ದುಬೈ: ಸನ್ ರೈಸರ್ಸ್ ಹೈದರಾಬಾದ್ ತಂಡದ ವೇಗಿ ಸಂದೀಪ್ ಶರ್ಮಾ ಐಪಿಎಲ್ ಪವರ್ ಪ್ಲೇನಲ್ಲಿ ಹೆಚ್ಚು ವಿಕೆಟ್ ಪಡೆದ ದಾಖಲೆಗೆ ಪಾತ್ರರಾಗಿದ್ದಾರೆ.
ಮುಂಬೈ ಇಂಡಿಯನ್ಸ್ ವಿರುದ್ಧ ಮಂಗಳವಾರ ನಡೆದ ಪಂದ್ಯದಲ್ಲಿ ಸಂದೀಪ್ ಶರ್ಮಾ 3 ವಿಕೆಟ್ ಪಡೆದಿದ್ದರು. ಈ ಮೂಲಕ ಐಪಿಎಲ್ ಪವರ್ ಪ್ಲೇ ಓವರ್ಗಳಲ್ಲಿ 53 ವಿಕೆಟ್ ಪಡೆದು ಭಾರತ ತಂಡದ ಮಾಜಿ ಬೌಲರ್ ಜಹೀರ್ ಖಾನ್ ದಾಖಲೆ ಬ್ರೇಕ್ ಮಾಡಿದ್ದಾರೆ.
ಜಹೀರ್ ಖಾನ್ ಐಪಿಎಲ್ ಪವರ್ ಪ್ಲೇ ಓವರ್ಗಳಲ್ಲಿ 52 ವಿಕೆಟ್ ಪಡೆದಿದ್ದರು. ಇದೀಗ 53 ವಿಕೆಟ್ ಪಡೆಯುವ ಮೂಲಕ ಐಪಿಎಲ್ನಲ್ಲಿ ವಿಶೇಷ ದಾಖಲೆಗೆ ಪಾತ್ರರಾಗಿದ್ದಾರೆ.
ಸಂದೀಪ್ ಶರ್ಮಾ ಐಪಿಎಲ್ನಲ್ಲಿ 90 ಪಂದ್ಯಗಳಿಂದ 108 ವಿಕೆಟ್ ಕಬಳಿಸಿದ್ದಾರೆ. ಪ್ರಸ್ತುತ ಆವೃತ್ತಿಯಲ್ಲಿ 11 ಪಂದ್ಯಗಳಿಂದ 13 ವಿಕೆಟ್ ಪಡೆದಿದ್ದಾರೆ.
ಇನ್ನು ಪವರ್ ಪ್ಲೇನಲ್ಲಿ ಹೆಚ್ಚು ವಿಕೆಟ್ ಪಡೆದ ಲಿಸ್ಟ್ನಲ್ಲಿ ಸಂದೀಪ್(53) ಮತ್ತು ಜಹೀರ್(52) ನಂತರ ಹೈದರಾಬಾದ್ ತಂಡದವರೇ ಆದ ಭುವನೇಶ್ವರ್ ಕುಮಾರ್(48), ಉಮೇಶ್ ಯಾದವ್(44) ಹಾಗೂ ಧವಳ್ ಕುಲಕರ್ಣಿ (44) ಇದ್ದಾರೆ.
