ವಿಶಾಖಪಟ್ಟಣ: ಕಳೆದ ಸಯ್ಯದ್ ಮುಷ್ತಾಕ್ ಅಲಿ ಟೂರ್ನಿ ಕಳೆದ ಸೀಸನ್ನಿಂದ ಸತತ 15 ಪಂದ್ಯಗಳಲ್ಲಿ ಗೆಲುವು ಸಾಧಿಸಿ ದಾಖಲೆ ಬರೆದಿದ್ದ ಕರ್ನಾಟಕ ತಂಡ ತನ್ನ 16 ನೇ ಪಂದ್ಯದಲ್ಲಿ ಸೋಲುಕಾಣುವ ಮೂಲಕ ಗೆಲುವಿನ ಸರಪಳಿಯನ್ನು ಕಳಚಿದೆ.
ಇಂದು ವಿಶಾಖಪಟ್ಟಣದಲ್ಲಿ ಬರೋಡಾ ವಿರುದ್ಧ 14 ರನ್ಗಳ ಸೋಲು ಕಾಣುವ ಮೂಲಕ ಕರ್ನಾಟಕ ತನ್ನ ದಾಖಲೆಯ ಜಯದ ಓಟವನ್ನು ನಿಲ್ಲಿಸಿತು. ಟಾಸ್ ಸೋತು ಬ್ಯಾಟಿಂಗ್ ನಡೆಸಿದ ಬರೋಡಾ 4 ವಿಕೆಟ್ ಕಳೆದುಕೊಂಡು196 ರನ್ಗಳಿಸಿತು. ನಾಯಕ ಕೇದಾರ್ ದೇವದರ್ 52, ಆದಿತ್ಯ ವಾಗ್ಮೋಡೆ 32, ಸ್ವಪ್ನಿಲ್ ಸಿಂಗ್ 36, ವಿಷ್ಣು ಸೋಲಂಕಿ 35 ರನ್ಗಳಿಸಿ ಬೃಹತ್ ಮೊತ್ತಕ್ಕೆ ಕಾರಣರಾದರು.
197 ರನ್ಗಳ ಟಾರ್ಗೆಟ್ ಪಡೆದ ಕರ್ನಾಟಕ ತಂಡ ಮಧ್ಯಮ ಕ್ರಮಾಂಕದ ಬ್ಯಾಟಿಂಗ್ ವೈಫಲ್ಯದಿಂದ ಗೆಲುವಿನ ಸನಿಹ ಬಂದರೂ ಗುರಿಮುಟ್ಟಲಾಗದೇ 14 ರನ್ಗಳಿಂದ ಸೋಲೊಪ್ಪಿಕೊಂಡಿತು.
ರೋಹನ್ ಕಂಡಮ್ 57, ಲುವನಿತ್ ಸಿಸೋಡಿಯಾ 38 ಹಾಗೂ ನಾಯಕ ಕರುಣ್ ನಾಯರ್ 47 ಹಾಗೂ ಶ್ರೇಯಸ್ ಗೋಪಾಲ್ 20ರನ್ಗಳಿಸಿ ಗೆಲುವಿಗಾಗಿ ನಡೆಸಿದ ಪ್ರಯತ್ನ ವಿಫಲವಾಯಿತು.
ಕರ್ನಾಟಕ ತಂಡ ತನ್ನ ಮುಂದಿನ ಪಂದ್ಯದಲ್ಲಿ ನವೆಂಬರ್ 11 ರಂದು ಆಂಧ್ರಪ್ರದೇಶದ ವಿರುದ್ಧ ಆಡಲಿದೆ.
