ವಿಶಾಖಪಟ್ಟಣ: ವೆಸ್ಟ್ ಇಂಡೀಸ್ ವಿರುದ್ಧ ನಡೆದ ಎರಡನೇ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ ಬ್ಯಾಟ್ಸ್ಮನ್ಗಳು ಅಬ್ಬರಿಸಿದ್ದು, 50 ಓವರ್ಗಳಲ್ಲಿ ಬರೋಬ್ಬರಿ 387ರನ್ಗಳಿಕೆ ಮಾಡಿದೆ.
ರೋಹಿತ್-ರಾಹುಲ್ ಜೋಡಿ 200ರನ್ಗಳ ಜೊತೆಯಾಟ ನೀಡಿದ್ದು, ಇದಾದ ಬಳಿಕ ಮೈದಾನ ಹಂಚಿಕೊಂಡ ಅಯ್ಯರ್-ರಿಷಭ್ ಜೋಡಿ ಕಡಿಮೆ ಎಸೆತಗಳಲ್ಲಿ ಅತಿ ಹೆಚ್ಚು ರನ್ಗಳಿಕೆ ಮಾಡಿ ಹೊಸ ದಾಖಲೆ ನಿರ್ಮಾಣ ಮಾಡಿದೆ. ಈ ಜೋಡಿ ಕೇವಲ 25 ಎಸೆತಗಳಲ್ಲಿ 18.25 ಸರಾಸರಿಯಲ್ಲಿ ಬರೋಬ್ಬರಿ 73ರನ್ಗಳಿಕೆ ಮಾಡಿದೆ.
45ನೇ ಓವರ್ನಲ್ಲಿ ರೋಹಿತ್ ಶರ್ಮಾ ವಿಕೆಟ್ ಬೀಳುತ್ತಿದ್ದಂತೆ ಮೈದಾನಕ್ಕೆ ಬಂದ ರಿಷಭ್ ಪಂತ್ ಒಂದೇ ಓವರ್ನಲ್ಲಿ ಎರಡು ಸಿಕ್ಸರ್ ಸಿಡಿಸಿದ್ರೆ ನಂತರದ ಓವರ್ನಲ್ಲಿ ಮತ್ತೆರಡು ಸಿಕ್ಸರ್ ಹಾಗೂ ಮೂರು ಬೌಂಡರಿ ಸಿಡಿಸಿದ್ದಾರೆ. ಇದರ ಮುಂದಿನ ಓವರ್ನಲ್ಲಿ ಅಯ್ಯರ್ ನಾಲ್ಕು ಸಿಕ್ಸರ್ ಹಾಗೂ ಒಂದು ಬೌಂಡರಿ ಸಿಡಿಸಿ 31ರನ್ ಕಬಳಿಸಿದ್ದಾರೆ. ಭಾರತೀಯ ಜೋಡಿಯಿಂದ ಒಂದೇ ಓವರ್ನಲ್ಲಿ ಇಷ್ಟೊಂದು ರನ್ಗಳಿಕೆಯಾಗಿರುವುದು ಇದೇ ಮೊದಲು ಎಂಬುದು ಗಮನಾರ್ಹ ಸಂಗತಿ. ಈ ಹಿಂದೆ ಸಚಿನ್ ತೆಂಡೂಲ್ಕರ್ ಹಾಗೂ ಅಜಯ್ ಜಡೇಜಾ ಜೋಡಿ 1999ರಲ್ಲಿ ಒಂದೇ ಓವರ್ನಲ್ಲಿ 28ರನ್ಗಳಿಕೆ ಮಾಡಿದ್ದು ಇಲ್ಲಿಯವರೆಗಿನ ಅತಿ ಹೆಚ್ಚಿನ ಸ್ಕೋರ್ ಆಗಿತ್ತು.
ರಿಷಭ್ ಪಂತ್ 16 ಎಸೆತಗಳಲ್ಲಿ 4 ಸಿಕ್ಸರ್ ಹಾಗೂ 3 ಬೌಂಡರಿ ಸೇರಿ 39ರನ್ಗಳಿಕೆ ಮಾಡಿದರೆ, ಶ್ರೇಯಸ್ ಅಯ್ಯರ್ 4ಸಿಕ್ಸರ್ ಹಾಗೂ 3 ಬೌಂಡರಿ ಸೇರಿ 32 ಎಸೆತಗಳಲ್ಲಿ 53ರನ್ಗಳಿಕೆ ಮಾಡಿದರು. 2015ರಲ್ಲಿ ಸ್ಟುವರ್ಟ್ ಬಿನ್ನಿ ಹಾಗೂ ಕೇದಾರ್ ಜಾಧವ್ ಜಿಂಬಾಬ್ವೆ ವಿರುದ್ಧ 15.78ರ ಸರಾಸರಿಯಲ್ಲಿ 50ರನ್ಗಳಿಕೆ ಮಾಡಿದ್ದರ ರೆಕಾರ್ಡ್ ಬ್ರೇಕ್ ಮಾಡಿದ್ದಾರೆ.
