ಲಂಡನ್: 2008ರ ಅಂಡರ್ 19 ವಿಶ್ವಕಪ್ನಲ್ಲಿ ಭಾರತ ತಂಡ ವಿರಾಟ್ ಕೊಹ್ಲಿ ನಾಯಕತ್ವದಲ್ಲಿ ಚಾಂಪಿಯನ್ ಆಗಿ ಹೊರ ಹೊಮ್ಮಿತ್ತು.
ಕಾಕತಾಳೀಯವೆಂದರೆ ಅಂದು ಭಾರತ ತಂಡವನ್ನು ಕೊಹ್ಲಿ ಮುನ್ನಡೆಸಿದ್ದರೆ, ನ್ಯೂಜಿಲ್ಯಾಂಡ್ ತಂಡವನ್ನು ಕೇನ್ ವಿಲಿಯಮ್ಸನ್ ಮುನ್ನಡೆಸಿದ್ದರು. ಅದೇ ಟೂರ್ನಿಯ ಸೆಮಿಫೈನಲ್ನಲ್ಲಿ ಭಾರತ-ಕಿವೀಸ್ ಮುಖಾಮುಖಿಯಾಗಿತ್ತು.
ಅಂದು ಮೊದಲು ಬ್ಯಾಟಿಂಗ್ ನಡೆಸಿದ್ದ ಕಿವೀಸ್ 50 ಓವರ್ಗಳಲ್ಲಿ 205 ರನ್ಗಳಿಸಿತ್ತು. ಡಿಎಲ್ ನಿಯಮದನ್ವಯ 191 ರನ್ಗಳ ಗುರಿ ಪಡೆದಿದ್ದ ಭಾರತ ತಂಡ ಕೊಹ್ಲಿ (43+2 ವಿಕೆಟ್)ಆಲ್ರೌಂಡ್ ಪ್ರದರ್ಶನದಿಂದ 3 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿತ್ತು.
ಇದೀಗ 11 ವರ್ಷಗಳ ನಂತರ ಮತ್ತೆ ಕೊಹ್ಲಿ-ವಿಲಿಯಮ್ಸನ್ ಮುಖಾಮುಖಿಯಾಗುತ್ತಿದ್ದಾರೆ. ಅಂದು ತಂಡದಲ್ಲಿದ್ದವರಲ್ಲಿ ಕೊಹ್ಲಿ ಜೊತೆಗೆ ಜಡೇಜಾ ಇಂದಿನ ತಂಡದಲ್ಲೂ ಇದ್ದಾರೆ. ಅತ್ತ ವಿಲಿಯಮ್ಸ್ ಜೊತೆಗೆ ಟ್ರೆಂಟ್ ಬೌಲ್ಟ್ ಹಾಗೂ ಟಿಮ್ ಸೌಥಿ ಕಿವೀಸ್ ತಂಡದಲ್ಲಿದ್ದಾರೆ.
ಜೂನ್ 9 ರಂದು ನಡೆಯುವ ಮೊದಲ ಸೆಮಿಫೈನಲ್ ವಿಲಿಯಮ್ಸನ್ ಕೊಹ್ಲಿ ವಿರುದ್ದ ಸೇಡು ತೀರಿಸಿಕೊಳ್ಳಲಿದ್ದಾರಾ, ಅಥವಾ ಕೊಹ್ಲಿ ತನ್ನ ವಿಜಯ ಓಟವನ್ನು ಮುಂದುವರಿಸಲಿದ್ದಾರಾ ಎಂಬುದನ್ನು ಕಾದು ನೋಡಬೇಕಿದೆ.
