ಕಿಂಗ್ಸ್ಟನ್: ವಿಂಡೀಸ್ ಪ್ರವಾಸದಲ್ಲಿರುವ ಟೀಂ ಇಂಡಿಯಾ ಸದ್ಯ ಟೆಸ್ಟ್ ಸರಣಿ ಕ್ಲೀನ್ಸ್ವೀಪ್ ಮಾಡುವ ಹುಮ್ಮಸ್ಸಿನಲ್ಲಿದೆ. ಇದೇ ಸರಣಿಯಲ್ಲಿ ಇದೀಗ ಯುವ ವಿಕೆಟ್ ಕೀಪರ್ ರಿಷಭ್ ಪಂತ್ ಹಿರಿಯ ಆಟಗಾರ ಧೋನಿ ದಾಖಲೆಯನ್ನು ಬ್ರೇಕ್ ಮಾಡಿದ್ದಾರೆ.
ಇಶಾಂತ್ ಶರ್ಮ ಎಸೆತದಲ್ಲಿ ಕ್ರೆಗ್ ಬ್ರಾತ್ವೈಟ್ ಕ್ಯಾಚ್ ಪಡೆಯುವ ಮೂಲಕ ರಿಷಭ್ ಪಂತ್ ವಿಕೆಟ್ ಹಿಂದೆ ವೇಗವಾಗಿ ಐವತ್ತು ಬಲಿ ಪಡೆದ ಸಾಧನೆ ಮಾಡಿದ್ದಾರೆ. ಪಂತ್ ಈ ಸಾಧನೆ ಕೇವಲ 11 ಟೆಸ್ಟ್ನಲ್ಲಿ ಮೂಡಿಬಂದಿದೆ.
ಸರಣಿ ಕ್ಲೀನ್ ಸ್ವೀಪ್ನತ್ತ ಕೊಹ್ಲಿ ಪಡೆ ಚಿತ್ತ... ಆತಿಥೇಯರ ಮುಂದಿದೆ ಬೃಹತ್ ಗುರಿ!
ಚಾಣಾಕ್ಷ ವಿಕೆಟ್ ಕೀಪರ್ ಎಂ.ಎಸ್.ಧೋನಿ 15 ಟೆಸ್ಟ್ ಪಂದ್ಯದಲ್ಲಿ 50 ಬಲಿ ಪಡೆದಿದ್ದರು. ಸದ್ಯ ಧೋನಿ ಸ್ಥಾನಕ್ಕೆ ಬಂದಿರುವ ಪಂತ್ ಧೋನಿಯನ್ನು ಹಿಂದಿಕ್ಕಿದ್ದಾರೆ.
ರಿಷಭ್ ಪಂತ್ 11 ಪಂದ್ಯದಲ್ಲಿ 50 ಬಲಿ ಪಡೆಯುವ ಮೂಲಕ ವೇಗವಾಗಿ ಈ ಸಾಧನೆ ಮಾಡಿದ ಭಾರತೀಯ ಎನ್ನುವ ಹೆಗ್ಗಳಿಕೆಗೂ ಪಾತ್ರರಾಗಿದ್ದಾರೆ. ಬ್ಯಾಟಿಂಗ್ನಲ್ಲಿ ನೀರಸ ಪ್ರದರ್ಶನ ತೋರುತ್ತಿರುವ ಪಂತ್ ಕೀಪಿಂಗ್ನಲ್ಲಿ ದಾಖಲೆ ಬರೆದಿದ್ದಾರೆ.
ಟೆಸ್ಟ್ ಚಾಂಪಿಯನ್ಶಿಪ್ಗೆ ನೀರಸ ಪ್ರತಿಕ್ರಿಯೆ... ಗ್ಯಾಲರಿಯಲ್ಲಿದ್ದಿದ್ದು ಕೇವಲ 50 ಮಂದಿ!
