ಐಪಿಎಲ್ ಹರಾಜಿಗೆ ಕ್ಷಣಗಣನೆ: 338 ಆಟಗಾರರ ಸಂಪೂರ್ಣ ಮಾಹಿತಿ ಇಲ್ಲಿದೆ

ಒಟ್ಟು 997 ಆಟಗಾರರು 2020ರ ಆವೃತ್ತಿಯ ಹರಾಜು ಪ್ರಕ್ರಿಯೆಗೆ ತಮ್ಮ ಹೆಸರನ್ನು ನೋಂದಾಯಿಸಿಕೊಂಡಿದ್ದರು. ಫ್ರಾಂಚೈಸಿಗಳ ಮನವಿ ಮೇರೆಗೆ 338 ಆಟಗಾರರನ್ನು ಮಾತ್ರ ಹರಾಜು ಪಟ್ಟಿಗೆ ಸೇರಿಸಲಾಗಿದೆ. ಈ ಪಟ್ಟಿಯಲ್ಲಿ190 ಭಾರತದ ಆಟಗಾರರು 145 ವಿದೇಶಿ ಆಟಗಾರರು ಹಾಗೂ 3 ಐಸಿಸಿ ಸದಸ್ಯ ರಾಷ್ಟ್ರಗಳ ಆಟಗಾರರು ಸೇರಿದ್ದಾರೆ.

ಕೋಲ್ಕತ್ತಾ: 2020 ರ ಐಪಿಎಲ್​ ಹರಾಜು ಪ್ರಕ್ರಿಯೆ ಇಂದು ಮಧ್ಯಾಹ್ನ 3 ಗಂಟೆಗೆ ಆರಂಭವಾಗಲಿದೆ. ಒಟ್ಟು 338 ಆಟಗಾರರ ಹರಾಜು ಪಟ್ಟಿಯಲ್ಲಿದ್ದು ಇದರಲ್ಲಿ 8 ಫ್ರಾಂಚೈಸಿಗಳಿಂದ ಕೇವಲ 73 ಆಟಗಾರರಿಗೆ ಮಾತ್ರ ಮಿಲಿಯನ್​ ಡಾಲರ್​ ಟೂರ್ನಿಯಲ್ಲಾಡುವ ಅವಕಾಶ ಸಿಗಲಿದೆ.

ಒಟ್ಟು 997 ಆಟಗಾರರು 2020ರ ಆವೃತ್ತಿಯ ಹರಾಜು ಪ್ರಕ್ರಿಯೆಗೆ ತಮ್ಮ ಹೆಸರನ್ನು ನೋಂದಾಯಿಸಿಕೊಂಡಿದ್ದರು. ಫ್ರಾಂಚೈಸಿಗಳ ಮನವಿ ಮೇರೆಗೆ 338 ಆಟಗಾರರನ್ನು ಮಾತ್ರ ಹರಾಜು ಪಟ್ಟಿಗೆ ಸೇರಿಸಲಾಗಿದೆ. ಈ ಪಟ್ಟಿಯಲ್ಲಿ190 ಭಾರತದ ಆಟಗಾರರು, 145 ವಿದೇಶಿ ಆಟಗಾರರು ಹಾಗೂ 3 ಐಸಿಸಿ ಸದಸ್ಯ ರಾಷ್ಟ್ರಗಳ ಆಟಗಾರರು ಸೇರಿದ್ದಾರೆ.

ಐಪಿಎಲ್​ 2020

2020 ಐಪಿಎಲ್​ ಹರಾಜಿನಲ್ಲಿ 2 ಕೋಟಿ ರೂ ಮೂಲ ಬೆಲೆ ಇರುವ 7 ಆಟಗಾರರಿದ್ದಾರೆ. ಮೊದಲ ಸೆಟ್​ನಲ್ಲಿ ಬ್ಯಾಟ್ಸ್​ಮನ್​ಗಳ ಹರಾಜು ನಡೆಯಲಿದೆ. ನಂತರ ಆಲ್​ರೌಂಡರ್​ಗಳು, ವಿಕೆಟ್​ ಕೀಪರ್​ ಬ್ಯಾಟ್ಸ್​ಮನ್​ಗಳು, ವೇಗಿ​ಗಳು ಹಾಗೂ ಸ್ಪಿನ್​ ಬೌಲರ್​ಗಳ ಹರಾಜು ನಡೆಯಲಿದೆ.

ಐಪಿಎಲ್​ ಫ್ರಾಂಚೈಸಿಗಳಿಗೆ ಬೇಕಾಗಿರುವ ಆಟಗಾರರ ಸಂಖ್ಯೆ:

• ಚೆನ್ನೈ ಸೂಪರ್ ಕಿಂಗ್ಸ್​ಗೆ 5 ಆಟಗಾರರ ಅವಶ್ಯಕತೆಯಿದೆ. (3 ಭಾರತೀಯರು ಹಾಗೂ ಇಬ್ಬರು ವಿದೇಶಿಯರು)

• ರಾಜಸ್ಥಾನ್​ ರಾಯಲ್ಸ್​ಗೆ 11 ಆಟಗಾರರ ಅವಶ್ಯಕತೆಯಿದೆ. (7 ಭಾರತೀಯರು, 4 ವಿದೇಶಿಯರು)

• ಕಿಂಗ್ಸ್​ ಇಲೆವೆನ್​ ಪಂಜಾಬ್​ ತಂಡಕ್ಕೆ 9 ಆಟಗಾರರ ಅವಶ್ಯಕತೆಯಿದೆ. (5 ಭಾರತೀಯರು, 4 ವಿದೇಶಿಯರು)

• ಕೋಲ್ಕತ್ತಾ ನೈಟ್​ ರೈಡರ್ಸ್​ಗೆ 11 ಆಟಗಾರರ ಅವಶ್ಯಕತೆಯಿದೆ. (7 ಭಾರತೀಯರು, 4 ವಿದೇಶಿಗರು)

• ರಾಯಲ್​ ಚಾಲೆಂಜರ್ಸ್​ಗೆ 12 ಆಟಗಾರರ ಅವಶ್ಯಕತೆಯಿದೆ. (6 ಭಾರತೀಯರು, 6 ವಿದೇಶಿಯರು)

• ಡೆಲ್ಲಿ ಕ್ಯಾಪಿಟಲ್​ಗೆ 11 ಆಟಗಾರರ ಅವಶ್ಯಕತೆಯಿದೆ.( 6 ಭಾರತೀಯರು, 5 ವಿದೇಶಿಯರು)

• ಮುಂಬೈ ಇಂಡಿಯನ್ಸ್​ಗೆ 7 ಆಟಗಾರರ ಅವಶ್ಯಕತೆಯಿದೆ. (5 ಭಾರತೀಯರು, 2 ವಿದೇಶಿಯರು)