ದುಬೈ: ಐಪಿಎಲ್ ಭಾನುವಾರ ಅಭಿಮಾನಿಗಳಿಗೆ ಅದ್ಭುತ ಮನರಂಜನೆ ನೀಡಿದೆ. ಒಂದೇ ದಿನ ಎರಡು ಬಲಿಷ್ಠ ತಂಡಗಳು ಫಲಿತಾಂಶಕ್ಕಾಗಿ ಸೂಪರ್ ಓವರ್ಗಳನ್ನಾಡಿವೆ. ಅದರಲ್ಲೂ ಮುಂಬೈ ಮತ್ತು ಪಂಜಾಬ್ ತಂಡಗಳು 2 ಸೂಪರ್ ಓವರ್ ಆಡಿದ್ದು ಐತಿಹಾಸಿಕ ಕ್ಷಣವಾಗಿದೆ.
ಭಾನುವಾರ ಕೆಕೆಆರ್ ಮತ್ತು ಹೈದರಾಬಾದ್ ತಂಡಗಳ ನಡುವಿನ ಪಂದ್ಯ ಟೈ ಆಗಿತ್ತು. ಸೂಪರ್ ಓವರ್ನಲ್ಲಿ ಕೆಕೆಆರ್ ಗೆದ್ದು ಬೀಗಿತ್ತು. ಆದರೆ ರಾತ್ರಿ ನಡೆದ 2ನೇ ಪಂದ್ಯದಲ್ಲಿ ಪಂಜಾಬ್ ಹಾಗೂ ಮುಂಬೈ ನಡುವಿನ ಪಂದ್ಯ ಕೂಡ ಟೈ ಆಯಿತು. ಈ ಪಂದ್ಯವನ್ನ 2ನೇ ಸೂಪರ್ ಓವರ್ನಲ್ಲಿ ಪಂಜಾಬ್ ಗೆಲ್ಲುವ ಮೂಲಕ ವಿಶ್ವದಲ್ಲೇ 2ನೇ ಸೂಪರ್ ಓವರ್ ಪಂದ್ಯ ಗೆದ್ದ ಮೊದಲ ತಂಡ ಎಂಬ ಹೆಗ್ಗಳಿಕೆಗೆ ಪಾತ್ರವಾಯಿತು.
ಆದರೆ ಒಂದೇ ದಿನ 2 ಟಿ20 ಪಂದ್ಯಗಳು ಟೈ ಆಗಿದ್ದು ಐಪಿಎಲ್ಗೆ ವಿಶೇಷವೆನಿಸಿದರೂ ಟಿ20 ಕ್ರಿಕೆಟ್ಗೆ ಮಾತ್ರ ಇದು 5ನೇ ಬಾರಿ.
2009ರಲ್ಲಿ ದಕ್ಷಿಣಾ ಆಫ್ರಿಕಾದ ಸ್ಟ್ಯಾಂಡರ್ಡ್ ಬ್ಯಾಂಕ್ ಪ್ರೋ ಟಿ20 ಸರಣಿಯಲ್ಲಿ ಮೊದಲ ಬಾರಿಗೆ 2 ಪಂದ್ಯಗಳೂ ಟೈನಲ್ಲಿ ಆಂತ್ಯಗೊಂಡಿದ್ದವು. ನಂತರ 2011ರಲ್ಲಿ ಇಂಗ್ಲೆಂಡ್ನ ಫ್ರೆಂಡ್ಸ್ ಲೈಫ್ ಟಿ20, 2018ರಲ್ಲಿ ಶ್ರೀಲಂಕಾದ ಟಿ20 ಟೂರ್ನಮೆಂಟ್ ಹಾಗೂ 2019ರಲ್ಲಿ ದಕ್ಷಿಣ ಆಫ್ರಿಕಾದ ಪ್ರೊವೆನ್ಸಿಯಲ್ ಟಿ20 ಕಪ್ನಲ್ಲಿ ಈ ವಿಶೇಷತೆ ಕಂಡುಬಂದಿತ್ತು. ಫ್ರೆಂಡ್ಸ್ ಲೈಫ್ ಟೂರ್ನಮೆಂಟ್ನಲ್ಲಿ ಟೈ ಆಗಿದ್ದ 2 ಪಂದ್ಯಗಳು ಸೆಮಿಫೈನಲ್ ಎಂಬುದು ಮತ್ತೊಂದು ವಿಶೇಷ.
