ಮೌಂಟ್ ಮಾಂಗ್ನುಯಿ: ಆತಿಥೇಯ ನ್ಯೂಜಿಲ್ಯಾಂಡ್ ವಿರುದ್ಧದ ಫೈನಲ್ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ ನಡೆಸಿದ ಟೀಂ ಇಂಡಿಯಾ ಸ್ಮರ್ಧಾತ್ಮಕ ರನ್ ಕಲೆ ಹಾಕಿದೆ. ಆರಂಭಿಕ ಆಘಾತದ ನಡುವೆ ಕೂಡ ಕನ್ನಡಿಗ ಕೆಎಲ್ ರಾಹುಲ್ ಹಾಗೂ ಶ್ರೇಯಸ್ ಅಯ್ಯರ್ ಜೊತೆಯಾಟದ ಸಹಾಯದಿಂದ ಎದುರಾಳಿ ಪಡೆಗೆ 297ರನ್ಗಳ ಟಾರ್ಗೆಟ್ ನೀಡಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಭಾರತ ಮತ್ತೊಮ್ಮೆ ಕೆಟ್ಟ ಆರಂಭ ಪಡೆದುಕೊಳ್ತು. ಆರಂಭಿಕರಾದ ಮಯಾಂಕ್ ಅಗರ್ವಾಲ್ (1) ಸತತ ಮೂರನೇ ಪಂದ್ಯದಲ್ಲೂ ವೈಫಲ್ಯ ಅನುಭವಿಸಿದರು. ಇದರ ಬೆನ್ನಲ್ಲೇ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ವಿಕೆಟ್ ಒಪ್ಪಿಸಿ ನಿರಾಸೆ ಮೂಡಿಸಿದ್ರು. ಹೀಗಾಗಿ ತಂಡ 6 ಓವರ್ಗಳಲ್ಲಿ 32ರನ್ಗಳಿಸಿ ಪ್ರಮುಖ ಎರಡು ವಿಕೆಟ್ ಕಳೆದಕೊಳ್ತು.
ಈ ಬಳಕ ಒಂದಾದ ಪೃಥ್ವಿ ಶಾ-ಅಯ್ಯರ್ ತಂಡಕ್ಕೆ ಆಸರೆಯಾದರು. ಆದರೆ 42ರನ್ಗಳಿಸಿದ್ದ ವೇಳೆ ಶಾ ರನೌಟ್ ಆದರು. ಆದರೆ ಅಮೋಘ ಫಾರ್ಮ್ ಮುಂದುವರಿಸಿದ ಶ್ರೇಯಸ್ ಆಕರ್ಷಕ ಅರ್ಧಶಕತ ಸಿಡಿಸಿ, ಕೆಎಲ್ ರಾಹುಲ್ಗೆ ಉತ್ತಮ ಸಾಥ್ ನೀಡಿದರು. 62ರನ್ಗಳಿಸಿದ್ದ ವೇಳೆ ಅಯ್ಯರ್ ವಿಕೆಟ್ ಒಪ್ಪಿಸಿ ನಿರಾಸೆ ಮೂಡಿಸಿದ್ರೆ, ರಾಹುಲ್ ತಮ್ಮ ಫಾರ್ಮ್ ಮುಂದುವರಿಸಿದ್ರು. ಇವರಿಗೆ ಮತ್ತೋರ್ವ ಕನ್ನಡಿಗ ಮನೀಷ್ ಸಾಥ್ ನೀಡಿದರು. ಇದೇ ವೇಳೆ ರಾಹುಲ್ ಏಕದಿನ ಕ್ರಿಕೆಟ್ನಲ್ಲಿ 4ಶತಕ ಸಿಡಿಸಿ ಮಿಂಚಿದರು. 112ರನ್ಗಳಿಸಿದ್ದ ವೇಳೆ ವಿಕೆಟ್ ಒಪ್ಪಿಸಿದ್ರೆ, ಇವರ ಬೆನ್ನಲ್ಲೇ ಮನೀಷ್ ಪಾಂಡೆ(42ರನ್)ವಿಕೆಟ್ ನೀಡಿದರು.
ಕೊನೆಯದಾಗಿ ಟೀಂ ಇಂಡಿಯಾ 50 ಓವರ್ಗಳಲ್ಲಿ 7ವಿಕೆಟ್ ಕಳೆದುಕೊಂಡು 296ರನ್ಗಳಿಕೆ ಮಾಡಿದ್ದು, ಕಿವೀಸ್ ಗೆಲುವಿಗೆ 297ರನ್ ಗುರಿ ನೀಡಿದೆ. ನ್ಯೂಜಿಲ್ಯಾಂಡ್ ತಂಡದ ಪರ ಹಮ್ಮಿಸ್ಸ್ ಬೆನಿಟ್ 4ವಿಕೆಟ್, ಜೆಮ್ಸನ್ 1 ಹಾಗೂ ನೆಸ್ಸಮ್ 1ವಿಕೆಟ್ ಪಡೆದುಕೊಂಡರು.
