ನವದೆಹಲಿ: ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಫೋರ್ಬ್ಸ್ ಬಿಡುಗಡೆ ಮಾಡಿರುವ 2020ರ ಶ್ರೀಮಂತ ಕ್ರೀಡಾಪಟುಗಳ ಪಟ್ಟಿಯಲ್ಲಿ ಸ್ಥಾನ ಪಡೆದ ಏಕೈಕ ಕ್ರಿಕೆಟಿಗ ಹಾಗೂ ಭಾರತದ ಏಕಮಾತ್ರ ಕ್ರೀಡಾಪಟು ಎಂಬ ಶ್ರೇಯಕ್ಕೆ ಪಾತ್ರರಾಗಿದ್ದಾರೆ.
2020ರ 100 ಶ್ರೀಮಂತ ಕ್ರೀಡಾಪಟುಗಳ ಪಟ್ಟಿಯನ್ನು ಫೋರ್ಬ್ಸ್ ಬಿಡುಗಡೆ ಮಾಡಿದ್ದು, ಇದರಲ್ಲಿ ಸ್ವಿಟ್ಜರ್ರ್ಲೆಂಡ್ನ ರೋಜರ್ ಫೆಡರರ್ 106.3 ಮಿಲಿಯನ್ ಯುಎಸ್ಡಿ(802 ಕೋಟಿ) ಆದಾಯ ಹೊಂದಿದ್ದು ಮೊದಲ ಸ್ಥಾನ ಪಡೆದುಕೊಂಡಿದ್ದಾರೆ. ಈ ಲಿಸ್ಟ್ನಲ್ಲಿ ವಿರಾಟ್ ಕೊಹ್ಲಿ 26 ಮಿಲಿಯನ್ ಯುಎಸ್ಡಿ(196 ಕೋಟಿ) ಆದಾಯದೊಂದಿಗೆ 66ನೇ ಸ್ಥಾನ ಪಡೆದಿದ್ದಾರೆ.
ವಿರಾಟ್ ಕೊಹ್ಲಿ ಕಳೆದ ವರ್ಷ ಕೂಡ ಟಾಪ್ 100ರಲ್ಲಿ ಸ್ಥಾನ ಪಡೆದಿದ್ದ ಏಕೈಕ ಕ್ರಿಕೆಟರ್ ಆಗಿದ್ದರು. ಆದರೆ ಈ 4 ಬಾರಿ ಕಳೆದ ವರ್ಷಕ್ಕಿಂತ 30ಕ್ಕಿಂತ ಹೆಚ್ಚಿನ ಸ್ಥಾನ ಏರಿಕೆ ಕಂಡಿದ್ದಾರೆ. ಕೊಹ್ಲಿ 24 ಮಿಲಿಯನ್ ಡಾಲರ್ ಆದಾಯವನ್ನು ತಮ್ಮ ಜಾಹೀರಾತು ರಾಯಭಾರತ್ವದಿಂದ ಹಾಗೂ 2 ಮಿಲಿಯನ್ ಡಾಲರ್ ಮೊತ್ತದ ಆದಾಯವನ್ನು ಬಿಸಿಸಿಐ ನೀಡುವ ವೇತನದಿಂದ ಪಡೆಯಲಿದ್ದಾರೆ.
ಅತಿ ಹೆಚ್ಚು ಆದಾಯ ಗಳಿಸಿರುವ ಫೋರ್ಬ್ಸ್ ಪಟ್ಟಿಯಲ್ಲಿ ರೋಜರ್ ಫೆಡರರ್ ನಂತರದ ಸ್ಥಾನಗಳಲ್ಲಿ ಫುಟ್ಬಾಲ್ ಸ್ಟಾರ್ಗಳಾದ ಫೋರ್ಚುಗಲ್ನ ಕ್ರಿಶ್ಚಿಯಾನೊ ರೊನಾಲ್ಡೊ 105 ಮಿಲಿಯನ್ ಯುಎಸ್ಡಿ, (793 ಕೋಟಿ ರೂ.) 3ನೇ ಸ್ಥಾನದಲ್ಲಿ, ಅರ್ಜೆಂಟೈನಾದ ಲಿಯೋನಲ್ ಮೆಸ್ಸಿ 104 ಮಿಲಿಯನ್ ಯುಎಸ್ಡಿ (785 ಕೋಟಿ ರೂ.) ಹಾಗೂ ಬ್ರೆಜಿಲ್ನ ನೇಮರ್ 95.5 ಮಿಲಿಯನ್ ಯುಎಸ್ಡಿ (721 ಕೋಟಿ ರೂ.) 4ನೇ ಸ್ಥಾನದಲ್ಲಿದ್ದಾರೆ.
