ಅಬುಧಾಬಿ: ಆರ್ಸಿಬಿ ವಿರುದ್ಧ ಹೀನಾಯ ಪ್ರದರ್ಶನ ತೋರಿ 8 ವಿಕೆಟ್ಗಳ ಸೋಲು ಕಂಡ ನಂತರ ಕೆಕೆಆರ್ ತಂಡದ ನಾಯಕ ಇಲ್ಲಿನ ಪರಿಸ್ಥಿತಿ ನೋಡಿದ ಮೇಲೆ ನಾವೇ ಮೊದಲು ಬೌಲಿಂಗ್ ಮಾಡುವ ನಿರ್ಧಾರ ತೆಗೆದುಕೊಳ್ಳಬೇಕಿತ್ತು ಎಂದು ಹೇಳಿದ್ದಾರೆ.
ಬುಧವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಲು ನಿರ್ಧಾರ ತೆಗೆದುಕೊಂಡ ಕೆಕೆಆರ್ ಸಿರಾಜ್ ಬೌಲಿಂಗ್ ದಾಳಿಗೆ ಸಿಲು 4 ಓವರ್ ಆಗುವುದರೊಳಗೆ 4 ವಿಕೆಟ್ ಕಳೆದುಕೊಂಡಿತು. ನಂತರ ಇತರ ಬೌಲರ್ಗಳು ಕೂಡ ಕೋಲ್ಕತ್ತಾ ಬ್ಯಾಟ್ಸ್ಮನ್ಗಳನ್ನು ಚೇತರಿಸಿಕೊಳ್ಳಲು ಬಿಡಲಿಲ್ಲ. ಕೊನೆಗೆ 20 ಓವರ್ಗಳಲ್ಲಿ 84 ರನ್ ಮಾತ್ರ ಸಿಡಿಸಲು ಶಕ್ತವಾದರು. 85 ರನ್ಗಳ ಗುರಿಯನ್ನು ಆರ್ಸಿಬಿ 13.3 ಓವರ್ಗಳಲ್ಲಿ ತಲುಪಿ ವಿಜಯ ಸಾಧಿಸಿತು.
ಆರಂಭದಲ್ಲೇ ನಾಲ್ಕೈದು ವಿಕೆಟ್ ಕಳೆದುಕೊಂಡಿದ್ದು, ನಾವು ಬಯಸಿದ್ದ ಆಟವಾಗಿರಲಿಲ್ಲ. ಆರ್ಸಿಬಿ ಬೌಲರ್ಗಳು ಉತ್ತಮವಾಗಿ ಬೌಲಿಂಗ್ ಮಾಡಿದರು. ಅಲ್ಲಿನ ಪರಿಸ್ಥಿತಿ ನೋಡಿದರೆ ನಾವು ಮೊದಲು ಬೌಲಿಂಗ್ ಮಾಡಬೇಕಿತ್ತು" ಎಂದು ಮಾರ್ಗನ್ ಪಂದ್ಯದ ನಂತರ ಹೇಳಿದ್ದಾರೆ.
ಇನ್ನು ನರೈನ್ ಮತ್ತು ರಸೆಲ್ ಮುಂದಿನ ಪಂದ್ಯಗಳಿಗೆ ಲಭ್ಯವಿರುತ್ತಾರೆ. ಅವರಿಬ್ಬರು ಉತ್ತಮ ಸಾಮರ್ಥ್ಯ ಇರುವ ಆಲ್ರೌಂಡರ್ಗಳು. ಅಂತಹ ಆಟಗಾರರು ಯಾವಾಗ ಲಭ್ಯರಿರುತ್ತಾರೋ ಆಗ ವಿಷಯಗಳು ವಿಭಿನ್ನವಾಗಿರುತ್ತವೆ. ಆಶಾದಾಯಕವಾಗಿ ಅವರಿಬ್ಬರು ಶೀಘ್ರದಲ್ಲಿ ತಂಡ ಸೇರಿಕೊಳ್ಳಲಿದ್ದಾರೆ ಎಂದು ಮಾರ್ಗನ್ ಹೇಳಿದ್ದಾರೆ.
