ಆರ್​ಸಿಬಿ ಆಟಗಾರನ ಆರ್ಭಟ: ಸಿಡ್ನಿ ಸಿಕ್ಸರ್​ಗೆ ಬಿಬಿಎಲ್​ ಚಾಂಪಿಯನ್​ ಪಟ್ಟ

9ನೇ ಆವೃತ್ತಿಯ ಬಿಗ್​ಬ್ಯಾಷ್​ ಲೀಗ್​ನ ಫೈನಲ್​ನಲ್ಲಿ ಸಿಡ್ನಿ ಸಿಕ್ಸರ್ಸ್​ ತಂಡ ಮೆಲ್ಬೋರ್ನ್​ ಸ್ಟಾರ್ಸ್​ ತಂಡವನ್ನು 19 ರನ್​ಗಳಿಂದ ಮಣಿಸಿ 2ನೇ ಬಾರಿಗೆ ಚಾಂಪಿಯನ್​ ಪಟ್ಟ ಪಡೆದಿದೆ.

ಸಿಡ್ನಿ: ಮಳೆಯಡಚಣೆಯ ನಡುವೆಯೂ ನಡೆದ 12 ಓವರ್​ಗಳ ಬಿಬಿಎಲ್​ ಫೈನಲ್​ ಪಂದ್ಯದಲ್ಲಿ ಸಿಡ್ನಿ ಸಿಕ್ಸರ್​ ತಂಡ ಮ್ಯಾಕ್ಸ್​ವೆಲ್​ ನೇತೃತ್ವದ ಮೆಲ್ಬೋರ್ನ್​​ ಸ್ಟಾರ್ಸ್​ ವಿರುದ್ಧ 19 ರನ್​ಗಳ ಜಯ ಸಾಧಿಸಿ ಬಿಬಿಎಲ್​ನ 9ನೇ ಆವೃತ್ತಿಯ ಚಾಂಪಿಯನ್​ ಆಗಿ ಹೊರಹೊಮ್ಮಿದೆ.

ಟೂರ್ನಿಯ ಲೀಗ್​ನಲ್ಲಿ ಪ್ರಾಬಲ್ಯ ಸಾಧಿಸಿದ್ದ ಮ್ಯಾಕ್ಸ್​ವೆಲ್​ ಪಡೆ ಫೈನಲ್​ನಲ್ಲಿ ಟಾಸ್​ ಗೆದ್ದು ಫೀಲ್ಡಿಂಗ್​ ಆಯ್ದುಕೊಂಡಿತು. ಬ್ಯಾಟಿಂಗ್​ ಬಂದ ಸಿಡ್ನಿ ಸಿಕ್ಸರ್ಸ್​ 12 ಓವರ್​ಗಳಿಗೆ ಸೀಮಿತವಾಗಿದ್ದ ಪಂದ್ಯದಲ್ಲಿ 5 ವಿಕೆಟ್​ ಕಳೆದುಕೊಂಡು 116 ರನ್​ಗಳಿಸಿತು. ಆರ್​ಸಿಬಿ ತಂಡಕ್ಕೆ ಸೇರ್ಪಡೆಯಾಗಿರುವ ವಿಕೆಟ್​ ಕೀಪರ್​ ಜೋಸ್​ ಫಿಲಿಪ್ಪೆ ಕೇವಲ 29 ಎಸೆತಗಳಲ್ಲಿ 4 ಬೌಂಡರಿ ಹಾಗೂ 3 ಸಿಕ್ಸರ್​ ಸಹಿತ 52 ರನ್​ಗಳಿಸಿದರು. ಜೋರ್ಡಾನ್​ ಸಿಲ್ಕ್​ 27, ಸ್ಟಿವ್ ಸ್ಮಿತ್​ 21 ರನ್​ಗಳಿಸಿದರು.

• Josh Philippe is the Player of the Final for his brilliant knock of 52 off 29 balls! #BBL09 pic.twitter.com/83OKQdOfLy

  — KFC Big Bash League (@BBL) February 8, 2020 " class="align-text-top noRightClick twitterSection" data="

  Josh Philippe is the Player of the Final for his brilliant knock of 52 off 29 balls! #BBL09 pic.twitter.com/83OKQdOfLy

  — KFC Big Bash League (@BBL) February 8, 2020

  ">

  Josh Philippe is the Player of the Final for his brilliant knock of 52 off 29 balls! #BBL09 pic.twitter.com/83OKQdOfLy

  — KFC Big Bash League (@BBL) February 8, 2020

117 ರನ್​ಗಳ ಸ್ಪರ್ಧಾತ್ಮಕ ಮೊತ್ತ ಬೆನ್ನತ್ತಿದ ಮೆಲ್ಬೋರ್ನ್​​ ಸ್ಟಾರ್ಸ್​ ತಂಡ 12 ಓವರ್​ಗಳಲ್ಲಿ 6 ವಿಕೆಟ್​ ಕಳೆದುಕೊಂಡು 97 ರನ್​ಗಳಿಸಲಷ್ಟೇ ಶಕ್ತವಾಗಿ 19 ರನ್​ಗಳ ಸೋಲುಕಂಡಿತು. ಸ್ಟೋಯ್ನೀಸ್​ 10, ನಿಕ್ ಲರ್ಕಿನ್​ 38, ನಾಥನ್​ ಕೌಲ್ಟರ್​ ನೈಲ್​ 19 ರನ್​ಗಳಿಸಿ ವಿಫಲ ಹೋರಾಟ ನಡೆಸಿದರು.

ಇನ್ನು 9 ಆವೃತ್ತಿಗಳಲ್ಲಿ ಸಿಡ್ನಿ 4ನೇ ಬಾರಿ ಫೈನಲ್​ ತಲುಪಿದ್ದ ಸಿಡ್ನಿ ಸಿಕ್ಸರ್ಸ್​ 2ನೇ ಬಾರಿ ಚಾಂಪಿಯನ್​ ಪಟ್ಟ ಅಲಂಕರಿಸಿತು. 2011 ರ ಮೊದಲ ಆವೃತ್ತಿಯಲ್ಲಿ ಚಾಂಪಿಯನ್​ ಆಗಿದ್ದ ಸಿಕ್ಸರ್ಸ್​ 2020ರಲ್ಲಿ ಮತ್ತೆ ಚಾಂಪಿಯನ್​ ಪಟ್ಟ ಪಡೆದಿದೆ.

2015-16ರಲ್ಲಿ ಫೈನಲ್​ ತಲುಪಿ ನಿರಾಶೆ ಅನುಭವಿಸಿದ್ದ ಮೆಲ್ಬೋರ್ನ್​ ಸ್ಟಾರ್ಸ್ ಇದೀಗ ಮತ್ತೊಮ್ಮೆ ನಿರಾಶೆಯನುಭವಿಸಿತು.​