ಮುಂಬೈ: ವಿಶ್ವ ಶ್ರೀಮಂತ ಕ್ರಿಕೆಟ್ ಲೀಗ್ ಎನಿಸಿಕೊಂಡಿರುವ ಐಪಿಎಲ್ನಲ್ಲಾಡುವು ಪ್ರಸ್ತುತ ಕ್ರಿಕೆಟಿಗರೆಲ್ಲರ ಕನಸಾಗಿದೆ. ಮಿಲಿಯನ್ ಡಾಲರ್ ಟೂರ್ನಿಯಲ್ಲಿ ಪಾಲ್ಗೊಳ್ಳಲಿ ದೇಶ ವಿದೇಶದ ಕ್ರಿಕೆಟಿಗರು ತಮ್ಮ ಹೆಸರನ್ನು ನೋಂದಾಯಿಸಿಕೊಳ್ಳಲು ಕಾಯುತ್ತಿರುತ್ತಾರೆ.
ಐಪಿಎಲ್ನಲ್ಲಿ ಅವಕಾಶ ಸಿಗುವುದು ಕೆಲವರಿಗೆ ಕನಸಾದರೆ ಇನ್ನು ಕೆಲವರಿಗೆ ಐಪಿಎಲ್ ಟ್ರೋಫಿ ಗೆಲ್ಲುವುದು ಕನಸಾಗಿರುತ್ತದೆ. ಐಪಿಎಲ್ನಲ್ಲಿ ಕಳೆದ 10ಕ್ಕೂ ಹೆಚ್ಚು ಆವೃತ್ತಿಗಳಲ್ಲಿ ಆಡಿರುವ , ಇನ್ನು ಕೆಲವರು 12 ಆವೃತ್ತಿಗಳನ್ನಾಡಿದ್ದರು ಇನ್ನು ಒಮ್ಮೆಯೂ ಐಪಿಎಲ್ ಟ್ರೋಪಿ ಎತ್ತಿ ಹಿಡಿಯಲು ಸಾಧ್ಯವಾಗಿಲ್ಲ. ಅಂತಹ ಕೆಲವು ಟಾಪ್ ಕ್ರಿಕೆಟಿಗರ ಲಿಸ್ಟ್ ಇಲ್ಲಿದೆ ನೋಡಿ.
ವಿರಾಟ್ ಕೊಹ್ಲಿ
ಮೊದಲ ಆವೃತ್ತಿಯಿಂದಲೂ ಆರ್ಸಿಬಿ ತಂಡದಲ್ಲಿ ಆಡುತ್ತಿರುವ ಹಾಗೂ ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ(5412) ಐಪಿಎಲ್ನಲ್ಲಿ ಅತಿ ಹೆಚ್ಚು ರನ್ಗಳಿಸಿರುವ ದಾಖಲೆ ಹೊಂದಿದ್ದಾರೆ. ದುರಾದೃಷ್ಟವೆಂದರೆ ಆರ್ಸಿಬಿ ಮೂರು ಬಾರಿ ಫೈನಲ್ ಪ್ರವೇಶಿಸಿದರೂ ಒಮ್ಮೆಯೂ ಕಪ್ ಗೆಲ್ಲಲು ಸಾಧ್ಯವಾಗಿಲ್ಲ. ಆರ್ಸಿಬಿ 2009, 2011 ಹಾಗೂ 2016ರಲ್ಲಿ ಫೈನಲ್ನಲ್ಲಿ ಸೋಲು ಕಂಡು ನಿರಾಸೆಯನುಭವಿಸಿದೆ. 13 ನೇ ಆವೃತ್ತಿಯಲ್ಲಾದರೂ ವಿರಾಟ್ ಟ್ರೋಫಿ ಎತ್ತಿ ಹಿಡಿಯಲಿದ್ದಾರ ಎಂದು ಕಾದು ನೋಡಬೇಕಿದೆ.
ಎಬಿಡಿ ವಿಲಿಯರ್ಸ್
ದಕ್ಷಿಣ ಆಫ್ರಿಕಾದ ಎಬಿ ಡಿ ವಿಲಿಯರ್ಸ್ 2008ರಿಂದ 2010ರವರೆಗೆ ಡೆಲ್ಲಿ ಡೇರ್ ಡೇವಿಲ್ಸ್ ಪರ ಮತ್ತು 2011ರಿಂದ ಆರ್ಸಿಬಿ ತಂಡದ ಪರ ಆಡುತ್ತಿದ್ದಾರೆ. ಇವರ ಕೂಡ 12 ಆವೃತ್ತಿಯಲ್ಲಿ ಕಾನಿಸಿಕೊಂಡಿದ್ದು, ಇವರು ಪ್ರತಿನಿಧಿಸಿದ ಯಾವುದೇ ತಂಡ ಟ್ರೋಫಿ ಎತ್ತಿ ಹಿಡಿದಿಲ್ಲ. ವಿಲಿಯರ್ಸ್ 154 ಪಂದ್ಯಗಳನ್ನಾಡಿದ್ದ 4395 ರನ್ ಸಿಡಿಸಿದ್ದಾರೆ. ಇದರಲ್ಲಿ 3 ಶತಕ ಹಾಗೂ 33 ಅರ್ಧಶತಕ ಸೇರಿದೆ. ಎಬಿಡಿ ಕೂಡ ಎರಡು ಬಾರಿ ಫೈನಲ್ ಆಡಿದ್ದಾರೆ.
ಕ್ರಿಸ್ ಗೇಲ್
2008ರಿಂದ ಇಲ್ಲಿಯವರೆಗ 12 ಆವೃತ್ತಿಯಲ್ಲಿ 3 ತಂಡಗಳ ಪರ ಆಡಿರುವ ವಿಂಡೀಸ್ ದಿಗ್ಗಜ ಕ್ರಿಸ್ ಗೇಲ್ಗೂ ಕೂಡ ಐಪಿಎಲ್ ಟ್ರೋಪಿಗೆ ಮುತ್ತಿಕ್ಕುವ ಸೌಭಾಗ್ಯ ದೊರೆತಿಲ್ಲ. ಇವರು ಕೂಡ 2011 ಹಾಗೂ 2016ರ ಐಪಿಎಲ್ನಲ್ಲಿ ಫೈನಲ್ನಲ್ಲಿ ಆಡಿದ್ದೇ ಇವರ ಗರಿಷ್ಠ ಸಾಧನೆಯಾಗಿದೆ. ಕ್ರಿಸ್ ಗೇಲ್ ಐಪಿಎಲ್ನಲ್ಲಿ ಪಂದ್ಯವೊಂದರಲ್ಲಿ ಗರಿಷ್ಠ ಸ್ಕೋರ್(175326) ಐಪಿಎಲ್ನಲ್ಲಿ ಹೆಚ್ಚು ಸಿಕ್ಸರ್(326) ಹಾಗೂ ಹೆಚ್ಚು ಶತಕ (6) ದಾಖಲೆಯನ್ನು ಹೊಂದಿದ್ದಾರೆ.
ಅಜಿಂಕ್ಯಾ ರಹಾನೆ
2008ರಿಂದ 2019ರ ಮಧ್ಯೆ 140 ಪಂದ್ಯಗಳನ್ನಾಡಿರುವ ರಹಾನೆ , ಮುಂಬೈ ಇಂಡಿಯನ್ಸ್, ರಾಜಸ್ಥಾನ ರಾಯಲ್ಸ್, ಪುಣೆ ಸೂಪರ್ ಜೇಂಟ್ಸ್ ತಂಡಗಳ ಪರ ಆಡಿದ್ದಾರೆ. ಇವರು ತಂಡದ ಭಾಗವಾಗಿದ್ದ ಪುಣೆ ತಂಡ 2017ರಲ್ಲಿ ಫೈನಲ್ ಪ್ರವೇಶಿಸಿತ್ತಾದರು ಒಂದು ರನ್ನಿಂದ ಸೋಲುಕಂಡು ನಿರಾಸೆಯನುಭವಿಸಿತು. ಪ್ರಶಸ್ತಿ ಗೆಲ್ಲದ ಆಟಗಾರನಾಗಿರುವ 32 ವರ್ಷದ ರಹಾನೆ ಐಪಿಎಲ್ನಲ್ಲಿ 3820 ರನ್ ಗಳಿಸಿದ್ದಾರೆ. ರಹಾನೆ ಈ ಬಾರಿ ಡೆಲ್ಲಿ ಕ್ಯಾಪಿಟಲ್ ಪರ ಕಣಕ್ಕಿಳಿಯುತ್ತಿದ್ದಾರೆ.
ಅಮಿತ್ ಮಿಶ್ರಾ
ಡೆಲ್ಲಿ ಡೇರ್ ಡೇವಿಲ್ಸ್ ಪರ ಐಪಿಎಲ್ಗೆ ಪದಾರ್ಪಣೆ ಮಾಡಿದ್ದ ಅಮಿತ್ ಮಿಶ್ರಾ 2011ರಲ್ಲಿ ಸನ್ರೈಸರ್ಸ್ ಹೈದರಾಬಾದ್ ಸೇರಿಕೊಂಡರು. ನಂತರ 2014ರವರೆಗೂ ಅದೇ ತಂಡದಲ್ಲಿದ್ದ ಅವರು 2015ರಲ್ಲಿ ಮತ್ತೆ ಡೆಲ್ಲಿ ತಂಡಕ್ಕೆ ಮರಳಿದರು. ಒಟ್ಟಾರೆ 147 ಪಂದ್ಯಗಳನ್ನಾಡಿರುವ ಮಿಶ್ರಾ 157 ವಿಕೆಟ್ ಪಡೆದಿದ್ದಾರೆ. 12 ಆವೃತ್ತಿಗಳಲ್ಲಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಆಗಿ ಸಾಗುತ್ತಿರುವ ಅಮಿತ್ ಮಿಶ್ರಾ ಪಾಲಿಗೂ ಐಪಿಎಲ್ ಕಿರೀಟ ಮರೀಚಿಗೆ ಯಾಗಿದೆ.
