ಹೈದರಾಬಾದ್ : ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಟಿ-20 ಟೂರ್ನಿಯಲ್ಲಿ ಕಳೆದ ಬಾರಿ ಚಾಂಪಿಯನ್ ಆಗಿದ್ದ ಕರ್ನಾಟಕ ತಂಡ ಈ ಬಾರಿಯ ಟೂರ್ನಿಯಲ್ಲಿ ಕ್ವಾರ್ಟರ್‌ ಫೈನಲ್ ಪಂದ್ಯದಲ್ಲಿ ಪಂಜಾಬ್ ವಿರುದ್ಧ ಹೀನಾಯ ಸೋಲು ಅನುಭವಿಸಿದೆ. ಈ ಮೂಲಕ ತಂಡ ಪ್ರಶಸ್ತಿ ರೇಸ್‌ನಿಂದ ಹೊರಬಿದ್ದು, ಪ್ರಶಸ್ತಿ ಉಳಿಸಿಕೊಳ್ಳುವಲ್ಲಿಯೂ ವಿಫಲವಾಗಿತ್ತು.
-
Karnataka squad for the Vijay Hazare Trophy 2020-21. #VHTrophy pic.twitter.com/MOnxysc00a
— Karnataka Ranji Team║ಕರ್ನಾಟಕ ರಣಜಿ ತಂಡ (@RanjiKarnataka) February 1, 2021 " class="align-text-top noRightClick twitterSection" data="
">Karnataka squad for the Vijay Hazare Trophy 2020-21. #VHTrophy pic.twitter.com/MOnxysc00a
— Karnataka Ranji Team║ಕರ್ನಾಟಕ ರಣಜಿ ತಂಡ (@RanjiKarnataka) February 1, 2021Karnataka squad for the Vijay Hazare Trophy 2020-21. #VHTrophy pic.twitter.com/MOnxysc00a
— Karnataka Ranji Team║ಕರ್ನಾಟಕ ರಣಜಿ ತಂಡ (@RanjiKarnataka) February 1, 2021
ಈ ಎಲ್ಲಾ ವಿಚಾರವನ್ನು ಪರಿಗಣನೆಗೆ ತೆಗೆದುಕೊಂಡು ಈ ಬಾರಿ ವಿಜಯ ಹಜಾರೆ ಟ್ರೋಫಿಯನ್ನಾದರೂ ಗೆಲ್ಲುವ ಉದ್ದೇಶದಿಂದ ಕೆಎಸ್‌ಸಿಎ 22 ಸದಸ್ಯರ ಬಲಿಷ್ಠ ತಂಡ ಪ್ರಕಟಿಸಿದೆ.
ಫೆಬ್ರವರಿ 18ರಂದು ಏಕದಿನ ಕ್ರಿಕೆಟ್‌ ಟೂರ್ನಿ ವಿಜಯ ಹಜಾರೆ ಟ್ರೋಫಿ ಆರಂಭವಾಗಲಿದೆ. ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಟಿ-20 ಟೂರ್ನಿಯ ನಾಯಕನಾಗಿದ್ದ ಕರುಣ್ ನಾಯರ್ ಅವರನ್ನು ನಾಯಕನ ಸ್ಥಾನದಿಂದ ಕೆಳಗಿಳಿಸಿ ಅನುಭವಿ ಬ್ಯಾಟ್ಸ್‌ಮನ್‌ ಆರ್.ಸಮರ್ಥ್‌ಗೆ ನಾಯಕನ ಹೊಣೆ ನೀಡಲಾಗಿದೆ.
ಏಕದಿನ ಕ್ರಿಕೆಟ್‌ ಟೂರ್ನಿ ವಿಜಯ ಹಜಾರೆ ಟ್ರೋಫಿಯಿಂದ ರಾಷ್ಟ್ರೀಯ ತಂಡದಲ್ಲಿ ಆಡುತ್ತಿರುವ ಕೆ.ಎಲ್. ರಾಹುಲ್ ಮತ್ತು ಮನೀಶ್ ಪಾಂಡೆ ಅವರನ್ನು ಹೊರಗಿಡಲಾಗಿದೆ. ಇಬ್ಬರೂ ಆಟಗಾರರು ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಗಾಯಗೊಂಡಿದ್ದರು. ರಾಹುಲ್ ಅಂಗೈ ಮಣಿಕಟ್ಟಿನ ಗಾಯಕ್ಕೆ ತುತ್ತಾದರೆ, ಮನೀಶ್ ಟೆನಿಸ್‌ ಎಲ್ಬೊ ಗಾಯದ ಸಮಸ್ಯೆ ಎದುರಿಸಿದ್ದರು.
ಕಳೆದ ಬಾರಿ ವಿಜಯ್ ಹಜಾರೆ ಟ್ರೋಫಿ ಟೂರ್ನಿಯ ಫೈನಲ್ ಪಂದ್ಯದಲ್ಲಿ ಕರ್ನಾಟಕ ತಂಡ ಸಾಂಪ್ರದಾಯಿಕ ಎದುರಾಳಿ ತಮಿಳುನಾಡು ವಿರುದ್ಧ ಗೆದ್ದು ನಾಲ್ಕನೇ ಪ್ರಶಸ್ತಿ ಮುಡಿಗೇರಿಸಿಕೊಂಡಿತ್ತು.
ಕೆಎಸ್‌ಸಿಎ ಪ್ರಕಟಿಸಿರುವ 22 ಸದಸ್ಯರ ತಂಡದ ಎಲ್ಲಾ ಆಟಗಾರರು ಇಂದು ಬೆಳಗ್ಗೆ 6.30ಕ್ಕೆ ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿರುವ ರಾಷ್ಟ್ರೀಯ ಕ್ರಿಕೆಟ್‌ ಅಕಾಡೆಮಿಯ ಜಿಮ್ನಾಷಿಯಂ‌ನಲ್ಲಿ ಕೋಚ್‌ಗಳ ಎದುರು ಹಾಜರಾಗುವಂತೆ ತಿಳಿಸಿದೆ.
ಕರ್ನಾಟಕ ತಂಡ ಹೀಗಿದೆ:
ಆರ್.ಸಮರ್ಥ್ (ನಾಯಕ), ದೇವದತ್ ಪಡಿಕ್ಕಲ್, ರೋಹನ್ ಕದಮ್, ಡಿ.ನಿಶ್ಚಲ್, ಕರುಣ್ ನಾಯರ್, ಕೆ.ಎಲ್. ಶ್ರೀಜಿತ್, ಬಿ.ಆರ್.ಶರತ್ (ವಿಕೆಟ್ ಕೀಪರ್‌), ಎಸ್.ರಕ್ಷಿತ್ (ವಿಕೆಟ್ ಕೀಪರ್‌) , ಅನಿರುದ್ಧ ಜೋಶಿ, ಕೆ.ವಿ.ಸಿದ್ಧಾರ್ಥ್, ನಿಕಿನ್ ಜೋಸ್, ಶ್ರೇಯಸ್‌ ಗೋಪಾಲ್, ಕೆ.ಗೌತಮ್, ಜೆ.ಸುಚಿತ್, ಆದಿತ್ಯ ಸೋಮಣ್ಣ, ಶುಭಂ ಹೆಗ್ಡೆ, ಅಭಿಮನ್ಯು ಮಿಥುನ್, ಪ್ರಸಿದ್ಧ್ ಕೃಷ್ಣ, ರೋನಿತ್ ಮೋರೆ, ವೈಶಾಕ್ ವಿಜಯ್ ಕುಮಾರ್‌, ಮನೋಜ್‌ ಭಾಂಡಗೆ ಹಾಗು ಎಂ.ಬಿ ದರ್ಶನ್.
ಕೋಚ್‌ಗಳ ವಿವರ:
ಎರೇ ಕೆ.ಗೌಡ, ಬೌಲಿಂಗ್ ಕೋಚ್- ಎಸ್. ಅರವಿಂದ್, ಫಿಸಿಯೋ- ಜಾಬ ಪ್ರಭು, ಸ್ಟ್ರೆಂತ್‌/ಕಂಡೀಷನಿಂಗ್ ಕೋಚ್- ರಕ್ಷಿತ್ , ಮ್ಯಾನೇಜರ್‌: ಅನುತೋಶ್ ಪಾಲ್, ಮಸಾಜರ್‌- ಸಿ.ಎಂ ಸೋಮಸುಂದರ್, ವಿಡಿಯೋ ಅನಾಲಿಸ್ಟ್- ವಿನೋದ್
ಇದನ್ನೂ ಓದಿ: ಭಾರತ-ಇಂಗ್ಲೆಂಡ್ ಟೆಸ್ಟ್ಗೆ ಮೊಟೆರಾ ಸಜ್ಜು: ಪಂದ್ಯ ವೀಕ್ಷಣೆಗೆ ಪಿಎಂ ಆಗಮನ ಸಾಧ್ಯತೆ
