ಮುಂಬೈ : ಸಿಎಸ್ಕೆ ಎಲ್ಲಾ ವಿಭಾಗದಲ್ಲೂ ಉತ್ತಮ ಆಟಗಾರರನ್ನು ಹೊಂದಿದೆ. ಕಳೆದ ಆವೃತ್ತಿಯಲ್ಲಿ ಮರೆಯಾಗದ ಪ್ರದರ್ಶನದ ನಂತರ ಹೊಸದಾಗಿ ಪ್ರಾರಂಭಿಸಲು ಪ್ರಯತ್ನಿಸುತ್ತಿದೆ ಎಂದು ಚೆನ್ನೈ ಸೂಪರ್ ಕಿಂಗ್ಸ್ ಬ್ಯಾಟಿಂಗ್ ಕೋಚ್ ಮೈಜ್ ಹಸ್ಸಿ ಹೇಳಿದ್ದಾರೆ.
ಯುಎಇನಲ್ಲಿ ನಡೆದಿದ್ದ 2020ರ ಆವೃತ್ತಿಯಲ್ಲಿ ಮೂರು ಬಾರಿಯ ಚಾಂಪಿಯನ್ ಅಂಕಪಟ್ಟಿಯಲ್ಲಿ 7ನೇ ಸ್ಥಾನ ಪಡೆದು ಮೊದಲ ಬಾರಿಗೆ ಐಪಿಎಲ್ ಇತಿಹಾಸದಲ್ಲೇ ಪ್ಲೇ ಆಫ್ ತಲುಪದೇ ಹೊರಬಿದ್ದಿತ್ತು. "ನಮ್ಮ ತಂಡದ ಸಮತೋಲಿತವಾಗಿದೆ ಎಂದು ನಾನು ಭಾವಿಸುತ್ತೇನೆ.
ಅದು ಬಹುಪಾಲು ವಿಭಾಗದಲ್ಲೂ ತುಂಬಾ ಆಳ ಹೊಂದಿದೆ. ಜತೆಗೆ ಹುಡುಗರಿಗೂ ಒಳ್ಳೆಯ ಉತ್ಸಾಹ ಹೊಂದಿದೆ. ಉತ್ತಮ ರೀತಿಯಲ್ಲಿ ತಯಾರಿ ನಡೆಸುತ್ತಿದ್ದಾರೆ" ಎಂದು ಸಿಎಸ್ಕೆ ವೆಬ್ಸೈಟ್ಗೆ ಹಸ್ಸಿ ಹೇಳಿದ್ದಾರೆ. "ರಾಬಿನ್ ಉತ್ತಪ್ಪ, ಕೃಷ್ಣಪ್ಪ ಗೌತಮ್ ಮತ್ತು ಮೊಯಿನ್ ಅಲಿ ಅವರು ತಂಡ ಸೇರಿಕೊಂಡ ನಂತರ ಸಿಎಸ್ಕೆ ಉತ್ತಮ ಸಮತೋಲನ ಕಂಡುಕೊಂಡಿದೆ.
ಈ ಮೂವರು ಅತ್ಯುತ್ತಮ ಸೇರ್ಪಡೆಗಳೆಂದು ನಾನು ಭಾವಿಸುತ್ತೇನೆ. ಅಲಿ ಅತ್ಯುತ್ತಮ ಆಲ್ರೌಂಡರ್, ರಾಬಿನ್ ಸಾಕಷ್ಟು ಅನುಭವ ಹೊಂದಿದ್ದು, ಈ ಹಿಂದೆ ಗುಣಮಟ್ಟದ ಪ್ರದರ್ಶನ ತೋರಿದ್ದಾರೆ. ಕೆ ಗೌತಮ್ ಒಬ್ಬ ಅದ್ಭುತ ಪ್ರತಿಭೆ. ನಾವು ಮತ್ತಷ್ಟು ಅಭಿವೃದ್ಧಿಪಡಿಸಿಕೊಳ್ಳಬಹುದು" ಎಂದಿದ್ದಾರೆ.
ಪ್ರಸ್ತುತ ಮುಂಬೈನಲ್ಲಿ ಬೀಡುಬಿಟ್ಟಿರುವ ಚೆನ್ನೈ ತಂಡ ಏಪ್ರಿಲ್ 10ರಂದು ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ವಿರುದ್ಧ ತಮ್ಮ ಮೊದಲ ಪಂದ್ಯವನ್ನಾಡಲಿದೆ.
ಇದನ್ನು ಓದಿ:ಹೆಜಲ್ವುಡ್ ಬದಲಾಗಿ ಬೇರೆ ಆಟಗಾರನನ್ನು ಆಯ್ಕೆ ಮಾಡುವ ಅವಶ್ಯಕತೆ ತಂಡಕ್ಕಿಲ್ಲ: ಸಿಎಸ್ಕೆ
