ನಿವೃತ್ತಿ ಆಟಗಾರರು vs ಟೀಂ​ ಇಂಡಿಯಾ: ವಿದಾಯದ ಪಂದ್ಯಕ್ಕೆ ಪಠಾಣ್​ ಪ್ಲಾನ್​ ಇದು..

ಭಾರತದ ಮಾಜಿ ಆಲ್​ರೌಂಡರ್​ ಇರ್ಫಾನ್​ ಪಠಾಣ್,​ ವಿದಾಯ ಪಂದ್ಯವಿಲ್ಲದೆ ನಿವೃತ್ತಿ ಘೋಷಿಸಿದ ಆಟಗಾರರನ್ನೆಲ್ಲಾ ಒಂದು ತಂಡವಾಗಿ ರಚಿಸುವ ಹೊಸ ಆಲೋಚನೆಯನ್ನು ಹಂಚಿಕೊಂಡಿದ್ದಾರೆ.

ಮುಂಬೈ: ಭಾರತ ತಂಡಕ್ಕಾಗಿ ದಶಕಕ್ಕಿಂತ ಹೆಚ್ಚು ಕಾಲ ಆಡಿದ ಕೆಲವು ಆಟಗಾರರಿಗೆ ಬಿಸಿಸಿಐ ವಿದಾಯದ ಪಂದ್ಯ ಏರ್ಪಡಿಸಿಲ್ಲ. ಇದರಿಂದ ಕೋಟ್ಯಂತರ ಅಭಿಮಾನಿಗಳ ಜೊತೆಗೆ ಈಗಾಗಲೇ ನಿವೃತ್ತಿ ಹೊಂದಿರುವ ಯುವರಾಜ್​ ಸಿಂಗ್​, ಸೆಹ್ವಾಗ್​, ಗಂಭೀರ್​ ಸಹಿತ ಕೆಲವು ಕ್ರಿಕೆಟಿಗರು ಕೂಡ ಅಸಮಾಧಾನ ಹೊರಹಾಕಿದ್ದಾರೆ.

ಇತ್ತೀಚೆಗೆ ಎಂ.ಎಸ್.ಧೋನಿ ನಿವೃತ್ತಿ ಘೋಷಿಸಿದಾಗಲೂ ಕೂಡ ಧೋನಿ ನಿವೃತ್ತಿ ಪಂದ್ಯ ಏರ್ಪಡಿಸಬೇಕು ಎಂಬ ಕೂಗು ಕೇಳಿಬಂದಿದೆ. ಬಿಸಿಸಿಐ ಕೂಡ ಧೋನಿಗೆ ವಿದಾಯದ ಪಂದ್ಯವನ್ನು ಆಯೋಜಿಸುವುದು ನಮಗೂ ಗೌರವ ತರಲಿದೆ. ಈ ವಿಚಾರವಾಗಿ ಅವರೊಂದಿಗೆ ಐಪಿಎಲ್​ ವೇಳೆ ಮಾತನಾಡಲಿದ್ದೇವೆ ಎಂದು ಹೇಳಿದೆ.

ಇದರ ಬೆನ್ನಲ್ಲೇ ಭಾರತದ ಮಾಜಿ ಆಲ್​ರೌಂಡರ್​ ಇರ್ಫಾನ್​ ಪಠಾಣ್,​ ವಿದಾಯ ಪಂದ್ಯವಿಲ್ಲದೆ ನಿವೃತ್ತಿ ಘೋಷಿಸಿದ ಆಟಗಾರರನ್ನೆಲ್ಲಾ ಒಂದು ತಂಡವಾಗಿ ನಿರ್ಮಿಸುವ ಹೊಸ ಆಲೋಚನೆಯನ್ನು ಹಂಚಿಕೊಂಡಿದ್ದಾರೆ.

• Many people are talking about a farewell game for retired players who didn't get a proper send-off from the game. How about a charity cum farewell game from a team consisting of retired players vs the current Indian team? pic.twitter.com/diUiLXr9XQ

  — Irfan Pathan (@IrfanPathan) August 22, 2020 " class="align-text-top noRightClick twitterSection" data="

  Many people are talking about a farewell game for retired players who didn't get a proper send-off from the game. How about a charity cum farewell game from a team consisting of retired players vs the current Indian team? pic.twitter.com/diUiLXr9XQ

  — Irfan Pathan (@IrfanPathan) August 22, 2020

  ">

  Many people are talking about a farewell game for retired players who didn't get a proper send-off from the game. How about a charity cum farewell game from a team consisting of retired players vs the current Indian team? pic.twitter.com/diUiLXr9XQ

  — Irfan Pathan (@IrfanPathan) August 22, 2020

ಭಾರತ ತಂಡದ ಪರ ಆಡಿ ನಿವೃತ್ತಿ ಘೋಷಿಸಿರುವ 11 ಆಟಗಾರರ ತಂಡ ಮತ್ತು ಪ್ರಸ್ತುತ ಭಾರತ ತಂಡದ ನಡುವೆ ಚಾರಿಟಿ ಪಂದ್ಯ ಏರ್ಪಡಿಸಬೇಕು. ಈ ಮೂಲಕ ಎಲ್ಲಾ ಆಟಗಾರರಿಗೆ ವಿದಾಯ ಪಂದ್ಯ ಏರ್ಪಡಿಸಿದಂತೆಯೂ ಆಗುತ್ತದೆ. ಜೊತೆಗೆ ಪಂದ್ಯದಿಂದ ಬರುವ ಹಣವನ್ನು ಚಾರಿಟಿಗೆ ಸಂದಾಯ ಮಾಡಿದಂತಾಗುತ್ತದೆ ಎಂದು ಇರ್ಫಾನ್​ ಅಭಿಪ್ರಾಯಪಟ್ಟಿದ್ದಾರೆ.

ಇರ್ಫಾನ್​ ಪಠಾಣ್ ಆಲೋಚನೆಗೆ ಕ್ರಿಕೆಟ್ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.​

ಪಠಾಣ್​ ಘೋಷಿಸಿದ ನಿವೃತ್ತಿ ತಂಡ:

ವೀರೇಂದ್ರ ಸೆಹ್ವಾಗ್​, ಗೌತಮ್​ ಗಂಭೀರ್​, ರಾಹುಲ್​ ದ್ರಾವಿಡ್​, ವಿವಿಎಸ್​ ಲಕ್ಷ್ಮಣ್​, ಸುರೇಶ್​ ರೈನಾ, ಯುವರಾಜ್​ ಸಿಂಗ್​, ಮಹೇಂದ್ರ ಸಿಂಗ್ ಧೋನಿ, ಇರ್ಫಾನ್​ ಪಠಾಣ್​, ಜಹೀರ್​ ಖಾನ್​, ಅಜಿತ್ ಅಗರ್ಕರ್​,ಪ್ರಗ್ಯಾನ್​ ಓಜಾ