ಐಪಿಎಲ್ 2020: ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡಕ್ಕೆ ಸೂಪರ್​ ಓವರ್​ ಜಯ

ಮೊದಲು ಬ್ಯಾಟಿಂಗ್ ಮಾಡಿದ ಆರ್​ಸಿಬಿ 20 ಓವರ್​ಗಳಲ್ಲಿ 3 ವಿಕೆಟ್ ಕಳೆದುಕೊಂಡು 201ರನ್​ಗಳಿಸಿತ್ತು. ಇದಕ್ಕುತ್ತರವಾಗಿ ಮುಂಬೈ ಇಂಡಿಯನ್ಸ್​ ಕೂಡ 20 ಓವರ್​ಗಳಲ್ಲಿ 5ವಿಕೆಟ್​ ಕಳೆದುಕೊಂಡು 201 ರನ್​ಗಳಿಸಿತು. ಪಂದ್ಯದ ಫಲಿತಾಂಶಕ್ಕಾಗಿ ನಡೆದ ಸೂಪರ್​ ಓವರ್​ನಲ್ಲಿ ಮುಂಬೈ ನೀಡಿ 8 ರನ್​ಗಳ ಗುರಿಯನ್ನು ಯಶಸ್ವಿಯಾಗಿ ಬೆನ್ನಟ್ಟುವ ಮೂಲಕ ಆರ್​ಸಿಬಿ ಟೂರ್ನಿಯಲ್ಲಿ 2ನೇ ಜಯ ಸಾಧಿಸಿತು.

ದುಬೈ: ಹಾಲಿ ಚಾಂಪಿಯನ್​ ಮುಂಬೈ ಇಂಡಿಯನ್ಸ್ ವಿರುದ್ಧ ವಿರಾಟ್​ ಕೊಹ್ಲಿ ನೇತೃತ್ವದ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡ ಸೂಪರ್​ ಓವರ್​ನಲ್ಲಿ ಗೆಲುವು ಸಾಧಿಸಿದೆ.

ಟಾಸ್​ ಸೋತು ಮೊದಲು ಬ್ಯಾಟಿಂಗ್ ಮಾಡಿದ್ದ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡ ಆ್ಯರೋನ್ ಫಿಂಚ್​ (52), ದೇವದತ್​ ಪಡಿಕ್ಕಲ್​(55) ಹಾಗೂ ಎಬಿ ಡಿ ವಿಲಿಯರ್ಸ್​(54) ಹಾಗೂ ಶಿವಂ ದುಬೆ(27) ಅವರ ಅದ್ಭುತ ಬ್ಯಾಟಿಂಗ್ ನೆರವಿನಿಂದ 3 ವಿಕೆಟ್ ಕಳೆದುಕೊಂಡು 201 ರನ್​ಗಳಿಸಿತ್ತು. ಮುಂಬೈ ಕೂಡ 20 ಓವರ್​ಗಳಲ್ಲಿ 201 ರನ್​​ಗಳಿಸಿ ಟೈ ಸಾಧಿಸಿತು. ಆದರೆ ಸೂಪರ್​ ಓವರ್​ನಲ್ಲಿ ಆರ್​ಸಿಬಿ ಜಯ ಸಾಧಿಸುವಲ್ಲಿ ಯಶಸ್ವಿಯಾಯಿತು.

• AB de Villiers is the Man of the Match for his match-winning knock of 55* off 24 deliveries.#Dream11IPL #RCBvMI pic.twitter.com/oK3UxE5iBs

  — IndianPremierLeague (@IPL) September 28, 2020 " class="align-text-top noRightClick twitterSection" data="

  AB de Villiers is the Man of the Match for his match-winning knock of 55* off 24 deliveries.#Dream11IPL #RCBvMI pic.twitter.com/oK3UxE5iBs

  — IndianPremierLeague (@IPL) September 28, 2020

  ">

  AB de Villiers is the Man of the Match for his match-winning knock of 55* off 24 deliveries.#Dream11IPL #RCBvMI pic.twitter.com/oK3UxE5iBs

  — IndianPremierLeague (@IPL) September 28, 2020

ಬೆಂಗಳೂರು ನೀಡಿದ 202 ರನ್​ಗಳ ಬೆನ್ನತ್ತಿದ ಹಾಲಿ ಚಾಂಪಿಯನ್​ ಮುಂಬೈ ಇಂಡಿಯನ್ಸ್​ ಕೇವಲ 39 ರನ್​ಗಳಿಸುವಷ್ಟರಲ್ಲಿ ಪ್ರಮುಖ ಮೂರು ಬ್ಯಾಟ್ಸ್​ಮನ್​ಗಳನ್ನು ಕಳೆದುಕೊಂಡಿತು. ನಾಯಕ ರೋಹಿತ್ ಶರ್ಮಾ(8) 2ನೇ ಓವರ್​ನಲ್ಲೇ ವಾಷಿಂಗ್ಟನ್​ ಸುಂದರ್​ ಬೌಲಿಂಗ್​ನಲ್ಲಿ ಬದಲಿ ಫೀಲ್ಡರ್​ ಪವನ್​ ನೇಗಿಗೆ ಕ್ಯಾಚ್​ ನೀಡಿ ಔಟಾದರು.

ರೋಹಿತ್​ ಶರ್ಮಾ ನಂತರ ಬಂದ ಸೂರ್ಯಕುಮಾರ್ ಯಾದವ್​ ಖಾತೆ ತೆರೆಯುವ ಮುನ್ನವೇ ಉದಾನ ಬೌಲಿಂಗ್​ನಲ್ಲಿ ವಿಲಿಯರ್ಸ್​ಗೆ ಕ್ಯಾಚ್​ ನೀಡಿ ಪೆವಿಲಿಯನ್​ ಸೇರಿಕೊಂಡರು. ಇವರ ಬೆನ್ನಲ್ಲೇ 14 ರನ್​ಗಳಿಸಿದ್ದ ವಿಕೆಟ್​ ಕೀಪರ್​ ಬ್ಯಾಟ್ಸ್​ಮನ್​ ಕ್ವಿಂಟನ್​ ಡಿ ಕಾಕ್​ ಕೂಡ ಚಹಾಲ್ ಬೌಲಿಂಗ್​ನಲ್ಲಿ ನೇಗಿಗೆ ಕ್ಯಾಚ್​ ನೀಡಿದರು.

• That brilliant innings by Ishan Kishan comes to an end on 99.
  
  AND it's a SUPER OVER!!!! pic.twitter.com/y0K7mTrqO7

  — IndianPremierLeague (@IPL) September 28, 2020 " class="align-text-top noRightClick twitterSection" data="

  That brilliant innings by Ishan Kishan comes to an end on 99.
  
  AND it's a SUPER OVER!!!! pic.twitter.com/y0K7mTrqO7

  — IndianPremierLeague (@IPL) September 28, 2020

  ">

  That brilliant innings by Ishan Kishan comes to an end on 99.
  
  AND it's a SUPER OVER!!!! pic.twitter.com/y0K7mTrqO7

  — IndianPremierLeague (@IPL) September 28, 2020

ಆದರೆ ಇಂದೇ ಮೊದಲ ಪಂದ್ಯದಲ್ಲಿ ಅವಕಾಶ ಪಡೆದಿದ್ದ ಇಶಾನ್​ ಕಿಶನ್​ , ಹಾರ್ದಿಕ್ ಪಾಂಡ್ಯ(15) ಜೊತೆಗೂಡಿ 4 ವಿಕೆಟ್​ಗೆ 39 ರನ್​ ಜೊತೆಯಾಟ ನೀಡಿ ಚೇತರಿಕೆ ನೀಡಲು ಪ್ರಯತ್ನಿಸಿದರು. ಆದರೆ ಪಾಂಡ್ಯ ಕೇವಲ 15 ರನ್​ಗಳಿಗೆ ಜಂಪಾ ಓವರ್​ನಲ್ಲಿ ನೇಗಿ ಹಿಡಿದ ಅದ್ಭುತ ಕ್ಯಾಚ್​ಗೆ ಬಲಿಯಾದರು.

11.2 ಓವರ್​ಗಳಲ್ಲಿ 78 ರನ್​ಗಳಿಗೆ 4 ವಿಕೆಟ್​ ಕಳೆದುಕೊಂಡು ಸೋಲಿನತ್ತ ಮುಖ ಮಾಡಿದ್ದ ಮುಂಬೈ ತಂಡಕ್ಕೆ ಕಿಶನ್ ಹಾಗೂ ಪೋಲಾರ್ಡ್​ ಸ್ಫೋಟಕ ಬ್ಯಾಟಿಂಗ್​ ಮೂಲಕ ಪಂದ್ಯಕ್ಕೆ ರೋಚಕ ತಿರುವು ನೀಡಿದರು. ಈ ಜೋಡಿ 52 ಎಸೆತಗಳಲ್ಲಿ119 ರನ್​ಗಳ ಸೂರೆಗೈದಿತು.

• #RCB need 8 runs to win.#MI have 7 to defend.
  
  Who are you rooting for?#Dream11IPL #RCBvMI pic.twitter.com/tlqcLbww7S

  — IndianPremierLeague (@IPL) September 28, 2020 " class="align-text-top noRightClick twitterSection" data="

  #RCB need 8 runs to win.#MI have 7 to defend.
  
  Who are you rooting for?#Dream11IPL #RCBvMI pic.twitter.com/tlqcLbww7S

  — IndianPremierLeague (@IPL) September 28, 2020

  ">

  #RCB need 8 runs to win.#MI have 7 to defend.
  
  Who are you rooting for?#Dream11IPL #RCBvMI pic.twitter.com/tlqcLbww7S

  — IndianPremierLeague (@IPL) September 28, 2020

ಮುಂಬೈ ಗೆಲುವಿಗೆ 24 ಎಸೆತಗಳಲ್ಲಿ 80 ರನ್​ಗಳ ಅವಶ್ಯಕತೆಯಿತ್ತು . ಜಂಪಾ ಮತ್ತು ಚಹಾಲ್​ ಎಸೆದ 17 ಮತ್ತು 18ನೇ ಓವರ್​ಗಳಲ್ಲಿ ಈ ಜೋಡಿ 49 ರನ್​ ಕಲೆಹಾಕುವ ಮೂಲಕ ಪಂದ್ಯವನ್ನು ರೋಚಕ ಹಂತಕ್ಕೆ ಕೊಂಡೊಯ್ದಿತು. ಮತ್ತೆ 19ನೇ ಓವರ್​ನಲ್ಲಿ12 ರನ್​ ಬಂದಿತು.

ಕೊನೆಯ ಓವರ್​ನಲ್ಲಿ ಮುಂಬೈ ತಂಡಕ್ಕೆ ಗೆಲ್ಲಲು 19 ರನ್​ಗಳ ಅವಶ್ಯಕತೆಯಿತ್ತು. ಉದಾನ ಎಸೆದ ಮೊದಲೆರಡು ಎಸೆತಗಳಲ್ಲಿ 2 ರನ್​ ಬಂದಿತು. ನಂತರ ಇಶಾನ್​ ಕಿಶನ್​ ಸತತ 2 ಸಿಕ್ಸರ್​ ಸಿಡಿಸಿ 3ನೇ ಎಸೆತದಲ್ಲಿ ಔಟಾದರೆ, ಕೊನೆಯ ಎಸೆತವನ್ನು ಪೊಲಾರ್ಡ್ ಬೌಂಡರಿಗಟ್ಟಿ, ಪಂದ್ಯವನ್ನು ಟೈ ಆಗುವಂತೆ ಮಾಡಿದರು.

ಅದ್ಭುತ ಇನ್ನಿಂಗ್ಸ್​ ಕಟ್ಟಿದ ಇಶಾನ್ ಕಿಶನ್ 58 ಎಸೆತಗಳಲ್ಲಿ 9 ಸಿಕ್ಸರ್​ ಹಾಗೂ 2 ಬೌಂಡರಿ ಸಹಿತ 99 ರನ್​ಗಳಿಸಿ ಒಂದು ರನ್​ನಿಂದ ಶತಕ ವಂಚಿತರಾದರು. ಪೊಲಾರ್ಡ್​ ಕೇವಲ 24 ಎಸೆತಗಳಲ್ಲಿ 3 ಬೌಂಡರಿ ಹಾಗೂ 5 ಸಿಕ್ಸರ್​ ಸಹಿತ 60 ರನ್​ಗಳಿಸಿ ಪಂದ್ಯ ಟೈ ಆಗುವಂತೆ ಮಾಡಿದರು.

ಸೂಪರ್​ ಓವರ್​ನಲ್ಲಿ ಅದ್ಭುತವಾಗಿ ಬೌಲಿಂಗ್ ಮಾಡಿದ ನವದೀಪ್ ಸೈನಿ ಕೇವಲ 7 ರನ್​ ಬಿಟ್ಟುಕೊಟ್ಟು ಪೊಲಾರ್ಡ್​ ವಿಕೆಟ್​ ಪಡೆಯುವಲ್ಲಿ ಯಶಸ್ವಿಯಾದರು. ಸೂಪರ್​ ಓವರ್​ನಲ್ಲಿ ಕೊಹ್ಲಿ ಹಾಗೂ ಎಬಿಡಿ ಜೋಡಿ 8 ರನ್​ಗಳನ್ನು ಯಶಸ್ವಿಯಾಗಿ ಬಾರಿಸಿ ತಂಡಕ್ಕೆ ಸೂಪರ್​ ಜಯ ತಂದುಕೊಟ್ಟರು.

ಕೇವಲ 24 ಎಸೆತಗಳಲ್ಲಿ 4 ಬೌಂಡರಿ ಹಾಗೂ 4 ಸಿಕ್ಸರ್​ ಸಹಿತ 55 ರನ್​ಗಳಿಸಿದ ಎಬಿಡಿ ವಿಲಿಯರ್ಸ್​ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.