ಹೈದರಾಬಾದ್: ಹದಿಮೂರನೇ ಆವೃತ್ತಿಯ ಐಪಿಎಲ್ಗಾಗಿ ಡಿಸೆಂಬರ್ 19ರಂದು ಕೋಲ್ಕತ್ತಾದಲ್ಲಿ ಆಟಗಾರರ ಹರಾಜು ನಡೆಯಲಿದೆ. ಈ ನಿಟ್ಟಿನಲ್ಲಿ ಒಟ್ಟಾರೆ 971 ಆಟಗಾರರು ಹರಾಜಿಗೆ ತಮ್ಮ ಹೆಸರನ್ನು ನೋಂದಾಯಿಸಿದ್ದಾರೆ. ಸದ್ಯ ಆಟಗಾರರ ಮೂಲಬೆಲೆಯ ಬಗ್ಗೆ ಮಾಹಿತಿ ಹೊರಬಿದ್ದಿದೆ.
ಅಚ್ಚರಿಯ ನಡೆಯಲ್ಲಿ ಕೋಲ್ಕತ್ತಾ ನೈಟ್ರೈಡರ್ಸ್ ತಂಡ ಕೈಬಿಟ್ಟಿದ್ದ ಕನ್ನಡಿಗ ರಾಬಿನ್ ಉತ್ತಪ್ಪ ಮೂಲಬೆಲೆ ₹1.5 ಕೋಟಿ ನಿಗದಿ ಮಾಡಲಾಗಿದೆ. ಲಭ್ಯ ಮಾಹಿತಿ ಪ್ರಕಾರ ಉತ್ತಪ್ಪ ಈ ಬಾರಿಯ ಹರಾಜಿನ ಗರಿಷ್ಠ ಮೂಲಬೆಲೆ ಹೊಂದಿರುವ ಭಾರತೀಯ ಆಟಗಾರ.
IPL ಹರಾಜಿಗೆ ದಿನಗಣನೆ: ರೇಸ್ನಲ್ಲಿ 971 ಆಟಗಾರರು... ಆಸ್ಟ್ರೇಲಿಯಾದ 55 ಪ್ಲೇಯರ್ಸ್ ಕಣದಲ್ಲಿ!
ಟಿ-20 ಸ್ಪೆಷಲಿಸ್ಟ್ ಕ್ರಿಸ್ ಲಿನ್, ಡೇಲ್ ಸ್ಟೇನ್, ಅಗ್ರ ಶ್ರೇಯಾಂಕಿತ ಟೆಸ್ಟ್ ಬೌಲರ್ ಪ್ಯಾಟ್ ಕಮಿನ್ಸ್, ಅಗ್ರ ಆಲ್ರೌಂಡರ್ ಗ್ಲೆನ್ ಮ್ಯಾಕ್ಸ್ವೆಲ್ ಮೂಲ ಬೆಲೆ ₹2 ಕೋಟಿ ಆಗಿದೆ. ಮಿಚೆಲ್ ಮಾರ್ಶ್, ಜೋಶ್ ಹ್ಯಾಜಲ್ವುಡ್ ಹಾಗೂ ಏಂಜೆಲೋ ಮ್ಯಾಥ್ಯೂಸ್ ಸಹ ಇದೇ ಪ್ರಮಾಣದ ಮೂಲ ಬೆಲೆ ಹೊಂದಿದ್ದಾರೆ.
ಶಾನ್ ಮಾರ್ಶ್, ಕೇನ್ ರಿಚರ್ಡ್ಸನ್, ಇಯಾನ್ ಮೋರ್ಗನ್, ಜೇಸನ್ ರಾಯ್, ಕ್ರಿಸ್ ವೋಕ್ಸ್ ಹಾಗೂ ಡೇವಿಡ್ ವಿಲ್ಲಿ ಮೂಲಬೆಲೆಯೂ ₹1.5 ಕೋಟಿ ನಿಗದಿಪಡಿಸಲಾಗಿದೆ.
ಐಪಿಎಲ್ ಹರಾಜಿನಿಂದ ದೂರ ಉಳಿದ ಮಾರಕ ವೇಗಿ ಸ್ಟಾರ್ಕ್... ಹಲವು ತಂಡಗಳಿಗೆ ನಿರಾಸೆ!
