ಚೆನ್ನೈ: ಇಂಗ್ಲೆಂಡ್ ತಂಡದ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಭಾರತದ ಅನುಭವಿ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ 6 ವಿಕೆಟ್ ಪಡೆಯುವ ಮೂಲಕ ಮತ್ತೊಂದು ದಾಖಲೆಯನ್ನು ತಮ್ಮ ಹೆಸರಿಗೆ ಬರೆದುಕೊಂಡಿದ್ದಾರೆ.
ಇಂಗ್ಲೆಂಡ್ 2ನೇ ಇನ್ನಿಂಗ್ಸ್ ಬ್ಯಾಟಿಂಗ್ ಆರಂಭಿಸುತ್ತಿದ್ದಂತೆ ರೋರಿ ಬರ್ನ್ಸ್ರನ್ನು ಮೊದಲ ಎಸೆತದಲ್ಲೇ ಔಟ್ ಮಾಡುವ ಮೂಲಕ, ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲಿ 100ವರ್ಷಗಳ ನಂತರ ಮೊದಲ ಎಸೆತದಲ್ಲಿ ವಿಕೆಟ್ ಪಡೆದ ಮೊದಲ ಸ್ಪಿನ್ ಬೌಲರ್ ಎಂಬ ದಾಖಲೆಗೆ ಪಾತ್ರರಾಗಿದ್ದರು. 1907ರಲ್ಲಿ ಬರ್ಟ್ ವೋಲ್ಗರ್ ಈ ಸಾಧನೆ ಮಾಡಿದ್ದರು.
ಇದಲ್ಲದೇ ಇಂಗ್ಲೆಂಡ್ ತಂಡವನ್ನು 178ರನ್ಗಳಿಗೆ ಕಟ್ಟಿಹಾಕುವಲ್ಲಿ ಅಶ್ವಿನ್ ನೆರವಾಗಿದ್ದರು. ಅವರು ಎರಡನೇ ಇನ್ನಿಂಗ್ಸ್ನಲ್ಲಿ 61 ರನ್ ನೀಡಿ 6 ವಿಕೆಟ್ ಪಡೆದರು. ಈ ಮೂಲಕ ವೃತ್ತಿ ಜೀವನದಲ್ಲಿ 28ನೇ ಬಾರಿ 5 ವಿಕೆಟ್ ಸಾಧನೆ ಮಾಡಿದರು. ಈ ಮೂಲಕ ಇಂಗ್ಲೆಂಡಿನ ಮಾಜಿ ಆಲ್ ರೌಂಡರ್ ಇಯಾನ್ ಬಾಥಮ್ ಅವರ ದಾಖಲೆಯನ್ನು ಸರಿಗಟ್ಟಿದ್ದಾರೆ.
ಟೆಸ್ಟ್ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು 5 ವಿಕೆಟ್ ಪಡೆದ ಬೌಲರ್ಸ್
- ಮುತ್ತಯ್ಯ ಮುರಳಿಧರನ್ : 67
- ಶೇನ್ ವಾರ್ನ್ : 37
- ಸರ್ ರಿಚರ್ಡ್ ಹ್ಯಾಡ್ಲಿ : 36
- ಅನಿಲ್ ಕುಂಬ್ಳೆ : 35
- ರಂಗನಾ ಹೆರಾತ್ : 34
- ಜೇಮ್ಸ್ ಆಂಡರ್ಸನ್ : 30
- ಗ್ಲೆನ್ ಮೆಗ್ರಾ : 29
- ಆರ್ ಅಶ್ವಿನ್ : 28
- ಇಯಾನ್ ಬಾಥಮ್ : 27
ಟೆಸ್ಟ್ ಕ್ರಿಕೆಟ್ನಲ್ಲಿ ತವರಿನಲ್ಲಿ ಹೆಚ್ಚು 5 ವಿಕೆಟ್ ಪಡೆದ ಬೌಲರ್ಸ್
- ಮುತ್ತಯ್ಯ ಮುರುಳೀದರನ್-45
- ರಂಗಬಾ ಹೆರಾತ್-26
- ಅನಿಲ್ ಕುಂಬ್ಳೆ-25
- ಜೇಮ್ಸ್ ಆ್ಯಂಡರ್ಸನ್- 22
- ರವಿಚಂದ್ರನ್ ಅಶ್ವಿನ್- 22
