ನವದೆಹಲಿ : ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಅದ್ಭುತ ಪ್ರದರ್ಶನ ತೋರಿದ ಯುವ ವಿಕೆಟ್ ಕೀಪರ್ ರಿಷಭ್ ಪಂತ್ರನ್ನು ಆಯ್ಕೆ ಸಮಿತಿ ಸೀಮಿತ ಓವರ್ಗಳ ತಂಡಕ್ಕೆ ಪರಿಗಣಿಸಬೇಕು ಎಂದು ಆಸ್ಟ್ರೇಲಿಯಾ ತಂಡದ ಮಾಜಿ ಕ್ರಿಕೆಟಿಗ ಬ್ರಾಡ್ ಹಾಗ್ ಅಭಿಪ್ರಾಯ ಪಟ್ಟಿದ್ದಾರೆ.
ನಾನು ಆತನನ್ನು( ಪಂತ್) ಏಕದಿನ ಮತ್ತು ಟಿ20 ತಂಡಕ್ಕೆ ಸೇರಿಸಲು ಬಯಸುತ್ತೇನೆ. ಪಂತ್ ಸ್ವತಃ ಆತ್ಮ ವಿಶ್ವಾಸ ಮತ್ತು ನಂಬಿಕೆಯನ್ನು ಹೆಚ್ಚಿಸಿಕೊಂಡಿದ್ದಾರೆ.
ಟೆಸ್ಟ್ ಸರಣಿಯಲ್ಲಿ ಪಂದ್ಯವನ್ನು ಗೆಲ್ಲಿಸುವ ಆಟದ ಮೂಲಕ ತಮ್ಮ ಸಾಮರ್ಥ್ಯ ಸಾಬೀತು ಪಡಿಸಿದ್ದಾರೆ ಎಂದು ಹಾಗ್ ತಮ್ಮ ಯೂಟ್ಯೂಬ್ ಚಾನೆಲ್ನಲ್ಲಿ ಹೇಳಿದ್ದಾರೆ.
ಆಸ್ಟ್ರೇಲಿಯಾ ನೆಲದಲ್ಲಿ ಭಾರತದ ಪರ ಇದಕ್ಕಿಂತ ಉತ್ತಮವಾಗಿ ಆಡಲು ಸಾಧ್ಯವಿಲ್ಲ. ಹಾಗಾಗಿ, ನಾನು ಸೀಮಿತ ಓವರ್ಗಳ ತಂಡದಲ್ಲಿ ಶ್ರೇಯಸ್ ಅಯ್ಯರ್ ಸ್ಥಾನದಲ್ಲಿ ಅವರನ್ನು ಆಡಿಸಲು ಬಯಸುತ್ತೇನೆ.
ಬ್ಯಾಟಿಂಗ್ ಮತ್ತು ಬೌಲಿಂಗ್ ಆಳವನ್ನು ಗಮಸಿನಿದ್ರೆ, ಅವರನ್ನು(ಪಂತ್) ಅಯ್ಯರ್ ಅಥವಾ ಸಂಜು ಸ್ಯಾಮ್ಸನ್ ಜಾಗದಲ್ಲಿ ಇರಿಸಬಹುದು ಎಂದು ಹಾಗ್ ಅಭಿಪ್ರಾಯ ಪಟ್ಟಿದ್ದಾರೆ.
ಪಂತ್ ಹಲವಾರು ಬಗೆಯ ಹೊಡೆತಗಳನ್ನು ಪ್ರಯೋಗಿಸುವುದರಿಂದ ಅವರು ಇತರೆ ಬ್ಯಾಟ್ಸ್ಮನ್ಗಳಿಗಿಂತ ಭಿನ್ನ ಹಾಗೂ ಅವರಿಗೆ ಬೌಲಿಂಗ್ ಮಾಡುವುದು ಕೂಡ ಕಠಿಣ ಕೆಲಸ. ಹಾಗಾಗಿ, ಅವರನ್ನು ವೈಟ್‌ಬಾಲ್ ಮಾದರಿಗೂ ಸೇರಿಸಿ ಎಂದು ಸಲಹೆ ನೀಡಿದ್ದಾರೆ.
ಪಂತ್ ಮೂರನೇ ಟೆಸ್ಟ್ 5ನೇ ದಿನ ಆಕರ್ಷಕ 97 ರನ್ಗಳಿಸಿ ಪಂದ್ಯ ಡ್ರಾ ಆಗಲು ನೆರವಾಗಿದ್ದರು. ಕೊನೆಯ ಟೆಸ್ಟ್ನಲ್ಲಿ ಸ್ಫೋಟಕ ಬ್ಯಾಟಿಂಗ್ ನಡೆಸಿ ಭಾರತ ತಂಡ ಐತಿಹಾಸಿಕ ಟೆಸ್ಟ್ ಸರಣಿ ಜಯಿಸಲು ನೆರವಾಗಿದ್ದರು.
ಇದನ್ನು ಓದಿ:ಇಂಗ್ಲೆಂಡ್ ವಿರುದ್ಧ ಪ್ರಾಬಲ್ಯ ಮುಂದುವರೆಸುವ ಆಲೋಚನೆಯಲ್ಲಿ ಕೊಹ್ಲಿ ಪಡೆ
