ರಿಷಭ್ ಪಂತ್ ವಿಕೆಟ್ ಪಡೆದು ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಹೊಸ ದಾಖಲೆ ಬರೆದ ಪೇನ್, ಸ್ಟಾರ್ಕ್​!!

ಆಸ್ಟ್ರೇಲಿಯಾ ತಂಡದ ಮಾಜಿ ವಿಕೆಟ್ ಕೀಪರ್ ಗಿಲ್​ಕ್ರಿಸ್ಟ್ 150 ಬಲಿ ಪಡೆಯಲು 36 ಇನ್ನಿಂಗ್ಸ್ ತೆಗೆದುಕೊಂಡಿದ್ರೆ, ದಕ್ಷಿಣ ಆಫ್ರಿಕಾದ ಮಾರ್ಕ್ ಬೌಚರ್ 38 ಇನ್ನಿಂಗ್ಸ್‌ಗಳಲ್ಲಿ 150 ಔಟ್ ಮಾಡಿದ್ದಾರೆ..

ಮೆಲ್ಬೋರ್ನ್(ಆಸ್ಟ್ರೇಲಿಯಾ): ಆಸ್ಟ್ರೇಲಿಯಾ ನಾಯಕ ಟಿಮ್ ಪೇನ್ ಟೆಸ್ಟ್ ಕ್ರಿಕೆಟ್‌ನಲ್ಲಿ ವೇಗವಾಗಿ 150 ಮಂದಿಯನ್ನು ಔಟ್ ಮಾಡಿದ ವಿಕೆಟ್ ಕೀಪರ್ ಎಂಬ ದಾಖಲೆ ಬರೆದಿದ್ದಾರೆ.

ಮೆಲ್ಬೋರ್ನ್ ಕ್ರಿಕೆಟ್ ಮೈದಾನದಲ್ಲಿ ಭಾರತ ವಿರುದ್ಧದ 2ನೇ ಟೆಸ್ಟ್ ಪಂದ್ಯದ ಎರಡನೇ ದಿನದಲ್ಲಿ ಪೇನ್ ಈ ಸಾಧನೆ ಮಾಡಿದ್ದಾರೆ. ಮಿಚೆಲ್ ಸ್ಟಾರ್ಕ್​ ಎಸೆತದಲ್ಲಿ ರಿಷಭ್ ಪಂತ್ ನೀಡಿದ ಕ್ಯಾಚ್ ಪಡೆಯುವ ಮೂಲಕ ಕಡಿಮೆ ಇನ್ನಿಂಗ್ಸ್​ಗಳಲ್ಲಿ ವಿಕೆಟ್ ಹಿಂದೆ 150 ಮಂದಿಯನ್ನು ಔಟ್ ಮಾಡಿದ ವಿಕೆಟ್ ಕೀಪರ್ ಎಂಬ ಕೀರ್ತಿಗೆ ಪಾತ್ರರಾಗಿದ್ದಾರೆ.

• Two superb achievements 👏#AUSvIND pic.twitter.com/xF3Pi6U6C6

  — cricket.com.au (@cricketcomau) December 27, 2020 " class="align-text-top noRightClick twitterSection" data="

  Two superb achievements 👏#AUSvIND pic.twitter.com/xF3Pi6U6C6

  — cricket.com.au (@cricketcomau) December 27, 2020

  ">

  Two superb achievements 👏#AUSvIND pic.twitter.com/xF3Pi6U6C6

  — cricket.com.au (@cricketcomau) December 27, 2020

ಪಂತ್​ರನ್ನು ಪೆವಿಲಿಯನ್ ಸೇರಿಸಿದ ಸ್ಟಾರ್ಕ್​ ಟೆಸ್ಟ್ ಕ್ರಿಕೆಟ್​ನಲ್ಲಿ 250 ವಿಕೆಟ್ ಪಡೆದ ವೇಗಿ ಎಂಬ ದಾಖಲೆ ಬರೆದಿದ್ದಾರೆ. ಈ ಹಿಂದೆ ದಕ್ಷಿಣ ಆಫ್ರಿಕಾದ ವಿಕೆಟ್ ಕೀಪರ್ ಕ್ವಿಂಟನ್ ಡಿ ಕಾಕ್ 34 ಇನ್ನಿಂಗ್ಸ್​​ಗಳಲ್ಲಿ 150 ಮಂದಿಯನ್ನು ಔಟ್ ಮಾಡಿ ಟೆಸ್ಟ್​ ಕ್ರಿಕೆಟ್​ನಲ್ಲಿ ವೇಗವಾಗಿ 150 ಮಂದಿಯನ್ನು ಔಟ್ ಮಾಡಿದ ವಿಕೆಟ್ ಕೀಪರ್ ಎಂಬ ದಾಖಲೆ ಬರೆದಿದ್ದರು.

ಇದೀಗ ಆಸೀಸ್ ನಾಯಕ ಟಿಮ್ ಪೇನ್ 33 ಇನ್ನಿಂಗ್ಸ್​ನಲ್ಲಿ ಈ ಸಾಧನೆ ಮಾಡಿದ್ದಾರೆ. ಆಸ್ಟ್ರೇಲಿಯಾ ತಂಡದ ಮಾಜಿ ವಿಕೆಟ್ ಕೀಪರ್ ಗಿಲ್​ಕ್ರಿಸ್ಟ್ 150 ಬಲಿ ಪಡೆಯಲು 36 ಇನ್ನಿಂಗ್ಸ್ ತೆಗೆದುಕೊಂಡಿದ್ರೆ, ದಕ್ಷಿಣ ಆಫ್ರಿಕಾದ ಮಾರ್ಕ್ ಬೌಚರ್ 38 ಇನ್ನಿಂಗ್ಸ್‌ಗಳಲ್ಲಿ 150 ಔಟ್ ಮಾಡಿದ್ದಾರೆ.