ದುಬೈ: ಇಲ್ಲಿನ ಅಂತಾರಾಷ್ಟ್ರೀಯ ಕ್ರಿಕೆಟ್ ಮೈದಾನದಲ್ಲಿ ನಡೆಯುತ್ತಿರುವ 14ನೇ ಐಪಿಎಲ್ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಗೆಲುವಿಗೆ ಹೈದರಾಬಾದ್ 165ರನ್ ಟಾರ್ಗೆಟ್ ನೀಡಿದೆ.
ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಲು ಮುಂದಾದ ವಾರ್ನರ್ ಪಡೆಗೆ ಆರಂಭದಲ್ಲೇ ಆಘಾತ ಎದುರಾಯ್ತು. ಆರಂಭಿಕರಾಗಿ ಕಣಕ್ಕಿಳಿದ ಬೈರ್ಸ್ಟ್ರೋವ್ ರನ್ ಖಾತೆ ತೆರೆಯುವ ಮೊದಲು ಪೆವಿಲಿಯನ್ ಸೇರಿಕೊಂಡರು. ಈ ವೇಳೆ, ಕಣಕ್ಕಿಳಿದ ಮನೀಷ್ ಪಾಂಡೆ ನಾಯಕ ವಾರ್ನರ್ ಜೊತೆಯಾದರು. ಆದರೆ, ಕ್ಯಾಪ್ಟನ್ 28 ರನ್ಗಳಿಕೆ ಮಾಡಿ ವಿಕೆಟ್ ಒಪ್ಪಿಸಿದರೆ, ಇವರ ಬೆನ್ನಲ್ಲೇ ಬಂದ ವಿಲಿಯಮ್ಸನ್ ಕೂಡ 9ರನ್ ಗಳಿಕೆ ಮಾಡಿ ನಿರಾಸೆ ಮೂಡಿಸಿದರು. ಇದಾದ ಬಳಿಕ ಉತ್ತಮವಾಗಿ ಆಡುತ್ತಿದ್ದ ಪಾಂಡೆ 29 ರನ್ಗಳಿಸಿದ್ದ ವೇಳೆ ಶಾರ್ದೂಲ್ ಠಾಕೂರ್ ಓವರ್ನಲ್ಲಿ ವಿಕೆಟ್ ಒಪ್ಪಿಸಿದರು. ಬ್ಯಾಟಿಂಗ್ನಲ್ಲಿ ಅಬ್ಬರಿಸಿದ ಸನ್ರೈಸರ್ಸ್ ತಂಡದ ಯಂಗ್ ಬ್ಯಾಟ್ಸ್ಮನ್ ಪ್ರಿಯಂ ಗರ್ಗ್ ಕೇವಲ 26 ಎಸೆತಗಳಲ್ಲಿ 51ರನ್ಗಳಿಕೆ ಮಾಡಿ ಅಜೇಯರಾಗಿ ಉಳಿದರು.
ಇನ್ನು ಮಧ್ಯಮ ಕ್ರಮಾಂಕದಲ್ಲಿ ಒದಾದ ಪ್ರಿಯಂ ಗರ್ಗ್ (51) ಅಭಿಷೇಕ್ ಶರ್ಮಾ (31) ತಂಡವನ್ನ 150ರ ಗಡಿ ದಾಟುವಂತೆ ಮಾಡಿದರು. ಕೊನೆಯದಾಗಿ ತಂಡ 5ವಿಕೆಟ್ ಕಳೆದುಕೊಂಡು 164ರನ್ಗಳಿಕೆ ಮಾಡಿದ್ದು, ಚೆನ್ನೈ ತಂಡಕ್ಕೆ 165ರನ್ ಟಾರ್ಗೆಟ್ ನೀಡಿದೆ. ಸಿಎಸ್ಕೆ ಪರ ದೀಪಕ್ ಚಹಾರ್ 2ವಿಕೆಟ್, ಶಾರ್ದೂಲ್ ಠಾಕೂರ್ ಹಾಗೂ ಚಾವ್ಲಾ 1ವಿಕೆಟ್ ಪಡೆದುಕೊಂಡರು.
