ಆಲ್​ರೌಂಡ್​ ಪ್ರದರ್ಶನ: ಪಂಜಾಬ್​ ವಿರುದ್ಧ 48 ರನ್​ಗಳ ಜಯ ಸಾಧಿಸಿದ ಮುಂಬೈ ಇಂಡಿಯನ್ಸ್​

ರೋಹಿತ್ ಶರ್ಮಾ ಅರ್ಧಶತಕ 70 (45 ಎಸೆತ), ಪೊಲಾರ್ಡ್​ 47(27 ಎಸೆತ), ಹಾರ್ದಿಕ್ ಪಾಂಡ್ಯ 30(11 ಎಸೆತ) ರನ್​ಗಳ ನೆರವಿನಿಂದ ಮುಂಬೈ ತಂಡ 20 ಓವರ್​ಗಳಲ್ಲಿ 191 ರನ್​ಗಳಿಸಿತ್ತು.

ಅಬುಧಾಬಿ: ರೋಹಿತ್, ಪೊಲಾರ್ಡ್​ ಬ್ಯಾಟಿಂಗ್ ವೈಭವ ಹಾಗೂ ಬೌಲರ್​ಗಳ ಅತ್ಯುತ್ತಮ ಪ್ರದರ್ಶನದ ನೆರವಿನಿಂದ ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್​ 48 ರನ್​ಗಳ ಅಂತರದಿಂದ ಕಿಂಗ್ಸ್​ ಇಲೆವೆನ್​ ಪಂಜಾಬ್ ತಂಡವನ್ನು ಮಣಿಸಿದೆ.

ರೋಹಿತ್ ಶರ್ಮಾ ಅರ್ಧಶತಕ 70 (45 ಎಸೆತ), ಪೊಲಾರ್ಡ್​ 47(27 ಎಸೆತ), ಹಾರ್ದಿಕ್ ಪಾಂಡ್ಯ 30(11 ಎಸೆತ) ರನ್​ಗಳ ನೆರವಿನಿಂದ ಮುಂಬೈ ತಂಡ 20 ಓವರ್​ಗಳಲ್ಲಿ 191 ರನ್​ಗಳಿಸಿತ್ತು.

ಪಂಜಾಬ್​ ಪರ ಕಾಟ್ರೆಲ್​ 20ಕ್ಕೆ 1, ಶಮಿ 36ಕ್ಕೆ 2 ಹಾಗೂ ಗೌತಮ್​ 45ಕ್ಕೆ 1 ವಿಕೆಟ್ ಪಡೆದಿದ್ದರು.

• Another victory in the bag for @mipaltan as they beat #KXIP by 48 runs in Match 13 of #Dream11IPL.#KXIPvMI pic.twitter.com/PXN2K3cy2O

  — IndianPremierLeague (@IPL) October 1, 2020 " class="align-text-top noRightClick twitterSection" data="

  Another victory in the bag for @mipaltan as they beat #KXIP by 48 runs in Match 13 of #Dream11IPL.#KXIPvMI pic.twitter.com/PXN2K3cy2O

  — IndianPremierLeague (@IPL) October 1, 2020

  ">

  Another victory in the bag for @mipaltan as they beat #KXIP by 48 runs in Match 13 of #Dream11IPL.#KXIPvMI pic.twitter.com/PXN2K3cy2O

  — IndianPremierLeague (@IPL) October 1, 2020

192 ರನ್​ಗಳ ಗುರಿ ಪಡೆದ ಕಿಂಗ್ಸ್​ ಇಲೆವೆನ್ ಪಂಜಾಬ್​ ಉತ್ತಮ ಆರಂಭ ಪಡೆಯಿತಾದರೂ ಅದನ್ನು ಸದುಪಯೋಗಪಡಿಸಿಕೊಳ್ಳುವಲ್ಲಿ ವಿಫಲವಾಯಿತು. ಆರಂಭಿಕ ಬ್ಯಾಟ್ಸ್​ಮನ್​ ಮಯಾಂಕ್ ಅಗರ್​ವಾಲ್​ 25 ರನ್​ಗಳಿಸಿ ಬುಮ್ರಾ ಓವರ್​ನಲ್ಲಿ ಬೌಲ್ಡ್​ ಆದರು. ನಂತರ ಬಂದ ಕರುಣ್ ನಾಯರ್​ ಡಕ್​ ಔಟ್​ ಆಗುವ ಮೂಲಕ ನಿರಾಶೆ ಮೂಡಿಸಿದರು. ಇವರ ಬೆನ್ನಲ್ಲೇ ಚಹಾರ್​ ಸ್ಪಿನ್ ಮೋಡಿಗೆ ರಾಹುಲ್ ಕೂಡ ಬೌಲ್ಡ್​ ಆದರು.

ಈ ಸಂದರ್ಭದಲ್ಲಿ ಮ್ಯಾಕ್ಸ್​ವೆಲ್​ ಹಾಗೂ ಪೂರನ್​ 41 ರನ್​ಗಳ ಜೊತೆಯಾಟ ನೀಡಿ ಚೇತರಿಕೆ ನೀಡಲು ಪ್ರಯತ್ನಿಸಿದರಾದರೂ, ಉತ್ತಮವಾಗಿ ಬ್ಯಾಟಿಂಗ್ ಮಾಡುತ್ತಿದ್ದ ಪೂರನ್​ ದೊಡ್ಡ ಹೊಡೆತಕ್ಕೆ ಕೈ ಹಾಕಿ ವಿಕೆಟ್​ ಕಳೆದುಕೊಂಡರು. ಅವರು 27 ಎಸೆತಗಳಲ್ಲಿ 3 ಬೌಂಡರಿ ಹಾಗೂ 2 ಸಿಕ್ಸರ್​ ಸಹಿತ 44 ರನ್​ಗಳಿಸಿದರು.

ಪೂರನ್​ ಔಟಾಗುತ್ತಿದ್ದಂತೆ ಪಂಜಾಬ್ ಮತ್ತೊಮ್ಮೆ ಪೆವಿಲಿಯನ್ ಪರೇಡ್ ನಡೆಸಿತು. ಮ್ಯಾಕ್ಸ್​ವೆಲ್​ 11 ರನ್​, ನಿಶಾಮ್​ 7, ಸರ್ಫರಾಜ್ ಖಾನ್​ 7 ಹಾಗೂ ರವಿ ಬಿಷ್ಣೋಯ್ 1 ರನ್​ಗಳಿಸಿ ಔಟಾದರು. ಕೆ ಗೌತಮ್ 22 ಎಸೆತಗಳಲ್ಲಿ 22 ರನ್​ಗಳಿಸಿ ಔಟಾಗದೆ ಉಳಿದರು. ಒಟ್ಟಾರೆ ಪಂಜಾಬ್ 20 ಓವರ್​ಗಳಲ್ಲಿ 8 ವಿಕೆಟ್​ ನಷ್ಟಕ್ಕೆ 143 ರನ್​ಗಳಿಸಲಷ್ಟೇ ಶಕ್ತವಾಯಿತು.

ಮುಂಬೈ ಇಂಡಿಯನ್ಸ್ ಪರ ಜಸ್ಪ್ರೀತ್ ಬುಮ್ರಾ 18ಕ್ಕೆ 2, ರಾಹುಲ್ ಚಹಾರ್​ 26ಕ್ಕೆ 2, ಜೇಮ್ಸ್ ಪ್ಯಾಟಿನ್ಸನ್ 2ಕ್ಕೆ2, ಕೃನಾಲ್ ಪಾಂಡ್ಯ 27ಕ್ಕೆ 1 ಹಾಗೂ ಬೌಲ್ಟ್​ 42 ಕ್ಕೆ 1 ವಿಕೆಟ್ ಪಡೆದು ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.

ಈ ಗೆಲುವಿನೊಂದಿಗೆ ಮುಂಬೈ ಇಂಡಿಯನ್ಸ್​ ತಂಡ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿತು. 20 ಎಸೆತಗಳಲ್ಲಿ 47 ರನ್​ ಸಿಡಿಸಿದ ಪೊಲಾರ್ಡ್​ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.