ವಿಶಾಖಪಟ್ಟಣ: ದಕ್ಷಿಣ ಆಫ್ರಿಕಾ ವಿರುದ್ಧ ಮೊದಲ ಟೆಸ್ಟ್ ಗೆಲ್ಲುವ ವಿಶ್ವಾಸದಲ್ಲಿ ಹಲವಾರು ಯೋಜನೆಗಳನ್ನು ಹಾಕಿಕೊಂಡು 2ನೇ ಇನ್ನಿಂಗ್ಸ್ ಆರಂಭಿಸಿದ ಟೀಮ್ ಇಂಡಿಯಾಗೆ ಪೂಜಾರ ಅಡ್ಡಗೋಡೆಯಾಗಬಹುದು ಎಂದುಕೊಳ್ಳುತ್ತಿರವಾಗಲೇ ಪೂಜಾರ ರೌದ್ರವತಾರದ ಮೂಲಕ ಎಲ್ಲರ ಬಾಯಿ ಮುಚ್ಚಿಸಿದ್ದಾರೆ.
ಮೊದಲ ಇನ್ನಿಂಗ್ಸ್ನಲ್ಲಿ 76 ರನ್ಗಳ ಮುನ್ನಡೆ ಪಡೆದಿದ್ದ ಟೀಮ್ ಇಂಡಿಯಾ ಈ ಪಂದ್ಯ ಗೆಲ್ಲಬೇಕಾದರೆ ಈ ದಿನವೇ ಉತ್ತಮ 300 ಕ್ಕೂ ಹೆಚ್ಚು ರನ್ ಗುರಿ ನೀಡುವ ಆಲೋಚನೆಯಲ್ಲಿತ್ತು ಆದರೆ ಅಗರ್ವಾಲ್(7) ಔಟಾದ ನಂತರ ಕ್ರೀಸ್ಗೆ ಬಂದ ಪೂಜಾರ ಕೆಲವು ಸಮಯ ತೀರಾ ನಿಧಾನಗತಿ ಆಟ ಪ್ರದರ್ಶನ ಮಾಡಿ ಅಭಿಮಾನಿಗಳಿಗೆ ಹಾಗೂ ನಾನ್ಸ್ಟ್ರೈಕರ್ನಲ್ಲಿದ್ದ ರೋಹಿತ್ ಕೋಪಕ್ಕೂ ತುತ್ತಾದರು.
ರೋಹಿತ್ 47 ರನ್ಗಳಿಸಿದ್ದ ವೇಳೆ 61 ಎಸೆತಗಳಲ್ಲಿ ಕೇವಲ 8 ರನ್ಗಳಿಸಿದ್ದ ಪೂಜಾರ ಇದ್ದಕ್ಕಿದ್ದಂತೆ ಟಿ20 ರೂಪ ತಾಳಿ ದಕ್ಷಿಣ ಆಫ್ರಿಕಾದ ಬೌಲರ್ಗಳನ್ನು ಚೆಂಡಾಡಿದರು. ಸತತ ಬೌಂಡರಿಗಳ ಮೂಲಕ 106 ಎಸೆತಗಳಲ್ಲಿ ಅರ್ಧಶತಕ ಸಿಡಿಸಿದ ಪೂಜಾರ ಒಂದು ಹಂತದಲ್ಲಿ ರೋಹಿತ್ರನ್ನೇ ಹಿಂದಿಕ್ಕಿ 70ರ ಗಡಿದಾಟಿದರು.
ರೋಹಿತ್ ಶರ್ಮಾ ಬೌಗುಳದಿಂದಲೋ ಟೀಕೆ ಗುರಿಯಾಗಬೇಕೆಂಬ ಬಯದಿಂದಲೋ ಸ್ಫೋಟಕ ಆಟಕ್ಕೆ ಮೊರೆ ಹೋದ ಪೂಜಾರ 81 ರನ್ಗಳಿಸಿದ್ದ ವೇಳೆ ಪಿಲಾಂಡರ್ ಬೌಲಿಂಗ್ನಲ್ಲಿ ಎಲ್ಬಿ ಬಲೆಗೆ ಬಿದ್ದರು. ಅವರ ಇನ್ನಿಂಗ್ಸ್ನಲ್ಲಿ 13 ಬೌಂಡರಿ ಹಾಗೂ 2 ಸಿಕ್ಸರ್ ದಾಖಲಾಗಿತ್ತು.
