ಜಮ್ಮು: 2020ರ ಐಪಿಎಲ್ನಲ್ಲಿ ಸನ್ರೈಸರ್ಸ್ ಪರ ಆಡಿದ್ದು ಜಮ್ಮು ಕಾಶ್ಮೀರದ ಯುವ ಆಲ್ರೌಂಡರ್ ಅಬ್ಧುಲ್ ಸಮದ್ ಅದ್ಭುತ ಪ್ರದರ್ಶನಕ್ಕೆ ಕಾರಣವಾಗಿದೆ ಎಂದು ಮಾಜಿ ಟೀಮ್ ಇಂಡಿಯಾ ಆಟಗಾರ ಸುರೇಶ್ ರೈನಾ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಸಮದ್ 13ನೇ ಐಪಿಎಎಲ್ನಲ್ಲಿ ಉತ್ತಮ ಪ್ರದರ್ಶನ ತೋರಿದ್ದಾರೆ. ಅವರು ಸೂಕ್ತ ಪ್ರೋತ್ಸಾಹ ಮತ್ತು ಉತ್ತಮ ಸೌಲಭ್ಯಗಳ ಕೊರತೆಯ ನಡುವೆಯೂ ಅದ್ಭುತ ಸೃಷ್ಟಿಸಿದರು ಎಂದು ಯುವ ಆಟಗಾರನನ್ನು ರೈನಾ ಕೊಂಡಾಡಿದ್ದಾರೆ.
ನನಗೆ ಸಮದ್ ಮೇಲೆ ಭರವಸೆಯಿದೆ. ಈಗಾಗಲೇ ಅವನ ಜೊತೆ ಮಾತನಾಡಿದ್ದೇನೆ. ಆತ ಐಪಿಎಲ್ನಲ್ಲಿ ಆಡಿದ ಮೇಲೆ ಕ್ರಿಕೆಟ್‌ನಲ್ಲಿ ಮುಂದೆ ಬರುತ್ತಿದ್ದಾನೆ. ಆತನಿಗೆ ಉತ್ತಮ ಸೌಲಭ್ಯಗಳನ್ನು ಒದಗಿಸಿಕೊಟ್ಟರೆ ಖಂಡಿತ ಭವಿಷ್ಯದಲ್ಲಿ ಅತ್ಯುತ್ತಮವಾಗಿ ಆಡಬಲ್ಲ ಎಂದು ಅವರು ಹೇಳಿದ್ದಾರೆ.
ಓದಿ: ಯುವಿ-ಧೋನಿ ನಂತರ ಟೀಂ ಇಂಡಿಯಾದ ಬೆಸ್ಟ್ ಫಿನಿಷರ್ ಹೆಸರಿಸಿದ ಗಂಭೀರ್
ಸಮದ್ ಐಪಿಎಲ್ನಲ್ಲಿ 170 ಸ್ಟ್ರೈಕ್ರೇಟ್ನಲ್ಲಿ 111 ರನ್ ಗಳಿಸಿದ್ದರು. ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಕ್ವಾಲಿಫೈಯರ್ನಲ್ಲಿ ಅವರು ಸ್ಫೋಟಕ ಬ್ಯಾಟಿಂಗ್ ಮಾಡುವ ಮೂಲಕ ಪಂದ್ಯದ ಹೆಚ್ಚು ಚರ್ಚಿಸಲ್ಪಟ್ಟ ಆಟಗಾರನಾಗಿದ್ದರು. ಕೇವಲ 16 ಎಸೆತಗಳಲ್ಲಿ 2 ಬೌಂಡರಿ ಹಾಗೂ 2 ಸಿಕ್ಸರ್ ಸಿಡಿಸಿದ್ದರು. ರಬಾಡ ಮತ್ತು ಎನ್ರಿಚ್ ನಾಟ್ಜೆ ಅವರ ಬೌಲಿಂಗ್‌ನಲ್ಲಿ ತಲಾ ಒಂದೊಂದು ಸಿಕ್ಸರ್ ಸಿಡಿಸಿದ್ದರು.
ರೈನಾ ಸ್ವತಃ ಇಂದು ಯುವ ಆಟಗಾರರಿಗಾಗಿ ಜಮ್ಮುವಿನಲ್ಲಿ ಟ್ರಯಲ್ಸ್ ಆಯೋಜಿಸಿದ್ದರು.
