ಮುಂಬೈ: ಇಂಡಿಯನ್‌ ಪ್ರೀಮಿಯರ್ ಲೀಗ್ (ಐಪಿಎಲ್) 13ನೇ ಆವೃತ್ತಿಯ ಆಟಗಾರರ ಹರಾಜು ಪ್ರಕ್ರಿಯೆಗೆ ದಿನಗಣನೆ ಶುರುವಾಗಿದೆ. ಈ ಪ್ರಕ್ರಿಯೆಯಲ್ಲಿ ಅಂತಿಮವಾಗಿ 332 ಆಟಗಾರರು ಮಾತ್ರ ಕಣದಲ್ಲಿದ್ದಾರೆ.
ಡಿಸೆಂಬರ್ 19ರಂದು ಕೋಲ್ಕತ್ತಾದಲ್ಲಿ ಹರಾಜು ಪ್ರಕ್ರಿಯೆ ನಡೆಯಲಿದೆ. 8 ಪ್ರಾಂಚೈಸಿಗಳಲ್ಲಿದ್ದ 997 ಆಟಗಾರ ಪಟ್ಟಿಯನ್ನು ಅಂತಿಮವಾಗಿ 332 ಮಂದಿಗೆ ಇಳಿಸಲಾಗಿದೆ.
ಆಸ್ಟ್ರೇಲಿಯಾದ ಪ್ಯಾಟ್ ಕುಮಿನ್ಸ್, ಜೋಶ್ ಹಜ್ಜಲ್ವುಡ್, ಕ್ರಿಸ್ಲಿನ್, ಮಿಚೆಲ್ ಮಾರ್ಚ್, ಡೇಲ್ಸ್ಟೈನ್ ಮತ್ತು ಶ್ರೀಲಂಕಾದ ಆ್ಯಂಜಲೋ ಮ್ಯಾಥ್ಯೂಸ್ಗೆ ಮೂಲ ಬೆಲೆಯನ್ನು ₹2 ಕೋಟಿಗೆ ನಿಗದಿ ಮಾಡಲಾಗಿದೆ.
ಕನ್ನಡಿಗ ರಾಬಿನ್ ಉತ್ತಪ್ಪ ಸೇರಿ 10 ಮಂದಿ (9 ವಿದೇಶಿ ಆಟಗಾರರು) ₹1.5 ಕೋಟಿ ಮೂಲ ಬೆಲೆ ಹೊಂದಿದ್ದಾರೆ. ಭಾರತದ ಪಿಯೂಷ್ ಚಾವ್ಲಾ, ಯೂಸುಫ್ ಪಠಾಣ್, ಜಯದೇವ್ ಉನಾದ್ಕತ್ ಸೇರಿದಂತೆ 23 ಆಟಗಾರರಿಗೆ (20 ವಿದೇಶಿ ಆಟಗಾರರು) ಮೂಲ ಬೆಲೆ ₹1 ಕೋಟಿ ನಿಗದಿ ಪಡಿಸಲಾಗಿದೆ.
- 75 ಲಕ್ಷ ಮೂಲ ಬೆಲೆ ಹೊಂದಿದ 16 ಆಟಗಾರರು
- 50 ಲಕ್ಷ ಮೂಲ ಬೆಲೆ ನಿಗದಿಯಾದವರು 78 ಪ್ಲೇಯರ್ಸ್ (9 ಭಾರತದ ಆಟಗಾರರು)
- 40 ಲಕ್ಷ ಮೂಲ ಬೆಲೆ ಹೊಂದಿದ 6 ಆಟಗಾರರು (ಒಬ್ಬ ಭಾರತೀಯ)
- 30 ಲಕ್ಷ ಮೂಲ ಬೆಲೆ ನಿಗದಿಯಾದ 8 ಪ್ಲೇಯರ್ಸ್ (ಭಾರತದ ಆಟಗಾರರ ಸಂಖ್ಯೆ 5)
- 20 ಲಕ್ಷ ಮೂಲ ಬೆಲೆ ಹೊಂದಿದ 183 ಆಟಗಾರರು (ಇದರಲ್ಲಿ 167 ಭಾರತದ ಆಟಗಾರರು)
