ಗಾಯಗೊಂಡ ಅನುಭವಿ ವೇಗಿ ಫುಲ್​ಫಿಟ್​: ಟೀಂ​ ಇಂಡಿಯಾಗೆ ಬಂತು ಆನೆ ಬಲ

ಭಾರತ ತಂಡ ಅನುಭವಿ ವೇಗಿ ಶನಿವಾರ ಬೆಂಗಳೂರಿನಲ್ಲಿ ರಾಷ್ಟ್ರೀಯ ಕ್ರಿಕೆಟ್ ಆಕಾಡೆಮಿಯಲ್ಲಿ ಫಿಟ್​ನೆಸ್​ ಟೆಸ್ಟ್​ ಪಾಸ್​ ಮಾಡಿದ್ದು ವೆಲ್ಲಿಂಗ್ಟನ್​ ಪಂದ್ಯದ ವೇಳೆ ತಂಡ ಸೇರಿಕೊಳ್ಳಲಿದ್ದಾರೆ.

ಬೆಂಗಳೂರು: ರಣಜಿ ಪಂದ್ಯದ ವೇಳೆ ಗಾಯಗೊಂಡಿದ್ದ ಭಾರತ ತಂಡದ ವೇಗಿ ಇಶಾಂತ್​ ಶರ್ಮಾ ಸಂಪೂರ್ಣ ಫಿಟ್ ಆಗಿದ್ದು ಕಿವೀಸ್​ ವಿರುದ್ಧದ 2 ಪಂದ್ಯಗಳ ಟೆಸ್ಟ್​ ಸರಣಿಯಲ್ಲಿ ಪಾಲ್ಗೊಳ್ಳಲಿದ್ದಾರೆ ಎಂದು ತಿಳಿದುಬಂದಿದೆ.

ಇಶಾಂತ್ ಶರ್ಮಾ

ಜನವರಿ 26ರಂದು ಇಮ್ಮಡಿ ಗಾಯಗೊಂಡ ನಂತರ ನನಗೆ ರೋಲರ್ ಕಾಸ್ಟರ್​ ರೈಡ್​ ಮಾಡಿಸಲಾಗಿತ್ತು. ಆಶಿಷ್​​ ಕೌಶಿಕ್ ಅವರ ಸಹಾಯದಿಂದ ಯಶಸ್ವಿಯಾಗಿ ಆ ರೈಡ್​ ಮುಗಿಸಿದ್ದೇನೆ, ಸ್ಕ್ಯಾನ್​ಗೆ ಒಳಗಾಗುವಾಗ ಸ್ವಲ್ಪ ಭಯವಿತ್ತು. ಆದರೆ ಈಗ ಸಂಪೂರ್ಣ ಫಿಟ್​ ಆಗಿರುವುದು ಖುಷಿ ತಂದಿದೆ ಎಂದು ಟ್ವೀಟ್​ ಮೂಲಕ ತಾವು ಫಿಟ್​ ಆಗಿರುವ ವಿಷಯವನ್ನು ಅವರು ತಿಳಿಸಿದ್ದಾರೆ.

ಟೆಸ್ಟ್​ ತಂಡದ ವೇಳಾಪಟ್ಟಿ

ನ್ಯೂಜಿಲ್ಯಾಂಡ್ ವಿರುದ್ಧ ಎರಡು ಪಂದ್ಯಗಳ ಟೆಸ್ಟ್ ಸರಣಿಯನ್ನು ಭಾರತ ಆಡಲಿದೆ. ಫೆಬ್ರವರಿ 21 ರಂದು ವೆಲ್ಲಿಂಗ್ಟನ್​ನಲ್ಲಿ ಮೊದಲ ಟೆಸ್ಟ್ ಆರಂಭವಾಗಲಿದೆ.