ಜೋಹನ್ಸ್ ಬರ್ಗ್ : ಪಾಕಿಸ್ತಾನದ ಫಖರ್ ಝಮಾನ್ ದಕ್ಷಿಣ ಆಫ್ರಿಕಾ ವಿರುದ್ಧದ 2ನೇ ಪಂದ್ಯದಲ್ಲಿ 193 ರನ್ಗಳಿಸುವ ಮೂಲಕ ಚೇಸಿಂಗ್ ವೇಳೆ ಗರಿಷ್ಠ ರನ್ ಬಾರಿಸಿದ ಬ್ಯಾಟ್ಸ್ಮನ್ ಎಂಬ ವಿಶ್ವದಾಖಲೆಗೆ ಪಾತ್ರರಾಗಿದ್ದಾರೆ.
ಭಾನುವಾರ ನಡೆದ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ನೀಡಿದ 342 ರನ್ಗಳ ಗುರಿ ಬೆನ್ನತ್ತಿದ ಪಾಕಿಸ್ತಾನ 324 ರನ್ಗಳಿಸಲಷ್ಟೇ ಶಕ್ತವಾಗಿ 17 ರನ್ಗಳಿಂದ ಸೋಲುಂಡಿತು. ಫಖರ್ ಝಮಾನ್ 155 ಎಸೆತಗಳಲ್ಲಿ 18 ಬೌಂಡರಿ ಮತ್ತು 10 ಸಿಕ್ಸರ್ಗಳ ನೆರವಿನಿಂದ 193 ರನ್ಗಳಿಸಿ ನಡೆಸಿದ ಹೋರಾಟ ವ್ಯರ್ಥವಾಯಿತು. ಆದರೆ, ಏಕದಿನ ಕ್ರಿಕೆಟ್ನಲ್ಲಿ ಝಮಾನ್ ವಿಶ್ವದಾಖಲೆ ಬರೆದರು.
30 ವರ್ಷದ ಆಟಗಾರ ವಾಟ್ಸನ್ ಹೆಸರಿನಲ್ಲಿ ಚೇಸಿಂಗ್ ವೇಳೆ ಗರಿಷ್ಠ ರನ್ ಬಾರಿಸಿದ ಬ್ಯಾಟ್ಸ್ಮನ್ ಎಂಬ ದಾಖಲೆ ಬ್ರೇಕ್ ಮಾಟಿದರು. ವಾಟ್ಸನ್ 2011ರಲ್ಲಿ ಬಾಂಗ್ಲಾದೇಶದ ವಿರುದ್ಧ 185 ರನ್ಗಳಿಸಿದ್ದರು. ಝಮಾನ್ ಇದೇ ವೇಳೆ ಜೋಹನ್ಸ್ ಬರ್ಗ್ನಲ್ಲಿ ಗರಿಷ್ಠ ರನ್ಗಳಿಸಿದ ಬ್ಯಾಟ್ಸ್ಮನ್ ಎಂಬ ಖ್ಯಾತಿಗೂ ಪಾತ್ರರಾದರು. ಈ ಹಿಂದೆ ಹರ್ಷೆಲ್ಸ್ ಗಿಬ್ಸ್ ಆಸ್ಟ್ರೇಲಿಯಾ ವಿರುದ್ಧ 177 ರನ್ಗಳಿಸಿದ್ದು ದಾಖಲೆಯಾಗಿತ್ತು.
ಚೇಸಿಂಗ್ ವೇಳೆ ಗರಿಷ್ಠ ರನ್ಗಳಿಸಿದ ಬ್ಯಾಟ್ಸ್ಮನ್ಗಳು
- ಫಖರ್ ಝಮಾನ್ vs ದಕ್ಷಿಣ ಆಫ್ರಿಕಾ 193
- ಶೇನ್ ವಾಟ್ಸನ್ vs ಬಾಂಗ್ಲಾದೇಶದ 185
- ಮಹೇಂದ್ರ ಸಿಂಗ್ ಧೋನಿ vs ಶ್ರೀಲಂಕಾ 183
- ವಿರಾಟ್ ಕೊಹ್ಲಿ vs ಪಾಕಿಸ್ತಾನ 183
ದಕ್ಷಿಣ ಆಫ್ರಿಕಾ ನೆಲದಲ್ಲಿ ಗರಿಷ್ಠ ನ್ ಬಾರಿಸಿದ ಬ್ಯಾಟ್ಸ್ಮನ್
- ಫಖರ್ ಝಮಾನ್ 193
- ಫಾಫ್ ಡು ಫ್ಲೆಸಿಸ್ 185
- ಕ್ವಿಂಟನ್ ಡಿ ಕಾಕ್ 178
- ಎಬಿಡಿ ವಿಲಿಯರ್ಸ್ 176
