ಕ್ರೈಸ್ಟ್ಚರ್ಚ್: ನ್ಯೂಜಿಲ್ಯಾಂಡ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಟೀಂ ಇಂಡಿಯಾ ಸೋಲು ಕಾಣುವ ಮೂಲಕ ವೈಟ್ವಾಶ್ ಮುಖಭಂಗ ಅನುಭವಿಸಿದ್ದು, ವಿದೇಶ ನೆಲದಲ್ಲಿ ಮತ್ತೊಮ್ಮೆ ಸರಣಿ ಸೋಲಿನ ಮುಖಭಂಗಕ್ಕೊಳಗಾಗಿದೆ.
ಎರಡನೇ ಟೆಸ್ಟ್ ಪಂದ್ಯದಲ್ಲಿ ಸೋಲು ಕಂಡ ಬಳಿಕ ಟೀಂ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಸುದ್ದಿಗೋಷ್ಠಿಯಲ್ಲಿ ಭಾಗಿಯಾಗಿ ಮಾತನಾಡಿದರು. ಟೆಸ್ಟ್ ಸರಣಿಯಲ್ಲಿ ನಾವು ಅದುಕೊಂಡಿರುವ ಹಾಗೇ ಆಡಿಲ್ಲ. ನಾವು ತಂಡವಾಗಿ ಕ್ರಿಕೆಟ್ ಆಡಲಿಲ್ಲ. ಇದರಿಂದ ಸೋಲು ಕಾಣಬೇಕಾಯಿತು. ಟೆಸ್ಟ್ ಸರಣಿ ಕೈಚೆಲ್ಲಿರುವುದು ನಿಜಕ್ಕೂ ನಿರಾಸೆ ಮೂಡಿಸಿದೆ ಎಂದು ತಿಳಿಸಿದರು. ಇದೇ ವೇಳೆ ಪತ್ರಕರ್ತನೋರ್ವ ಕೇಳಿರುವ ಪ್ರಶ್ನೆಗೆ ವಿರಾಟ್ ಕೊಹ್ಲಿ ತಾಳ್ಮೆ ಕಳೆದುಕೊಂಡು ಆತನ ವಿರುದ್ಧ ಹರಿಹಾಯ್ದಿರುವ ಘಟನೆ ಕೂಡ ನಡೆದಿದೆ.
ಸರಣಿ ಸೋಲಿನಿಂದ ನಮಗೆ ಅವಮಾನವಾಗಿಲ್ಲ. ಈ ಹಿಂದಿನ ವಿಶ್ವಕಪ್ನಲ್ಲೂ ನಾವು ಉತ್ತಮ ತಂಡದಿಂದ ಸೋಲು ಕಂಡಿದ್ದೆವು. ಇಂದು ಅದೇ ಪುನರಾವರ್ತನೆಯಾಗಿದ್ದು, ಮುಂದಿನ ದಿನಗಳಲ್ಲಿ ಉತ್ತಮ ಕ್ರಿಕೆಟ್ ಆಡುವ ವಿಶ್ವಾಸವಿದೆ ಎಂದರು.
