ಕಿಗ್ಸ್ಟನ್: ವೇಗಿ ಜಸ್ಪ್ರೀತ್ ಬುಮ್ರಾ ಹಾಗೂ ಮೊಹ್ಮದ್ ಅವರ ಮಾರಕ ಬೌಲಿಂಗ್ ದಾಳಿಗೆ ಸಿಲುಕಿದ ವೆಸ್ಟ್ ಇಂಡೀಸ್ 2ನೇ ಟೆಸ್ಟ್ ಪಂದ್ಯದ ಮೂರನೇ ದಿನದಾಟದಲ್ಲಿ 117 ರನ್ಗೆ ಸರ್ವಪತನವಾಯಿತು.
ಭಾನುವಾರ 7 ವಿಕೆಟ್ಗೆ 87 ರನ್ಗಳಿಂದ 3ನೇ ದಿನದ ಆಟ ಮುಂದುವರಿಸಿದ ವಿಂಡೀಸ್ ತಂಡದ ಬ್ಯಾಟ್ಸ್ಮ್ಯಾನ್ಗಳು ಭಾರತದ ಮಾರಕ ದಾಳಿಯ ಎದುರು ರನ್ ಗಳಿಸಲು ಪರದಾಡಿದರು. ಜಹ್ಮರ್ ಹ್ಯಾಮಿಲ್ಟನ್ 05, ರಹಕೀಮ್ ಕಾರ್ನ್ವಅಲ್ 14, ಕೆಮರ್ ರೋಚ್ 17 ತಂಡದ ಮೊತ್ತ ಮೂರಂಕಿ ಸಾಟಿಸುವಲ್ಲಿ ಶ್ರಮಿಸಿದರು. ವೇಗಿ ಜಸ್ಪ್ರೀತ್ ಬುಮ್ರಾ ಹ್ಯಾಟ್ರಿಕ್ ಸೇರಿದಂತೆ 6 ವಿಕೆಟ್ ಪಡೆದರು. ಶಮಿ 2 ಹಾಗೂ ಇಶಾಂತ್ ಮತ್ತು ರವೀಂದ್ರ ಜಡೇಜಾ ತಲಾ ಒಂದು ವಿಕೆಟ್ ಕಬಳಿಸಿದರು.
ಭಾರತದ ಫಾಲೋ ಆನ್ ಹೇರದೆ ಎರಡನೇ ಇನ್ನಿಂಗ್ಸ್ ಆರಂಭಿಸಿದೆ. ಆರಂಭಿಕ ಮಯಾಂಕ್ ಅಗರ್ವಾಲ್ 4 ರನ್ ಗಳಿಸಿ ರೋಚ್ ಎಸೆತದಲ್ಲಿ ಎಲ್ಬಿಡಬ್ಲ್ಯೂಗೆ ಬಲಿಯಾದರು. ಲೋಕೇಶ್ ರಾಹುಲ್ 6ರನ್ ಪೇರಿಸಿ ಹ್ಯಾಮಿಲ್ಟನ್ ಕ್ಯಾಚ್ ನೀಡಿ ರೋಚ್ಗೆ ವಿಕೆಟ್ ಒಪ್ಪಿಸಿದರು. ಚೇತೇಶ್ವರ ಪೂಜಾರ (19) ರನ್ ಹಾಗೂ ನಾಯಕ ವಿರಾಟ್ ಕೊಹ್ಲಿ (0) ರನ್ ಗಳಿಸಿ ಆಡುತ್ತಿದ್ದಾರೆ. ಭಾರತ ಎರಡನೇ ಇನ್ನಿಂಗ್ಸ್ನಲ್ಲಿ 36 ರನ್ ಗಳಿಸಿ 2 ವಿಕೆಟ್ ಕಳೆದುಕೊಂಡಿದ್ದು, 335 ರನ್ಗಳ ಮುನ್ನಡೆ ಸಾಧಿಸಿದೆ.
