ಲಂಡನ್: ಇಂದಿನ ಪಂದ್ಯವನ್ನು ಹೊರೆತುಪಡಿಸಿದರೆ ವಿಶ್ವಕಪ್ನಲ್ಲಿ 30 ಪಂದ್ಯಗಳು ಮುಗಿದಿದ್ದು , 6 ಪಂದ್ಯಗಳನ್ನಾಡಿರುವ ಪಾಕಿಸ್ತಾನ ಹೆಚ್ಚು ಕ್ಯಾಚ್ ಕೈಚೆಲ್ಲಿ ಕೆಟ್ಟ ದಾಖಲೆ ನಿರ್ಮಿಸಿದೆ.
'ಕ್ಯಾಚಸ್ ವಿನ್ ಮ್ಯಾಚಸ್' ಎನ್ನುವ ಹಾಗೆ ಪಾಕಿಸ್ತಾನ ತಂಡ ಕೆಲವು ಕ್ಯಾಚ್ಗಳನ್ನು ಕೈಬಿಟ್ಟು ಪಂದ್ಯಗಳನ್ನೇ ಕಳೆದುಕೊಂಡಿದೆ. ಇಡೀ ಟೂರ್ನಿಯಲ್ಲಿ 6 ಪಂದ್ಯವಾಡಿರುವ ಪಾಕಿಸ್ತಾನ ತಂಡ 26 ಕ್ಯಾಚ್ ಹಿಡಿದಿದ್ದರೆ, ಬರೋಬ್ಬರಿ 14 ಕ್ಯಾಚ್ ಕೈಚೆಲ್ಲಿದೆ. ಈ ಮೂಲಕ ಅತ್ಯಂತ ಕಳಪೆ ಫೀಲ್ಡಿಂಗ್ ಮಾಡುತ್ತಿರುವ ತಂಡ ಎಂಬ ಕುಖ್ಯಾತಿಗೆ ಪಾತ್ರವಾಗಿದೆ.
ನಂತರದ ಸ್ಥಾನದಲ್ಲಿ ಅತಿಥೇಯ ಇಂಗ್ಲೆಂಡ್ 10 ಕ್ಯಾಚ್ಗಳನ್ನು ಕೈಚೆಲ್ಲಿದ್ದರೆ, ಫೀಲ್ಡಿಂಗ್ನಲ್ಲಿ ಶ್ರೇಷ್ಠ ತಂಡವೆಂದೇ ಹೆಸರು ಪಡೆದಿದ್ದ ದಕ್ಷಿಣ ಆಫ್ರಿಕಾ 7 ಕ್ಯಾಚ್ ಡ್ರಾಪ್ ಮಾಡಿದೆ. ಕಿವೀಸ್ ಹಾಗೂ ಆಸ್ಟ್ರೇಲಿಯಾ ತಲಾ 6, ಬಾಂಗ್ಲಾದೇಶ ಹಾಗೂ ವಿಂಡೀಸ್ ತಲಾ ಮೂರು ಅಫ್ಘಾನಿಸ್ತಾನ ಹಾಗೂ ಶ್ರೀಲಂಕಾ ತಲಾ 2 ಕ್ಯಾಚ್ ಕೈಚೆಲ್ಲಿವೆ.
ಟೀಮ್ ಇಂಡಿಯಾ 15 ಕ್ಯಾಚ್ ಹಿಡಿದಿದ್ದು, ಕೇವಲ ಒಂದು ಕ್ಯಾಚ್ ಮಾತ್ರ ಕೈಚೆಲ್ಲಿದೆ. ವಿಶ್ವಕಪ್ನಲ್ಲಿ ಇತರೆ ತಂಡಗಳಿಗೆ ಹೋಲಿಸಿದರೆ ಭಾರತ ಶ್ರೇಷ್ಟ ಫೀಲ್ಡಿಂಗ್ ಪ್ರದರ್ಶನ ತೋರುತ್ತಿದೆ.
