ಸಿಡ್ನಿ : ಡಿಆರ್ಎಸ್ (ಡಿಸಿಸನ್ ರಿವ್ಯೂವ್ ಸಿಸ್ಟಮ್)ನಲ್ಲಿ ಅಂಪೈರ್ ಕರೆ ನಿರ್ಧಾರವನ್ನು ನಿಷೇಧಿಸುವಂತೆ ಐಸಿಸಿ ಎಲೈಟ್ ಪ್ಯಾನಲ್ನ ಮಾಜಿ ಅಂಪೈರ್ ಡೆರಿಲ್ ಹಾರ್ಪರ್ ಆಗ್ರಹಿಸಿದ್ದಾರೆ.
ಒಂದು ದಶಕವಾದರೂ ಡಿಆರ್ಎಸ್ನಲ್ಲಿ ಸಂವಹನ ಮತ್ತು ತಿಳುವಳಿಕೆಯಲ್ಲಿ ಕೊರತೆ ಕಂಡು ಬರುತ್ತಿರುವುದರಿಂದ ಮಿಚೆಲ್ ಈ ಹೇಳಿಕೆ ನೀಡಿದ್ದಾರೆ. ಪ್ರಸ್ತುತ ಅಂಪೈರ್ಗಳು ಎಲ್ಬಿಡಬ್ಲ್ಯೂಗೆ ರಿವ್ಯೂವ್ ಕೇಳಿದ ಸಂದರ್ಭದಲ್ಲಿ ಅಂಪೈರ್ ಕಾಲ್ ಪರಿಗಣನೆಗೆ ಬರುತ್ತದೆ.
ರಿವ್ಯೂನಲ್ಲಿ ಚೆಂಡು ಸ್ಟಂಪ್ಗೆ ಹೊಡೆಯುತ್ತಿದ್ದರೂ, ಅಂಪೈರ್ ನಾಟೌಟ್ ಎಂದು ತೀರ್ಪು ನೀಡಿದ್ರೆ, ಟಿವಿ ಅಂಪೈರ್ಗೆ ಔಟ್ ಎಂದು ತೀರ್ಪು ನೀಡುವ ಅಥವಾ ಮೈದಾನದ ಅಂಪೈರ್ ನಿರ್ಧಾರವನ್ನು ಬದಲಿಸುವ ಅಧಿಕಾರ ಇರುವುದಿಲ್ಲ. ಈ ಸಂದರ್ಭದಲ್ಲಿ ಬೌಲಿಂಗ್ ತಂಡಕ್ಕೆ ಕೇವಲ ರಿವ್ಯೂ ಮಾತ್ರ ಉಳಿದುಕೊಳ್ಳಲಿದೆ.
ನಾನು ಸಾಕಷ್ಟು ಅಂಪೈರ್ ಕರೆಗಳನ್ನು ಹೊಂದಿದ್ದೇನೆ. ಹಾಗಾಗಿ ವಿವಾದವನ್ನು ತಡೆಯಲು ಅಂಪೈರ್ ಕರೆಯನ್ನು ನಿಷೇಧಿಸೋಣ. ಚೆಂಡು ಶೇ. 48 ಅಥವಾ 49 ಸ್ಟಂಪ್ಗೆ ತಾಕಿದರು ಅದನ್ನು ಔಟ್ ಎಂದೇ ತೀರ್ಮಾನಿಸೋಣ ಎಂದ ಆಸ್ಟ್ರೇಲಿಯಾ ಮಾಧ್ಯಮಕ್ಕೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾರೆ.
ಓದಿ: ಕೆಲ ಸಾರಿ ಎಲ್ಲರಿಗೂ ಹಿನ್ನಡೆ ಆಗುತ್ತದೆ : ಸ್ಮಿತ್ ಪರ ವಾರ್ನರ್ ಬ್ಯಾಟಿಂಗ್‌
"ಇದು 12 ವರ್ಷಗಳಿಂದ ಹೀಗೆಯೇ ನಡೆಯುತ್ತಿದೆ ಮತ್ತು ಕೆಲವೊಮ್ಮೆ ಸಾರ್ವಜನಿಕರು ಗೊಂದಲಕ್ಕೊಳಗಾಗಿದ್ದಾರೆ. ಕೆಲವೊಮ್ಮೆ ಆಟಗಾರರು ಕೂಡ ತಬ್ಬಿಬ್ಬಾಗಿದ್ದಾರೆ. ಇದು ಡಿಆರ್ಎಸ್ನ ಸಂವಹನ ಅಥವಾ ತಿಳುವಳಿಕೆಯಲ್ಲಿ ಕೆಲವು ನ್ಯೂನತೆಗಳಿವೆ ಎಂಬುದನ್ನು ಸೂಚಿಸುತ್ತದೆ" ಎಂದು ಅವರು ಹೇಳಿದರು.
ಇದಕ್ಕೂ ಮುಂಚೆ ಭಾರತ ತಂಡ ಮಾಜಿ ಕ್ರಿಕೆಟಿಗರ ಸಚಿನ್ ತೆಂಡೂಲ್ಕರ್ ಹಾಗೂ ಹರ್ಭಜನ್ ಸಿಂಗ್ ಕೂಡ ಅಂಪೈರ್ ಕಾಲ್ ನಿಷೇಧ ಮಾಡಬೇಕೆಂದು ತಿಳಿಸಿದ್ದರು. ಚೆಂಡು ರಿವ್ಯೂನಲ್ಲಿ ಸ್ಟಂಪ್ಗೆ ತಾಗಿದರೆ ಅದನ್ನು ಔಟ್ ಎಂದು ತೀರ್ಪು ನೀಡಬೇಕು. ಈ ಸಂದರ್ಭದಲ್ಲಿ ಅಂಪೈರ್ ತೀರ್ಮಾನವನ್ನೇ ಎತ್ತಿ ಹಿಡಿಯಬಾರದೆಂದು ತಿಳಿಸಿದ್ದರು.
ಅಲ್ಲದೆ ಮೂರನೇ ಅಂಪೈರ್ಗೆ ಮನವಿ ಮಾಡಿದಾಗ ಮೈದಾನದ ಅಂಪೈರ್ ತೀರ್ಮಾನ ಏನೇ ಆಗಿದ್ದರೂ ಅದನ್ನು ಪರಿಗಣನೆಗೆ ತೆಗೆದುಕೊಳ್ಳಬಾರದು ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದರು.
