ಹೈದರಾಬಾದ್: ಭಾರತ ತಂಡಕ್ಕೆ ಆಸ್ಟ್ರೇಲಿಯಾ ವಿರುದ್ಧದ ಬಾಕ್ಸಿಂಗ್ ಡೇ ಟೆಸ್ಟ್ ಪಂದ್ಯದಲ್ಲಿ ಪದಾರ್ಪಣೆ ಮಾಡುವ ಮೂಲಕ ಇತ್ತೀಚೆಗೆ ಆನಾರೋಗ್ಯದಿಂದ ನಿಧನರಾಗಿದ್ದ ತಂದೆಯ ಕನಸನ್ನು ನನಸು ಮಾಡಿದ್ದಾರೆ. ಮೆಲ್ಬೋರ್ನ್ನಲ್ಲಿ ನಡೆದ ಮೊದಲ ಪಂದ್ಯದಲ್ಲೇ ಸಿರಾಜ್ ದೇಶಕ್ಕೆ ಗೌರವ ತಂದಿದ್ದಾರೆ ಎಂದು ಅವರ ಕುಟುಂಬ ಸಂತಸ ವ್ಯಕ್ತಪಡಿಸಿದೆ.
26 ವರ್ಷದ ಸಿರಾಜ್ ತಂಡದ ಮೊಹಮ್ಮದ್ ಗೌಸ್ ಆಟೋ ಚಾಲಕರಾಗಿದ್ದರು. ತಮ್ಮ ಮಗ ದೇಶ ಪ್ರತಿನಿಧಿಸುವುದನ್ನು ನೋಡು ಕನಸು ಕಂಡಿದ್ದ ಅವರು ದೇಶಕ್ಕಾಗಿ ಸಿರಾಜ್ ಆಡುವ ಮೊದಲೇ ಅನಾರೋಗ್ಯದಿಂದ ಮೃತಪಟ್ಟಿದ್ದರು. ದುರಾದೃಷ್ಟವೆಂದರೆ ಕೋವಿಡ್ ನಿಯಮಗಳಿಂದ ಸಿರಾಜ್ ತಂದೆಯ ಅಂತ್ಯ ಕ್ರಿಯೆಗೂ ಪಾಲ್ಗೊಳ್ಳಲು ಸಾಧ್ಯವಾಗಿರಲಿಲ್ಲ.
ಆದರೆ, ಇಂದು ಸಿರಾಜ್ ಆಸ್ಟ್ರೇಲಿಯಾ ಟೆಸ್ಟ್ ಕ್ರಿಕೆಟ್ಗೆ ಪದಾರ್ಪಣೆ ಮಾಡುವ ಮೂಲಕ ತಮ್ಮ ತಂದೆಯ ಕನಸು ಇಡೇರಿಸಿದ್ದಾರೆ ಎಂದು ಅವರ ಸಹೋದರ ಇಸ್ಮಾಯಿಲ್ ತಿಳಿಸಿದ್ದಾರೆ.
" ಸಿರಾಜ್ ಭಾರತ ತಂಡದ ಪರ ಟೆಸ್ಟ್ ಕ್ರಿಕೆಟ್ ಆಡಬೇಕೆಂಬುದು ನಮ್ಮ ತಂದೆಯ ಕನಸು. ಅವರು ಯಾವಾಗಲು ಸಿರಾಜ್ ಬ್ಲೂ ಮತ್ತು ವೈಟ್ ಜರ್ಸಿ ತೊಟ್ಟು ದೇಶದ ಪರ ಆಡುವುದನ್ನು ನೋಡಲು ಇಷ್ಟಪಡುತ್ತಿದ್ದರು. ಹಾಗಾಗಿ ಇಂದು ನಮ್ಮ ಕನಸು ಸಂಪೂರ್ಣವಾಗಿದೆ " ಎಂದು ಇಸ್ಮಾಯಿಲ್ ಹೈದರಾಬಾದ್ನಲ್ಲಿ ಸುದ್ದಿ ಸಂಸ್ಥೆಗೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾರೆ.
ನಿನ್ನೆ ತಂಡದಲ್ಲಿ ಅವನ ಹೆಸರು ಘೋಷಣೆಯಾಗುತ್ತಿದ್ದಂತೆ ಇಂದು ಪದಾರ್ಪಣೆ ಮಾಡುತ್ತಾನೆಂದು ತಿಳಿದಿತ್ತು. ಹಾಗಾಗಿ ನಮಗೆ ಇಡೀ ರಾತ್ರಿ ನಿದ್ದೆ ಮಾಡಿಲ್ಲ. ನಾವು 4 ಗಂಟೆಗೆ ಟಿವಿ ಆನ್ ಮಾಡಿ ಕುಳಿತಿದ್ದೆವು ಎಂದು ಸಾಫ್ಟ್ವೇರ್ ವೃತ್ತಿ ಹಾಗೂ ಸಹೋದರನ ಮ್ಯಾನೇಜರ್ ಆಗಿರುವ ಇಸ್ಮಾಯಿಲ್ ತಿಳಿಸಿದ್ದಾರೆ.
ನಾವು ಅವರು ಬೌಲಿಂಗ್ ಮಾಡಲು ಬರುವುದನ್ನ ಕಾತುರದಿಂದ ಕಾಯುತ್ತಿದ್ದೆವು. ನಮ್ಮ ಕಾಯುವಿಕೆ ತುಂಬಾ ದೀರ್ಘವಾಗಿತ್ತು. ಆದರೆ, ಭೋಜನ ವಿರಾಮದ ನಂತರ ನಮ್ಮ ಕಾಯುವಿಕೆಗೆ ಮುಗಿದಿತ್ತು. ಅದೊಂದು ನಮ್ಮ ಹೆಮ್ಮೆಯ ಕ್ಷಣವಾಗಿತ್ತು.ಅದು ನಮ್ಮ ಕುಟುಂಬದ ಭಾವುಕ ಕ್ಷಣವಾಗಿತ್ತು ಎಂದು ಅವರು ತಿಳಿಸಿದ್ದಾರೆ.
ಸಿರಾಜ್ ಕೂಡ ಕುಟುಂಬದ ಹಾಗೂ ಸಾವಿರಾರು ಅಭಿಮಾನಿಗಳಿಗೆ ನಿರಾಶೆ ಮೂಡಿಸಲಿಲ್ಲ. ಅವರು ಮೊದಲ ಪಂದ್ಯದಲ್ಲಿ 2 ವಿಕೆಟ್ ಪಡೆದು ಮಿಂಚಿದರು. ಅದರಲ್ಲೂ ಅಪಾಯಕಾರಿಯಾಗಿದ್ದ ಮಾರ್ನಸ್ ಲಾಬುಶೇನ್ ವಿಕೆಟ್ ಪಡೆದು ಮಿಂಚಿದ್ದರು.
