ಹ್ಯಾಮಿಲ್ಟನ್: ಭಾರತ ತಂಡ ಏಕದಿನ ಸರಣಿಯ ಮೊದಲ ಪಂದ್ಯದಲ್ಲಿ 4 ವಿಕೆಟ್ಗಳ ಸೋಲು ಕಂಡಿದ್ದ ಭಾರತ ತಂಡಕ್ಕೆ ರೆಫ್ರಿ ಪಂದ್ಯ ಸಂಭಾವನೆಯ ಶೇ. 80ರಷ್ಟು ಮೊತ್ತದ ದಂಡ ವಿಧಿಸಿದ್ದಾರೆ. ಬುಧವಾರ ನಡೆದ ನ್ಯೂಜಿಲ್ಯಾಂಡ್ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ನಿಧಾನ ಗತಿಯ ಬೌಲಿಂಗ್‌ ಮಾಡಿರುವುದಕ್ಕೆ ಭಾರತ ತಂಡ ಈ ದಂಡ ತೆರಬೇಕಿದೆ.
ಮೈದಾನದ ಅಂಪೈರ್ಗಳಾದ ಶಾನ್‌ ಹೈಗ್, ಲಾಂಗ್ಟನ್ ರಸೆರ್, 3ನೇ ಅಂಪೈರ್ ಬ್ರೂಶ್ ಆಕ್ಸನ್ಫೋರ್ಡ್ ಹಾಗೂ 4ನೇ ಅಂಪೈರ್ ಕ್ರಿಸ್ ಬ್ರೌನ್ ಕೊಹ್ಲಿಗೆ ದಂಡವಿಧಿಸಿ ಮ್ಯಾಚ್ ರೆಫ್ರಿ ಕ್ರಿಸ್ ಬ್ರಾಡ್ಗೆ ವರದಿ ನೀಡಿದ್ದರು. ನಿಗದಿತ ಸಮಯಕ್ಕಿಂತ 4 ಓವರ್ಗಳನ್ನು ಭಾರತ ತಂಡ ತಡವಾಗಿ ಮಾಡಿದ್ದರಿಂದ ಓವರ್ಗೆ 20 ಪರ್ಸೆಂಟ್ನಂತೆ ನಾಲ್ಕು ಓವರ್ಗಳಿಗೆ ಶೇ. 80ರಷ್ಟನ್ನು ದಂಡವಾಗಿ ಕೊಹ್ಲಿ ಬಳಗ ಕಟ್ಟಬೇಕಿದೆ.
ಕೊಹ್ಲಿ ತಮ್ಮಿಂದಾದ ತಪ್ಪಿಗೆ ವಿಷಾದ ವ್ಯಕ್ತಪಡಿಸಿದ್ದಾರೆ. ಅಲ್ಲದೆ ತಪ್ಪಿಗೆ ದಂಡಿ ವಿಧಿಸಿರುವುದಕ್ಕೆ ಕೊಹ್ಲಿಯಿಂದ ಯಾವುದೇ ಆಕ್ಷೇಪಣೆ ಇಲ್ಲವಾದ್ದರಿಂದ ಅವರಿಗೆ ಯಾವುದೇ ರೀತಿಯ ವಿಚಾರಣೆ ಇರುವುದಿಲ್ಲ ಎಂದು ರೆಫ್ರಿ ಬ್ರಾಡ್ ತಿಳಿಸಿದ್ದಾರೆ.
ಭಾರತ ತಂಡ ಕಿವೀಸ್ ಪ್ರವಾಸದಲ್ಲಿ ದಂಡ ಕಟ್ಟುತ್ತಿರುವುದು ಇದೇ ಮೊದಲೇನಲ್ಲ. ಟಿ20 ಸರಣಿಯ 4ನೇ ಪಂದ್ಯದಲ್ಲಿ ಶೇ.40 ಹಾಗೂ ಕೊನೆಯ ಪಂದ್ಯದಲ್ಲಿ ಶೇ.20ರಷ್ಟು ಮೊತ್ತವನ್ನು ದಂಡವಾಗಿ ಕಟ್ಟಿದ್ದರು.
