ಅಬುಧಾಬಿ : ಮುಂಬೈ ಇಂಡಿಯನ್ಸ್ ತಂಡದ ನಾಯಕ ರೋಹಿತ್ ಶರ್ಮಾ ಡೇವಿಡ್ ವಾರ್ನರ್ ಹಿಂದಿಕ್ಕಿ ಕೆಕೆಆರ್ ವಿರುದ್ಧ ಅತಿ ಹೆಚ್ಚು ರನ್ ದಾಖಲಿಸಿದ ಬ್ಯಾಟ್ಸ್ಮನ್ ಎನಿಸಿಕೊಂಡಿದ್ದಾರೆ.
ಇಂದು ಅಬುಧಾಬಿಯಲ್ಲಿ ನಡೆಯುತ್ತಿರುವ 5ನೇ ಪಂದ್ಯದಲ್ಲಿ ರೋಹಿತ್ ಈ ದಾಖಲೆಗೆ ಪಾತ್ರರಾಗಿದ್ದಾರೆ. ಈ ಪಂದ್ಯಕ್ಕೂ ಮುನ್ನ ಕೆಕೆಆರ್ ವಿರುದ್ಧ 824 ರನ್ಗಳಿಸಿದ್ದ ರೋಹಿತ್ ಕೇವಲ 6 ರನ್ಗಳಿಸುತ್ತಿದ್ದಂತೆ ಸನ್ರೈಸರ್ಸ್ ಹೈದರಾಬಾದ್ ನಾಯಕ ಡೇವಿಡ್ ವಾರ್ನರ್(829) ಅವರನ್ನು ಹಿಂದಿಕ್ಕಿ ಕೆಕೆಆರ್ ವಿರುದ್ಧ ಗರಿಷ್ಠ ರನ್ ಸರದಾರರಾಗಿದ್ದಾರೆ.
12 ವರ್ಷಗಳ ಐಪಿಎಲ್ ಪಯಣದಲ್ಲಿ ರೋಹಿತ್ 26 ಪಂದ್ಯಗಳಿಂದ 1 ಶತಕ ಹಾಗೂ 5 ಅರ್ಧಶತಕ ಸಿಡಿಸಿದ್ದಾರೆ. ವಾರ್ನರ್ ಕೆಕೆಆರ್ ವಿರುದ್ಧ 21 ಪಂದ್ಯಗಳನ್ನಾಡಿದ್ದು, 46.63 ಸರಾಸರಿಯಲ್ಲಿ 829ರನ್ ಗಳಿಸಿದ್ದಾರೆ. ಇದರ ಜೊತೆಗೆ ಐಪಿಎಲ್ ಇತಿಹಾಸದಲ್ಲೇ ಒಂದು ತಂಡದ ವಿರುದ್ಧ ಅತಿ ಹೆಚ್ಚು ರನ್ ಸಿಡಿಸಿದ ಬ್ಯಾಟ್ಸ್ಮನ್ ಎಂಬ ದಾಖಲೆಗೂ ರೋಹಿತ್ ಪಾತ್ರರಾಗಿದ್ದಾರೆ.
ಕೆಕೆಆರ್ ವಿರುದ್ಧ ಅತಿ ಹೆಚ್ಚು ರನ್ ದಾಖಲಿಸಿದ ಬ್ಯಾಟ್ಸ್ಮನ್‌ಗಳು
- ರೋಹಿತ್ ಶರ್ಮಾ(875+)
- ಡೇವಿಡ್ ವಾರ್ನರ್(829)
- ಸುರೇಶ್ ರೈನಾ(818)
- ವಿರಾಟ್ ಕೊಹ್ಲಿ(674)
- ಶಿಖರ್ ಧವನ್(656)
ಒಂದೇ ತಂಡದ ವಿರುದ್ಧ ಅತಿ ಹೆಚ್ಚು ರನ್ಗಳಿಸಿದ ಬ್ಯಾಟ್ಸ್ಮನ್
- ರೋಹಿತ್ ಶರ್ಮಾ(875+)vs ಕೆಕೆಆರ್
- ಡೇವಿಡ್ ವಾರ್ನರ್( 829) vs ಕೆಕೆಆರ್
- ವಿರಾಟ್ ಕೊಹ್ಲಿ(825) vs ಡೆಲ್ಲಿ
- ಡೇವಿಡ್ ವಾರ್ನರ್(819) vs ಪಂಜಾಬ್
- ಸುರೇಶ್ ರೈನಾ(818) vs ಕೆಕೆಆರ್
- ಸುರೇಶ್ ರೈನಾ(818) vs ಮುಂಬೈ
