ಸೆಂಚುರಿಯನ್: ಇಯಾನ್ ಮಾರ್ಗಾನ್ ಅವರ ಅಜೇಯ 57 ರನ್ಗಳ ನೆರವಿನಿಂದ 223 ರನ್ಗಳ ಬೃಹತ್ ಗುರಿ ಬೆನ್ನತ್ತಿದ ಇಂಗ್ಲೆಂಡ್, ದಕ್ಷಿಣ ಆಫ್ರಿಕಾ ವಿರುದ್ಧದ ಅಂತಿಮ ಟಿ-20 ಪಂದ್ಯವನ್ನ 5 ವಿಕೆಟ್ಗಳ ಅಂತರದಲ್ಲಿ ಗೆದ್ದು ಸರಣಿ ವಶಪಡಿಸಿಕೊಂಡಿದೆ.
ನಿರ್ಣಾಯಕ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ನೀಡಿದ್ದ 223 ರನ್ಗಳ ಬೃಹತ್ ಗುರಿ ಬೆನ್ನತ್ತಿದ ಇಂಗ್ಲೆಂಡ್ ತಂಡ ಆರಂಭದಲ್ಲೇ ಜಾಸನ್ ರಾಯ್ ವಿಕೆಟ್ ಕಳೆದುಕೊಂಡಿತು. ಈ ವೇಳೆ ಜೊತೆಯಾದ ಬಟ್ಲರ್ (57) ಮತ್ತು ಜಾನಿ ಬೈರ್ಸ್ಟೋವ್ (64) ಆಕರ್ಷಕ ಅರ್ಧಶತಕ ಸಿಡಿಸಿ ತಂಡಕ್ಕೆ ಆಸರೆಯಾದರು.
ನಂತರ ಬಂದ ಇಯಾನ್ ಮಾರ್ಗನ್ ಕೇವಲ 22 ಎಸೆತಗಳಲ್ಲಿ 7 ಸಿಕ್ಸರ್ ಸಹಿತ 57 ರನ್ ಗಳಿಸುವ ಮೂಲಕ ತಂಡವನ್ನ ಗೆಲುವಿನ ದಡ ಸೇರಿಸಿದ್ರು. ಈ ಹಿಂದೆ 21 ಎಸೆಗಳಲ್ಲಿ ಅರ್ಧಶತಕ ಸಿಡಿಸಿದ್ದ ಮಾರ್ಗನ್ ಮತ್ತೆ 21 ಎಸೆತಗಳಲ್ಲಿ ಅರ್ಧಶತಕ ಸಿಡಿಸಿ ತನ್ನದೇ ದಾಖಲೆ ಸರಿಗಟ್ಟಿದರು. 19.1 ಓವರ್ಗಳಲ್ಲಿ 223 ರನ್ಗಳಿಸಿದ ಇಂಗ್ಲೆಂಡ್ ತಂಡ ಅತಿಥೇಯ ತಂಡದಿಂದ ಟಿ-20 ಸರಣಿ ವಶಪಡಿಸಿಕೊಂಡಿತು. ದಕ್ಷಿಣ ಆಫ್ರಿಕಾ ಪರ ಲುಂಗಿ ಎಂಗಿಡಿ 2 ವಿಕೆಟ್ ಪಡೆದರು.
ಇದಕ್ಕೂ ಮೊದಲು ಟಾಸ್ಗೆದ್ದು ಬ್ಯಾಟಿಂಗ್ ನಡೆಸಿದ್ದ ದಕ್ಷಿಣ ಆಫ್ರಿಕಾ ತಂಡಕ್ಕೆ ಆರಂಭಿಕ ಆಟಗಾರರಾದ ಬವುಮಾ ಮತ್ತು ಕ್ವಿಂಟನ್ ಡಿ ಕಾಕ್ ಉತ್ತಮ ಆರಂಭ ಒದಗಿಸಿದ್ರು. ಮೊದಲನೇ ವಿಕೆಟ್ಗೆ ಈ ಜೋಡಿ 84 ರನ್ ಕಲೆಹಾಕಿ ಭದ್ರ ಅಡಿಪಾಯ ಹಾಕಿದ್ರು.
-
Fifty from 21 balls for Eoin Morgan, with no fours and seven sixes! 🤯
— ICC (@ICC) February 16, 2020 " class="align-text-top noRightClick twitterSection" data="
He equals his own record for England's fastest T20I half-century! 🎉 #SAvENG pic.twitter.com/xSN2Nrpuuk
">Fifty from 21 balls for Eoin Morgan, with no fours and seven sixes! 🤯
— ICC (@ICC) February 16, 2020
He equals his own record for England's fastest T20I half-century! 🎉 #SAvENG pic.twitter.com/xSN2NrpuukFifty from 21 balls for Eoin Morgan, with no fours and seven sixes! 🤯
— ICC (@ICC) February 16, 2020
He equals his own record for England's fastest T20I half-century! 🎉 #SAvENG pic.twitter.com/xSN2Nrpuuk
ನಂತರ ಬಂದ ಕ್ಲಾಸೆನ್ ಬಿರುಸಿನ ಬ್ಯಾಟಿಂಗ್ ಪ್ರದರ್ಶಿಸಿದ್ರು. ಕೇವಲ 33 ಎಸೆತಗಳಲ್ಲಿ 4 ಬೌಂಡರಿ ಮತ್ತು 4 ಸಿಕ್ಸರ್ಗಳ ನೆರವಿನಿಂದ 66 ರನ್ ಸಿಡಿಸಿ ತಂಡದ ಮೊತ್ತವನ್ನ 200ರ ಗಡಿ ದಾಟಿಸಿದ್ರು. ನಿಗದಿತ 20 ಓವರ್ಗಳಲ್ಲಿ ದಕ್ಷಿಣ ಆಫ್ರಿಕಾ ತಂಡ 222ರನ್ ಗಳಿಸಿತ್ತು. ಇಂಗ್ಲೆಂಡ್ ಪರ ಟಾಮ್ ಕರನ್ ಮತ್ತು ಬೆನ್ ಸ್ಟೋಕ್ಸ್ ತಲಾ 2 ವಿಕೆಟ್ ಪಡೆದು ಮಿಂಚಿದ್ರು.
