ಅಹ್ಮದಾಬಾದ್: ಭಾರತದಲ್ಲಿ ಸ್ಪಿನ್ - ಸ್ನೇಹಿ ಪಿಚ್ಗಳ ಸುತ್ತ ನಡೆಯುತ್ತಿರುವ ಚರ್ಚೆಗಳನ್ನು ಬದಿಗೊತ್ತಿರುವ ಇಂಗ್ಲೆಂಡ್‌ನ ಆಲ್ರೌಂಡರ್ ಬೆನ್ ಸ್ಟೋಕ್ಸ್, ಟೆಸ್ಟ್ ಆಟಗಾರರು ಎಲ್ಲ ರೀತಿಯ ಪರಿಸ್ಥಿತಿಗಳನ್ನು ನಿಭಾಯಿಸುವಲ್ಲಿ ಪ್ರವೀಣರಾಗಿರಬೇಕು ಎಂದು ಹೇಳುವ ಮೂಲಕ ಪಿಚ್ ಬಗ್ಗೆ ಯಾವುದೇ ಟೀಕೆ ಸಲ್ಲದು ಎಂದು ಪರೋಕ್ಷವಾಗಿ ಹೇಳಿದ್ದಾರೆ.
ನವೀಕರಣಗೊಂಡಿರುವ ಮೊಟೆರಾ ಕ್ರೀಡಾಂಗಣದಲ್ಲಿ ಬುಧವಾರದಿಂದ ಆರಂಭವಾಗಲಿರುವ ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಡೇ ಅಂಡ್ ನೈಟ್ ಟೆಸ್ಟ್ ಪಂದ್ಯಕ್ಕೂ ಮುನ್ನ ಇಂಗ್ಲೆಂಡ್ ಆಲ್ರೌಂಡರ್ ಬೆನ್ ಸ್ಟೋಕ್ಸ್ , ಟೆಸ್ಟ್ ಬ್ಯಾಟ್ಸ್ಮನ್ ಪಿಚ್ಗಳ ಬಗ್ಗೆ ಆಲೋಚಿಸಬಾರದು, ಎಲ್ಲ ಪರಿಸ್ಥಿತಿಗಳಿಗೆ ಒಗ್ಗಿಕೊಂಡು ಆಡಬೇಕು ಎಂದು ತಿಳಿಸಿದ್ದಾರೆ.
"ಟೆಸ್ಟ್ ಬ್ಯಾಟ್ಸ್ಮನ್ನ ಪ್ರಮುಖ ಲಕ್ಷಣ ಎಂದರೆ, ನೀವು ವಿಭಿನ್ನ ರೀತಿಯ ಪರಿಸ್ಥಿತಿಗಳನ್ನು ಎದುರಿಸಲು ಸಮರ್ಥನಾಗಿರಬೇಕು. ಸಾಗರೋತ್ತರ ಬ್ಯಾಟ್ಸ್ಮನ್ಗಳಿಗೆ ಬಂದು ಯಶಸ್ವಿಯಾಗಲು ಅತ್ಯಂತ ಕಠಿಣವಾದ ಸ್ಥಳಗಳಲ್ಲಿ ಭಾರತವೂ ಒಂದು. ಅದು ಇಂಗ್ಲೆಂಡ್ಗೂ ಕೂಡ. ಇದು ಆಟದ ಒಂದು ಭಾಗ, ಇಂತಹ ಸವಾಲುಗಳನ್ನು ನಾವು ಪ್ರೀತಿಸುತ್ತೇವೆ" ಎಂದು ಪತ್ರಿಕೆಯೊಂದಕ್ಕೆ ಬರೆದಿರುವ ಲೇಖನದಲ್ಲಿ ಸ್ಟೋಕ್ಸ್ ತಿಳಿಸಿದ್ದಾರೆ.
ಭಾರತೀಯ ಹೆಚ್ಚು ತಿರುವು ಪಡೆಯುವ ಪಿಚ್ಗಳು ಪ್ರಸ್ತುತ ನಡೆಯುತ್ತಿರುವ ಸರಣಿಯಲ್ಲಿ ಹೆಚ್ಚು ಚರ್ಚೆಗೀಡಾಗುತ್ತಿದೆ. ಇಂಗ್ಲೆಂಡ್‌ನ ಮಾಜಿ ಆಟಗಾರರಾದ ಮೈಕೆಲ್ ವಾನ್ ಟೆಸ್ಟ್ ಕ್ರಿಕೆಟ್‌ಗೆ ಇಂತಹ ಪಿಚ್ಗಳು ಸೂಕ್ತವಾದುದಾಗಿದೆಯೇ ಎಂದು ಪ್ರಶ್ನಿಸಿದ್ದರು.
ಎರಡನೇ ಪಂದ್ಯದಲ್ಲಿ ನಾನು ಹೆಚ್ಚು ಓವರ್ ಬೌಲ್ ಮಾಡಲಿಲ್ಲ ಎಂಬ ಅಂಶವನ್ನು ಹೆಚ್ಚು ಮಾತನಾಡುವುದು ಬೇಡ, ಅದು ಹಸಿರು ಪಿಚ್ ಆಗಿದ್ದರೆ ನಾನು ಹೆಚ್ಚಿನ ಓವರ್‌ಗಳನ್ನು ಬೌಲ್ ಮಾಡುತ್ತಿದ್ದೆ. ಆದರೆ, ಡೇ ಅಂಡ್ ನೈಟ್ ಪಂದ್ಯದಲ್ಲಿ ನಾನು ಲೈಟ್ಗಳ ಕೆಳಗೆ ಬೌಲಿಂಗ್ ಮಾಡಬಹುದು ಎಂದು ಭಾವಿಸಿದ್ದೇನೆ. ಇದು ತಂಡಕ್ಕೆ ಅನುಕೂಲ ಎಂದು ಅವರು ತಿಳಿಸಿದ್ದಾರೆ.
ಇದನ್ನು ಓದಿ:ತವರಿನ ತಂಡ ತನಗೆ ಬೇಕಾದಂತೆ ಪಿಚ್ ಸಿದ್ಧಪಡಿಸಿಕೊಳ್ಳುವುದು ಹೊಸದೇನಲ್ಲ; ರೋಹಿತ್ ಶರ್ಮಾ
