ತಮಗೆ ‘ಗಬ್ಬರ್​‘ ಎಂದು ಹೆಸರಿಟ್ಟವರು ಯಾರೆಂದು ಬಹಿರಂಗಪಡಿಸಿದ ಶಿಖರ್​ ಧವನ್​

ಶಿಖರ್‌ ಧವನ್‌ರಿಗೆ ಅಭಿಮಾನಿಯೊಬ್ಬ, ನಿಮ್ಮ ಮಗ ಜೊರೋವರ್​ ಅವರ ನೆಚ್ಚಿನ ಕ್ರಿಕೆಟಿಗ ಯಾರು ಎಂದು ಕೇಳಿದ್ದರು. ಜೊರೋವರ್​ ರೋಹಿತ್​ ಶರ್ಮಾರನ್ನು ತುಂಬಾ ಇಷ್ಟಪಡುತ್ತಾನೆ ಅಂತಾ ಧವನ್‌ ಹೇಳಿದ್ದಾರೆ..

ನವದೆಹಲಿ : ಭಾರತ ತಂಡದ ಸ್ಟಾರ್​ ಬ್ಯಾಟ್ಸ್​ಮನ್ ಶಿಖರ್​ ಧವನ್​ರನ್ನು ಗಬ್ಬರ್​ ಸಿಂಗ್​ ಎಂದು ಅಡ್ಡ ಹೆಸರಿನಿಂದ ಕರೆಯಲಾಗುತ್ತದೆ. ಆದರೆ, ಅವರಿಗೆ ಆ ಹೆಸರು ಹೇಗೆ ಬಂತು, ಯಾರು ಇಟ್ಟವರು ಎಂದು ಸ್ವತಃ ಧವನ್ ಬಹಿರಂಗಪಡಿಸಿದ್ದಾರೆ.

ಭಾರತ ತಂಡದ ಆರಂಭಿಕ ಬ್ಯಾಟ್ಸ್​ಮನ್​ ಕ್ರಿಕೆಟ್​ ಮೈದಾನದಲ್ಲಷ್ಟೇ ಅಲ್ಲ, ಮೈದಾನದ ಹೊರಗೂ ಸಖತ್​ ಎಂಜಾಯ್​ ಮಾಡುವ ವ್ಯಕ್ತಿತ್ವ ಹೊಂದಿದ್ದಾರೆ. ಸದಾ ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯರಾಗಿರುವ ಅವರು, ಇಂದು ತಮ್ಮ ಟ್ವಿಟರ್​ನಲ್ಲಿ ಅಭಿಮಾನಿಗಳ ಪ್ರಶ್ನೆಗಳಿಗೆ ಉತ್ತರಿಸುವ ಸಲುವಾಗಿ #AskShikhar ಎಂಬ ಟ್ಯಾಗ್​ಲೈನ್​ನೊಡನೆ ಪ್ರಶ್ನೋತ್ತರ ಅಭಿಯಾನ ನಡೆಸಿದ್ದಾರೆ.

• Thank for your question, Piyush! Vijay Dahiyya bhaiya, our coach from the Delhi Ranji team gave me that name. It's a funny story because I used to love saying Gabbar's dialogues while fielding to keep everyone entertained! #AskShikhar https://t.co/aJsWJfyVSW

  — Shikhar Dhawan (@SDhawan25) July 28, 2020 " class="align-text-top noRightClick twitterSection" data="

  Thank for your question, Piyush! Vijay Dahiyya bhaiya, our coach from the Delhi Ranji team gave me that name. It's a funny story because I used to love saying Gabbar's dialogues while fielding to keep everyone entertained! #AskShikhar https://t.co/aJsWJfyVSW

  — Shikhar Dhawan (@SDhawan25) July 28, 2020

  ">

  Thank for your question, Piyush! Vijay Dahiyya bhaiya, our coach from the Delhi Ranji team gave me that name. It's a funny story because I used to love saying Gabbar's dialogues while fielding to keep everyone entertained! #AskShikhar https://t.co/aJsWJfyVSW

  — Shikhar Dhawan (@SDhawan25) July 28, 2020

ಈ ವೇಳೆ ಅಭಿಯಾನಿಯೊಬ್ಬ ನಿಮಗೆ ಗಬ್ಬರ್​ ಎಂದು ನಾಮಕರಣ ಮಾಡಿದವರು ಯಾರು? ಎಂದು ಪ್ರಶ್ನಿಸಿದರು. ಇದಕ್ಕೆ ಉತ್ತರಿಸಿರುವ ಧವನ್​, ವಿಜಯ್​ ದಾಹಿಯ, ದೆಹಲಿ ತಂಡದ ರಣಜಿ ತಂಡದ ಕೋಚ್​ ಎಂದು ಬಹಿರಂಗಪಡಿಸಿದ್ದಾರೆ.

'ಇದೊಂದು ತಮಾಷೆಯ ಕಥೆಯಾಗಿದೆ. ತಾನು ರಣಜಿ ಕ್ರಿಕೆಟ್​ ಆಡುತ್ತಿದ್ದ ವೇಳೆ ಶೋಲೆ ಸಿನಿಮಾದ ಗಬ್ಬರ್​ ಸಿಂಗ್​ ಅವರ ಡೈಲಾಗ್​ಗಳನ್ನು ಹೇಳುತ್ತಿದ್ದೆ. ನನ್ನ ಸುತ್ತ ಇರುವವರನ್ನು ಮನರಂಜಿಸುವುದು ನನ್ನ ಉದ್ದೇಶವಾಗಿತ್ತು. ಅದಕ್ಕಾಗಿ ನನಗೆ ವಿಜಯ್​ ದಾಹಿಯಾ ಬಾಯ್​, ಆ ಹೆಸರನ್ನೇ ನನಗೆ ನಾಮಕರಣ ಮಾಡಿದರು' ಎಂದು ಧವನ್​ ತಿಳಿಸಿದ್ದಾರೆ.

ಇನ್ನು, ನಿಮ್ಮ ನೆಚ್ಚಿನ ಸ್ಟೇಡಿಯಂ ಯಾವುದು ಎಂದು ಕೇಳಿದ್ದಕ್ಕೆ, ಪದಾರ್ಪಣೆ ಮಾಡಿದ ಮೊಹಾಲಿ ಸ್ಟೇಡಿಯಂ ಎಂದು ಉತ್ತರಿಸಿದ್ದಾರೆ. ಧವನ್​ ಮೊಹಾಲಿಯಲ್ಲಿ ಆಸ್ಟ್ರೇಲಿಯಾ ವಿರುದ್ಧ ತಮ್ಮ ಮೊದಲ ಪಂದ್ಯದಲ್ಲೇ ಆಕರ್ಷಕ 187 ರನ್​ ಸಿಡಿಸಿದ್ದರು. ಮತ್ತೊಬ್ಬ ಅಭಿಮಾನಿ ನಿಮ್ಮ ಮಗ ಜೊರೋವರ್​ ಅವರ ನೆಚ್ಚಿನ ಕ್ರಿಕೆಟಿಗ ಯಾರು ಎಂದು ಕೇಳಿದ್ದಕ್ಕೆ, ಜೊರೋವರ್​ ರೋಹಿತ್​ ಶರ್ಮಾರನ್ನು ತುಂಬಾ ಇಷ್ಟಪಡುತ್ತಾನೆ ಎಂದು ತಿಳಿಸಿದ್ದಾರೆ.

ಹೀಗೆ ಹಲವಾರು ವಿಚಾರಗಳ ಬಗ್ಗೆ ಧವನ್​ ಅಭಿಮಾನಿಗಳೊಂದಿಗೆ ಚರ್ಚಿಸಿದ್ದು, ಅಭಿಮಾನಿಗಳು ಕೇಳಿದ ಪ್ರಶ್ನೆಗಳಿಗೆ ಉತ್ತರಿಸಿದ್ದಾರೆ.