ಹೈದರಾಬಾದ್: ಕಳೆದ ಐಪಿಎಲ್ನಲ್ಲಿ ಆರ್ ಅಶ್ವಿನ್ ಜೋಸ್ ಬಟ್ಲರ್ರನ್ನು ಮಂಕಡ್ ರನ್ಔಟ್ ಮಾಡುವ ಮೂಲಕ ವಿವಾದಕ್ಕೀಡಾಗಿದ್ದರು. ಇದೀಗ ಬ್ಯಾಟ್ಸ್ಮನ್ಗಳು ಬೌಲರ್ ಚೆಂಡನ್ನು ಎಸೆಯುವ ಮುನ್ನ ಓಡುವುದನ್ನು ತಡೆಯಲು ತಂತ್ರಜ್ಞಾನದ ಬಳಕೆ ಜಾರಿಗೆ ತಂದು ಆಟವನ್ನು ಸಮತೋಲನದಲ್ಲಿಡ ಬೇಕೆಂದು ಸಲಹೆ ನೀಡಿದ್ದಾರೆ.
"ಬೌಲರ್ ಚೆಂಡನ್ನು ಎಸೆಯುವ ಮೊದಲು ಬ್ಯಾಟ್ಸ್ಮನ್ ಬೌಲರ್ಗಿಂತ ಮೊದಲೇ ರನ್ಗಳಿಸಲು ಪ್ರಯತ್ನಿಸುತ್ತಾರೆಯೇ ಎಂಬುದನ್ನು ತಂತ್ರಜ್ಞಾನ ಗಮನಿಸಿರುತ್ತದೆ. ಒಂದು ವೇಳೆ ಬೌಲರ್ ಚೆಂಡನ್ನು ಎಸೆಯುವ ಮುನ್ನ ನಾನ್ ಸ್ಟ್ರೈಕರ್ ಬ್ಯಾಟ್ಸ್ಮನ್ ಓಡಿದರೆ ಆ ಎಸೆತದಲ್ಲಿ ಗಳಿಸಿದ ರನ್ಗಳನ್ನು ಗಣನೆಗೆ ತೆಗೆದುಕೊಳ್ಳಬಾರದು"ಎಂದು ಅವರು ಸಲಹೆ ನೀಡಿದ್ದಾರೆ.
ಅದೇ ರೀತಿ ನಾನ್ ಸ್ಟ್ರೈಕರ್ ಬೌಲರ್ಗೂ ಚೆಂಡು ಎಸೆಯುವ ಮುನ್ನ ವೇ ಕ್ರೀಸ್ ಬಿಡುವುದರಿಂದ ಬೌಲಿಂಗ್ ತಂಡಕ್ಕೆ ಏನೆಲ್ಲಾ ಅನಾನುಕೂಲವಾಗುತ್ತದೆ ಎಂಬುದನ್ನು ಮತ್ತೊಂದು ಟ್ವೀಟ್ ಮೂಲಕ ವಿವರಿಸಿದ್ದಾರೆ.
"ನಿಮ್ಮಲ್ಲಿ ಅನೇಕರು ಇಲ್ಲಿ ಗಂಭೀರ ಅಸಮಾನತೆಯಿದೆ ಎಂದು ನೋಡಲು ಸಾಧ್ಯವಾಗುವುದಿಲ್ಲ, ಆದ್ದರಿಂದ ನಾನು ಅತ್ಯುತ್ತಮವಾದ ರೀತಿಯಲ್ಲಿ ಸ್ಪಷ್ಟಪಡಿಸಲು ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತೇನೆ. ನಾನ್ ಸ್ಟ್ರೈಕರ್ನಲ್ಲಿರುವವರು ಬ್ಯಾಟ್ಸ್ಮನ್ 2 ಅಡಿ ಮುಂದೆ ಹೋದರೆ 2 ರನ್ಗಳಿಸಲು ಸುಲಭವಾಗುತ್ತದೆ. ಇದರಿಂದ ಮುಂದಿನ ಎಸೆತಕ್ಕೆ ಅದೇ ಬ್ಯಾಟ್ಸ್ಮನ್ ಮತ್ತೆ ಸ್ಟ್ರೈಕ್ಗೆ ಹೋಗುತ್ತಾರೆ.
ಮತ್ತೆ ಅದೇ ಬ್ಯಾಟ್ಸ್ಮನ್ ಸ್ಟ್ರೈಕ್ಗೆ ಮರಳಿದಾಗ ಆತ ಮುಂದಿನ ಎಸೆತದಲ್ಲಿ 4 ಅಥವಾ 6 ರನ್ಗಳಿಸದಬಹುದು. ಹಿಂದಿನ ಎಸೆತದಲ್ಲಿ ನಾನ್ ಸ್ಟ್ರೈಕರ್ ಬ್ಯಾಟ್ಸ್ಮನ್ ಮಾಡುವ ಆ ಪ್ರಮಾದದಿಂದ 1ರನ್ ಜಾಗದಲ್ಲಿ ಬೌಲಿಂಗ್ ತಂಡಕ್ಕೆ 7 ರನ್ಗಳು ದಂಡ ತೆತ್ತಬೇಕಾಗುತ್ತದೆ. ಅಲ್ಲದೆ ಹಿಂದಿನ ಎಸೆತದಲ್ಲಿ ನ್ಯಾಯವಾಗಿ ಓಡಿ ಒಂದು ರನ್ ತೆಗೆದುಕೊಂಡಿದ್ದಲ್ಲೆ ಬೇರೆ ಬ್ಯಾಟ್ಸ್ಮನ್ ಸ್ಟ್ರೈಕ್ಗೆ ಬರವುದರಿಂದ ಮುಂದಿನ ಎಸೆತ ಡಾಟ್ ಬಾಲ್ ಆಗುವ ಸಾಧ್ಯತೆಯೂ ಇರುತ್ತದೆ ಎಂದು ಅಶ್ವಿನ್ ವಿವರಿಸಿದ್ದಾರೆ.
ಕಳೆದ ವರ್ಷದ ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ ಅಶ್ವಿನ್, ಕಿಂಗ್ಸ್ ಇಲೆವೆನ್ ಪಂಜಾಬ್ ಮತ್ತು ರಾಜಸ್ಥಾನ್ ರಾಯಲ್ಸ್ ನಡುವಿನ ಪಂದ್ಯದ ವೇಳೆ ಜೋಸ್ ಬಟ್ಲರ್‌ನನ್ನು ಮಂಕಡ್ ಮಾಡಿ ಕ್ರಿಕೆಟ್ ಪ್ರೇಮಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದರು. ನಾನ್ ಸ್ಟ್ರೈಕರ್ನಲ್ಲಿ ಬಟ್ಲರ್ ಕ್ರೀಸ್ ಬಿಟ್ಟು ತೆರಳುತ್ತಿದ್ದದ್ದನ್ನು ಗಮನಿಸಿದ ಅಶ್ವಿನ್ ಬೆಲ್ಸ್ ಎಗರಿಸಿದ್ದರು. ನಂತರ ಅಂಪೈರ್ಗಳು ಬಟ್ಲರ್ರನ್ನು ಔಟೆಂದು ತೀರ್ಪು ನೀಡಿದ್ದರು.
ಇಂತಹ ಘಟನೆಗಳನು ಮರುಕಳಿಸಬಾರದೆಂದು ಅಶ್ವಿನ್ ತಂತ್ರಜ್ಞಾನದ ಬಳಕೆಯ ಮೂಲಕ ಈ ಸಮಸ್ಯೆಯನ್ನು ಬಗೆಹರಿಸಬಹುದು ಎಂದು ತಮ್ಮ ಟ್ವೀಟ್ ಮೂಲಕ ತಿಳಿಸಿದ್ದಾರೆ.
