ರಾಹುಲ್​ ಸಿಕ್ಸರ್​ ಬಾರಿಸಬಲ್ಲ, ಆದ್ರೆ ನನ್ನ ಬೌಲಿಂಗ್​ ಎದುರು ಆಡಲ್ಲ ಎಂದ ದೀಪಕ್​... ಕಾರಣ ಏನ್​ ಗೊತ್ತಾ?

ಇಬ್ಬರೂ ಕೂಡ ಭಾರತ ತಂಡದಲ್ಲಿ ಆಡಬೇಕೆನ್ನುವುದು ನಮ್ಮ ಹಾಗೂ ಕುಟುಂಬದವರ ಕನಸಾಗಿದೆ ಎಂದು ಟೀಂ ಇಂಡಿಯಾಕ್ಕೆ ಆಯ್ಕೆಯಾಗಿರುವ ದೀಪಕ್​ ಚಹಾರ್​ ಹಾಗೂ ರಾಹುಲ್​ ಚಹಾರ್​​​ ಹೇಳಿದ್ಧಾರೆ.

ಹೈದರಾಬಾದ್ ​: 2019ರ ಐಪಿಎಲ್ ​ಟೂರ್ನಿಯಲ್ಲಿ ಅದ್ಭುತ ಪ್ರದರ್ಶನ ಮೂಲಕ ವೆಸ್ಟ್​ ಇಂಡೀಸ್​ ವಿರುದ್ಧದ ಟಿ20 ಕ್ರಿಕೆಟ್​​ ಸರಣಿಗೆ ಟೀಂ ಇಂಡಿಯಾದಲ್ಲಿ ಅವಕಾಶ ಗಿಟ್ಟಿಸಿಕೊಂಡಿರುವ ರಾಹುಲ್​ ಚಹಾರ್​​​ ಹಾಗೂ ದೀಪಕ್​ ಚಹಾರ್​ ತಾವಿಬ್ಬರೂ ಬೆಳೆದುಬಂದ ಬಗ್ಗೆ ಮನದಾಳ ಹಂಚಿಕೊಂಡಿದ್ದಾರೆ.

ಬಿಸಿಸಿಐ ಟಿವಿ ಜೊತೆ ಅನಿಸಿಕೆ ವ್ಯಕ್ತಪಡಿಸಿರುವ ಚಹಾರ್ ಸಹೋದರರು, ತಮ್ಮ ಆರಂಭಿಕ ಕ್ರಿಕೆಟ್​ ಜೀವನದ ಬಗ್ಗೆ ಮಾತನಾಡಿದ್ದಾರೆ. ಮೊದಲು ತಾನು ಕ್ರಿಕೆಟ್​ ಆಡಲು ಆರಂಭಿಸಿದರೂ ಸಹ ಬಳಿಕ ರಾಹುಲ್​ ಕೂಡ ಕ್ರಿಕೆಟ್​ ಅಂಗಳಕ್ಕಿಳಿದಾಗ ಮುಂದೊಮ್ಮೆ ಇಬ್ಬರೂ ಕೂಡ ಭಾರತ ತಂಡದ ಪರ ಆಡಬೇಕೆಂಬ ಕನಸು ಹುಟ್ಟಿಕೊಂಡಿತು. ಕುಟುಂಬದವರೂ ಕೂಡ ಇಬ್ಬರನ್ನೂ ಒಟ್ಟಿಗೆ ತಂಡದಲ್ಲಿ ನೋಡಲು ಇಷ್ಟಪಟ್ಟಿದ್ದರು. ಅಂತೆಯೇ ಈಗ ಕನಸು ನನಸಾಗುವ ಸಮಯ ಬಂದಿದೆ ಎನ್ನುತ್ತಾರೆ ದೀಪಕ್​ ಚಹಾರ್​.

ಇಬ್ಬರೂ ಕೂಡ ಭಾರತ ತಂಡದಲ್ಲಿ ಆಡಬೇಕೆನ್ನುವುದು ನಮ್ಮ ಹಾಗೂ ಕುಟುಂಬದವರ ಕನಸಾಗಿದೆ. ಇನ್ನು ಐಪಿಎಲ್​ನ ಫೈನಲ್​ ಪಂದ್ಯದಲ್ಲಿ ನಾನು ಸಹೋದರ ದೀಪಕ್​ ಬೌಲಿಂಗ್​ನಲ್ಲಿ​ ವಿಕೆಟ್ ಒಪ್ಪಿಸಿದಾಗ ನನಗೆ ಕೋಪ ಬಂದಿತ್ತು. ಅಲ್ಲದೆ ಡ್ರೆಸ್ಸಿಂಗ್​ ರೂಂನಲ್ಲಿ ಕೂಡ ಅಣ್ಣನ ಬೌಲಿಂಗ್​ನಲ್ಲಿ ಔಟ್​ ಆದೆ ಎಂದು ಎಲ್ಲರೂ ಕಿಚಾಯಿಸಿದ್ದರು. ಅಲ್ಲದೆ, ಬಳಿಕ ಬೌಲಿಂಗ್ ಮಾಡುವಾಗಲೂ ಕೂಡ ನನಗೆ ಸ್ವಲ್ಪ ಕೋಪವಿತ್ತು, ಆದರೆ ಎದುರಾಳಿಗಳಾಗಿ ಆಡುವಾಗ ಅವೆಲ್ಲಾ ಸಾಮಾನ್ಯ ಎಂಬುದು ಯುವ ಆಟಗಾರ ರಾಹುಲ್​ ಚಹಾರ್​ ಮಾತು.

• It was our collective dream to play for India - Chahar brothers
  
  From bowling on cement tracks to donning the India blue together - we track the lovely story of Deepak & Rahul Chahar - by @28anand
  
  Full video here 📽️📽️https://t.co/SP9Biws0lK #WIvIND pic.twitter.com/c0udNPfSoS

  — BCCI (@BCCI) August 2, 2019 " class="align-text-top noRightClick twitterSection" data="

  It was our collective dream to play for India - Chahar brothers
  
  From bowling on cement tracks to donning the India blue together - we track the lovely story of Deepak & Rahul Chahar - by @28anand
  
  Full video here 📽️📽️https://t.co/SP9Biws0lK #WIvIND pic.twitter.com/c0udNPfSoS

  — BCCI (@BCCI) August 2, 2019

  ">

  It was our collective dream to play for India - Chahar brothers
  
  From bowling on cement tracks to donning the India blue together - we track the lovely story of Deepak & Rahul Chahar - by @28anand
  
  Full video here 📽️📽️https://t.co/SP9Biws0lK #WIvIND pic.twitter.com/c0udNPfSoS

  — BCCI (@BCCI) August 2, 2019

ಇನ್ನು ನಾವು ಚಿಕ್ಕವರಿದ್ದಾಗ ಮನೆಯ ಪಕ್ಕದಲ್ಲೇ ಕ್ರಿಕೆಟ್​ ಆಡುತ್ತಿದ್ದೆವು. ಹೀಗೆ ಆಡುವಾಗ ನಾನು ಎಸೆದ ಬೌಲ್ 9 ವರ್ಷದವನಾಗಿದ್ದ​ ರಾಹುಲ್​ ಎದೆಗೆ ತಗುಲಿತ್ತು, ಆಗ ಆತ ಅಳಲು ಆರಂಭಿಸಿದ್ದ. ಆಗ ಕ್ರಿಕೆಟ್​ನಲ್ಲಿ ಇದೆಲ್ಲ ಸಹಜ ಅಂತ ನಾನು ಸಮಜಾಯಿಸಿದ್ದೆ. ಆದ್ರೆ ನಂತರದ ಎಸೆತವೂ ಕೂಡ ಅಪ್ಪಳಿಸಿದಾಗ ಆತನ ಎದೆ ಕೆಂಪಾಗಿತ್ತು, ಅಂದಿನಿಂದಲೂ ಕೂಡ ರಾಹುಲ್​ ನನ್ನ ಬೌಲಿಂಗ್​ ಆಡಲ್ಲ. ಬೇರೆ ವೇಗದ ಬೌಲರ್​ಗಳಿಗೆ ಸರಾಗವಾಗಿ ಆಡುವ ರಾಹುಲ್​ ಸಿಕ್ಸರ್​ ಕೂಡ ಬಾರಿಸಬಲ್ಲ. ಆದ್ರೆ ನನ್ನ ಬೌಲಿಂಗ್​ ಎದುರು ಆಡಲ್ಲ ಎಂದು ದೀಪಕ್​ ಹೇಳಿದ್ದಾರೆ.

ಸದ್ಯ ವೆಸ್ಟ್​ ಇಂಡೀಸ್​ ಪ್ರವಾಸದಲ್ಲಿರುವ ಟೀಂ ಇಂಡಿಯಾ ಪರ ಟಿ-20 ಸರಣಿಗೆ ಸ್ಥಾನ ಪಡೆದಿರುವ ಚಹಾರ್​ ಸಹೋದರರು, ಆಡುವ 11ರ ಬಳಗದಲ್ಲಿ ಅವಕಾಶ ಸಿಕ್ಕರೆ ಅದನ್ನು ಸದುಪಯೋಗಪಡಿಸಿಕೊಳ್ಳುತ್ತಾರಾ ಎಂಬುದನ್ನು ಕಾದು ನೋಡಬೇಕಿದೆ.