೋನಿ 3 , ಜೈಸ್ವಾಲ್​ ಹಾಗೂ ಅಥರ್ವ ಆಂಕೋಲಕರ್​ ತಲಾ ಒಂದು ವಿಕೆಟ್​ ಪಡೆದು ಮಿಂಚಿದರು.

ಈ ಗೆಲುವಿನೊಂದಿಗೆ ಭಾರತ ತಂಡ ಸತತ 3 ನೇ ಬಾರಿಗೆ ಹಾಗೂ ಒಟ್ಟಾರೆ 7ನೇ ಬಾರಿಗೆ ಫೈನಲ್​ ಪ್ರವೇಶಿಸಿದೆ. ಈ ಮೊದಲು 2000, 2006, 2008, 2012, 2016, 2018ರಲ್ಲಿ ಫೈನಲ್​ ಪ್ರವೇಶಿಸಿತ್ತು. ಇದರಲ್ಲಿ 2006ರಲ್ಲಿ ಪಾಕಿಸ್ತಾನ ವಿರುದ್ಧ, 2016ರಲ್ಲಿ ವೆಸ್ಟ್ ಇಂಡೀಸ್​ ವಿರುದ್ಧ ಸೋಲುಕಂಡು ರನ್ನರ್​ ಅಪ್​ ಆದರೆ, ಉಳಿದ ನಾಲ್ಕು ವಿಶ್ವಕಪ್​ಗಳಲ್ಲಿ ಚಾಂಪಿಯನ್​ ಆಗಿತ್ತು.