ಜೋಹಾನ್ಸ್‌ಬರ್ಗ್‌: ಸ್ಪರ್ಧಾತ್ಮಕ ಕ್ರಿಕೆಟ್ಗೆ ದಕ್ಷಿಣ ಆಫ್ರಿಕಾ ಮರಳಿದಾಗ ಬ್ಲ್ಯಾಕ್ ಲೈವ್ಸ್ ಮ್ಯಾಟರ್' ಚಳವಳಿಗೆ ಸಿಎಸ್ಎ ಬೆಂಬಲ ಸೂಚಿಸಲಿದೆ. ಈ ಅಭಿಯಾನಕ್ಕೆ ಎಲ್ಲರೂ ಒಂದಾಗಿ ಕೈಜೋಡಿಸಬೇಕು ಎಂದು ಸಿಎಸ್ಎ ನಿರ್ದೇಶಕ ಗ್ರೇಮ್ ಸ್ಮಿತ್ ಅಭಿಪ್ರಾಯಪಟ್ಟಿದ್ದಾರೆ.
ದಕ್ಷಿಣ ಆಫ್ರಿಕಾದ ಕ್ರಿಕೆಟ್ ತಂಡವು ಕ್ರಿಕೆಟಿಗರ ನ್ಯಾಯಯುತ ಪ್ರಾತಿನಿಧ್ಯವನ್ನು ನೀಡಿದೆ. ಕ್ರಿಕೆಟ್ ಮಂಡಳಿಯ ನೀತಿಯ ಪ್ರಕಾರ ತಂಡ ಕಪ್ಪು ಅಥವಾ ಬೇರೆ ಬಣ್ಣದ ಆಟಗಾರರನ್ನು ಹೊಂದಿದೆ. ಆದ್ದರಿಂದ ಸಿಎಸ್ಎ ಈ ಚಳುವಳಿಯನ್ನು ಇನ್ನಷ್ಟು ಮಹತ್ವದ್ದಾಗಿ ಮಾಡಲು ಬಯಸುತ್ತದೆ ಎಂದಿದ್ದಾರೆ.
ಈಗಾಗಲೆ ದಕ್ಷಿಣ ಆಫ್ರಿಕಾ ತಂಡದ ವೇಗದ ಬೌಲರ್ ಲುಂಗಿ ಎಂಗಿಡಿ ಬ್ಲಾಕ್ಲೈವ್ ಮ್ಯಾಟರ್ಸ್ ಆಂದೋಲನಕ್ಕೆ ಬೆಂಬಲ ನೀಡುವುದಾಗಿ ಹೇಳಿದ್ದಾರೆ. ವೆಸ್ಟ್ ಇಂಡೀಸ್ ಮತ್ತು ಇಂಗ್ಲೆಂಡ್ ಆಟಗಾರರಂತೆ 'ಬ್ಲ್ಯಾಕ್ ಲೈವ್ಸ್ ಮ್ಯಾಟರ್ಸ್' ಲೋಗೊ ಧರಿಸಿ , ಮೈದಾನದಲ್ಲಿ ಕ್ರಿಕೆಟಿಗರು ಒಂದು ಮಂಡಿಯೂರಿ ಜಾರ್ಜ್ ಫ್ಲಾಯ್ಡ್ ಸಾವಿಗೆ ಸಂತಾಪ ಸೂಚಿಸುವ ಅಭಿಯಾನಕ್ಕೆ ತಾವು ಸಂಪೂರ್ಣ ಬೆಂಬಲ ನೀಡುವುದಾಗಿ ಅವರು ಹೇಳಿಕೊಂಡಿದ್ದರು.
ಪ್ರಪಂಚದಾದ್ಯಂತ ಏನು ನಡೆಯುತ್ತಿರುವುದರ ಬಗ್ಗೆ ಸಿಎಸ್ಎ [ಕ್ರಿಕೆಟ್ ದಕ್ಷಿಣ ಆಫ್ರಿಕಾ]ಗೆ ಅರಿವಿದೆ. ಇದರಲ್ಲಿ ನಮ್ಮ ಪಾತ್ರದ ಬಗ್ಗೆಯೂ ನಮಗೆ ಬಹಳ ತಿಳಿದಿದೆ ಎಂದು ಸ್ಮಿತ್ ಹೇಳಿದ್ದಾರೆ.
ಇನ್ನು ಎಂಗಿಡಿ ಹೇಳಿಕೆಯನ್ನು ಸಮರ್ಥಿಸಿರುವ ಸ್ಮಿತ್, 'ನಾವೆಲ್ಲ ನಮ್ಮದೇ ಆದ ಪುಟ್ಟ ಪ್ರಪಂಚದಲ್ಲಿದ್ದೇವೆ. ಆದರೆ ಭವಿಷ್ಯದಲ್ಲಿ ನಾವೆಲ್ಲರೂ ಒಂದೆಡೆ ಸೇರಿ ಕ್ಕೆ ಬ್ಯಾಕ್ಲೈವ್ ಮ್ಯಾಟರ್ ಆಂದೋಲನಕ್ಕೆ ಕೈ ಜೋಡಿಸಬೇಕಿದೆ. ಈ ವಿಷಯದಲ್ಲಿ ಲುಂಗಿ ಎಂಗಿಡಿ ನಿಲುವಿಗೆ ನಾವು ಬದ್ದರಾಗಿದ್ದೇವೆ' ಎಂದಿದ್ದಾರೆ.
