ಮುಂಬೈ: ಜೂನ್ 16ರಂದು ಮ್ಯಾಂಚೆಸ್ಟರ್ನಲ್ಲಿ ನಡೆದಿದ್ದ ಭಾರತ ಮತ್ತು ಪಾಕಿಸ್ತಾನ ನಡುವಿನ ವಿಶ್ವಕಪ್ ಪಂದ್ಯ ಭಾರತದ ಟೆಲಿವಿಷನ್ ಇತಿಹಾಸದಲ್ಲಿಯೇ ಅತಿ ಹೆಚ್ಚು ವೀಕ್ಷಣೆಗೊಳದ ಕಾರ್ಯಕ್ರಮ ಎಂಬ ಖ್ಯಾತಿ ಪಡೆದುಕೊಂಡಿದೆ.
ಬಾರ್ಕ್ (ಬ್ರಾಡ್ಕಾಸ್ಟ್ ಆಡಿಯನ್ಸ್ ರೀಸರ್ಚ್ ಕೌನ್ಸಿಲ್) ಪ್ರಕಾರ ಭಾರತ ಹಾಗೂ ಪಾಕಿಸ್ತಾನ ನಡುವಿನ ವಿಶ್ವಕಪ್ನ 22ನೇ ಪಂದ್ಯ ಸ್ಟಾರ್ಸ್ಪೋರ್ಟ್ಸ್ ನೆಟ್ವರ್ಕ್ ಒಂದರಲ್ಲೇ 206 ಮಿಲಿಯನ್ಸ್ ವೀಕ್ಷಣೆಯಾಗಿದೆ ಎಂದು ತಿಳಿದುಬಂದಿದೆ. ಇದಕ್ಕೂ ಮೊದಲು ಭಾರತ ಮತ್ತು ಪಾಕಿಸ್ತಾನದ ಚಾಂಪಿಯನ್ ಟ್ರೋಫಿ ಫೈನಲ್ ಪಂದ್ಯವನ್ನು 172 ಮಿಲಿಯನ್ ವೀಕ್ಷಕರು ವೀಕ್ಷಣೆ ಮಾಡಿದ್ದು ಈ ಹಿಂದಿನ ದಾಖಲೆಯಾಗಿತ್ತು.
ಮೇ 30ರಿಂದ ಭಾರತದಾದ್ಯಂತ 367 ಮಿಲಿಯನ್ಸ್ ವೀಕ್ಷಕರು ಸ್ಟಾರ್ ನೆಟ್ವರ್ಕ್ಗೆ ಭೇಟಿ ನೀಡಿದ್ದು, ಇದರಲ್ಲಿ ಮೊದಲ ಮೂರು ವಾರಗಳಲ್ಲಿ 303 ಮಿಲಿಯನ್ ವೀಕ್ಷಕರನ್ನು ವಿಶ್ವಕಪ್ ಆಕರ್ಷಿಸಿದೆ. ಇನ್ನು ಟ್ವಿಟರ್ನಲ್ಲೂ ಭಾರತ-ಪಾಕಿಸ್ತಾನ ಪಂದ್ಯ ದಾಖಲೆ ಬರೆದಿದೆ. ಈ ಪಂದ್ಯ ಕುರಿತು ಸುಮಾರು 2.9 ಮಿಲಿಯನ್ ಟ್ವೀಟ್ ಮಾಡಲಾಗಿದೆ.
