ಚೆನ್ನೈ: ಸೈಯದ್ ಮುಸ್ತಾಕ್ ಅಲಿ ಟೂರ್ನಿಯಲ್ಲಿ ಮುಂಬೈ ತಂಡದ ವಿರುದ್ಧ ಕೇವಲ 54 ಎಸೆತಗಳಲ್ಲಿ ಬರೋಬ್ಬರಿ ಅಜೇಯ 137ರನ್ಗಳಿಕೆ ಮಾಡಿ ಒಂದೇ ರಾತ್ರಿಯಲ್ಲಿ ಹೀರೋ ಆಗಿದ್ದ ಮೊಹಮ್ಮದ್ ಅಜರುದ್ದೀನ್ಗೆ ಇದೀಗ ಆರ್ಸಿಬಿ ಬಾಗಿಲು ತೆರೆದಿದೆ.
ಓದಿ: ಕೊರೊನಾ ಕಾಲದಲ್ಲೂ ಕ್ರಿಕೆಟರ್ಸ್ಗೆ ಲಕ್ಷ್ಮಿ ಕಟಾಕ್ಷ... ಅನ್ಕ್ಯಾಪ್ಡ್ ಮೆರೆಡಿತ್ಗೆ 8 ಕೋಟಿ ರೂ. !
ಐಪಿಎಲ್ನ 14ನೇ ಆವೃತ್ತಿ ಇಂಡಿಯನ್ ಪ್ರೀಮಿಯರ್ ಲೀಗ್ನ ಹರಾಜು ಪ್ರಕ್ರಿಯೆಯಲ್ಲಿ 20 ಲಕ್ಷ ಮೂಲ ಬೆಲೆ ಹೊಂದಿದ್ದ ಅಜರುದ್ದೀನ್ಗೆ ವಿರಾಟ್ ಕೊಹ್ಲಿ ನೇತೃತ್ವದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಮೂಲ ಬೆಲೆ ನೀಡಿ ಖರೀದಿ ಮಾಡಿದೆ.
ಓದಿ: 5.25 ಕೋಟಿ ರೂ. ನೀಡಿ 'ಶಾರುಖ್ ಖಾನ್' ಖರೀದಿಸಿದ ಪ್ರೀತಿ ಜಿಂಟಾ... ಯಾರು ಈ ಪ್ಲೇಯರ್!?
ಕೇರಳದ ಕಾಸರಗೋಡು ಕ್ರಿಕೆಟರ್ ಆಗಿರುವ ಮೊಹಮ್ಮದ್ ಅಜರುದ್ದೀನ್ ಈ ಹಿಂದಿನಿಂದಲೂ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದಲ್ಲಿ ಆಡುವ ಕನಸು ಕಂಡಿದ್ದರು. ಅದರಂತೆ ಅವರನ್ನ ಇದೀಗ ಖರೀದಿ ಮಾಡಲಾಗಿದೆ. ದೇಶಿ ಟೂರ್ನಿಯಲ್ಲಿ ಕೇವಲ 54 ಎಸೆತಗಳಲ್ಲಿ 9 ಬೌಂಡರಿ, 11 ಸಿಕ್ಸರ್ ಸಿಡಿಸಿ ಮಿಂಚಿದ್ದ ಈ ಪ್ಲೇಯರ್ ಸೈಯದ್ ಮುಸ್ತಾಕ್ ಅಲಿಯಲ್ಲಿ ಅತಿ ವೇಗವಾಗಿ ಶತಕ ಸಿಡಿಸಿದ ಎರಡನೇ ಪ್ಲೇಯರ್ಸ್ ಆಗಿದ್ದಾರೆ. 26 ವರ್ಷದ ಈ ಪ್ಲೇಯರ್ ಇಲ್ಲಿಯವರೆಗೆ 24 ಟಿ-20 ಪಂದ್ಯಗಳನ್ನಾಡಿದ್ದು, 451ರನ್ಗಳಿಕೆ ಮಾಡಿದ್ದಾರೆ.
