ತಿರುವನಂತಪುರಂ: ಭಾರತ ಹಾಗೂ ಪ್ರವಾಸಿ ವೆಸ್ಟ್ ಇಂಡೀಸ್ ನಡುವಿನ ಎರಡನೇ ಟಿ-20 ಪಂದ್ಯದಲ್ಲಿ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಮತ್ತೊಂದು ದಾಖಲೆ ಬರೆಯಲು ಸಜ್ಜಾಗಿದ್ದಾರೆ.
ಹೈದರಾಬಾದ್ನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ ದಾಖಲೆಯ 94 ರನ್ ಬಾರಿಸಿ ತಂಡಕ್ಕೆ ಅಭೂತಪೂರ್ವ ಗೆಲುವು ದಕ್ಕಿಸಿಕೊಟ್ಟಿದ್ದ ಕೊಹ್ಲಿ ಇಂದಿನ ಪಂದ್ಯ ಕೇವಲ 4 ರನ್ ಕಲೆಹಾಕಿದರೆ ಮತ್ತೊಂದು ರೆಕಾರ್ಡ್ ತಮ್ಮ ಹೆಸರಿಗೆ ಬರೆಸಿಕೊಳ್ಳಲಿದ್ದಾರೆ.
ಪ್ರಥಮ ಪಂದ್ಯದಲ್ಲಿ 94 ರನ್ ಕಲೆಹಾಕುವ ಮೂಲಕ ಟಿ-20ಯಲ್ಲಿ ತಮ್ಮ ಒಟ್ಟಾರೆ ಗಳಿಕೆಯನ್ನು 2,544ಕ್ಕೆ ಹೆಚ್ಚಿಸಿಕೊಂಡಿದ್ದರು. ಈ ವಿಚಾರದಲ್ಲಿ 2,547 ರನ್ಗಳ ಮೂಲಕ ರೋಹಿತ್ ಶರ್ಮಾ, ನಾಯಕ ಕೊಹ್ಲಿಗಿಂತ ಮೂರು ರನ್ ಮುಂದಿದ್ದಾರೆ. ಇಂದಿನ ಪಂದ್ಯದಲ್ಲಿ ಕೊಹ್ಲಿ ಹಿಂದಿನ ಆಟವನ್ನೇ ಮುಂದುವರೆಸಿದಲ್ಲಿ ಈ ದಾಖಲೆ ಬರೆಯೋದು ನಿಶ್ಚಿತ. ಆದರೆ ರೋಹಿತ್ ಶರ್ಮಾ ಆಟದ ಮೇಲೆ ಕೊಹ್ಲಿ ದಾಖಲೆ ನಿಂತಿದೆ.
ಟಿ20ಯಲ್ಲಿ ಟೀಂ ಇಂಡಿಯಾ ಹೊಸ ದಾಖಲೆ: ಅತಿ ದೊಡ್ಡ ಸ್ಕೋರ್ ಬೆನ್ನಟ್ಟಿ ಗೆದ್ದ ಕೊಹ್ಲಿ ಪಡೆ!
ಮೊದಲ ಪಂದ್ಯದಲ್ಲಿ 94 ರನ್ ದಾಖಲಿಸುವ ಮೂಲಕ ಚುಟುಕು ಕ್ರಿಕೆಟ್ ವಿಭಾಗದಲ್ಲಿ ಅತಿಹೆಚ್ಚು ಅರ್ಧಶತಕ ಸಿಡಿಸಿದ ಭಾರತೀಯ ಆಟಗಾರ ಎನ್ನುವ ದಾಖಲೆಯನ್ನೂ ಕೊಹ್ಲಿ ತಮ್ಮದಾಗಿಸಿಕೊಂಡಿದ್ದರು.
