ಚೆನ್ನೈ: ಇಂಗ್ಲೆಂಡ್ ವೇಗಿ ಜೋಫ್ರಾ ಆರ್ಚರ್, ಬ್ಯಾಟ್ಸ್ಮನ್ ರೋರಿ ಬರ್ನ್ಸ್ ಮತ್ತು ಆಲ್ರೌಂಡರ್ ಬೆನ್ಸ್ಟೋಕ್ಸ್ ಭಾರತ ತಂಡದ ವಿರುದ್ದ ಮುಂಬರುವ 4 ಪಂದ್ಯಗಳ ಟೆಸ್ಟ್ ಸರಣಿಗಾಗಿ ಶನಿವಾರದಿಂದ ಎಂ.ಎ ಚಿದಂಬರಂ ಸ್ಟೇಡಿಯಂನಲ್ಲಿ ತರಬೇತಿ ಆರಂಭಿಸಿದ್ದಾರೆ.
ಬುಧವಾರ ಸಂಪೂರ್ಣ ಇಂಗ್ಲೆಂಡ್ ತಂಡ ಶ್ರೀಲಂಕಾ ಟೆಸ್ಟ್ ಸರಣಿ ಮುಗಿಸಿ ಚೆನ್ನೈಗೆ ಬಂದು ಸೇರಿದ್ದು, 6 ದಿನಗಳ ಕ್ವಾರಂಟೈನ್ಗೆ ಒಳಗಾಗಿದೆ. ಇನ್ನು ತಂಡಕ್ಕಿಂತ ಮೊದಲೇ ಭಾರತಕ್ಕೆ ಆಗಮಿಸಿರುವ ಸ್ಟೋಕ್ಸ್, ಬರ್ನ್ಸ್ ಹಾಗೂ ಆರ್ಚರ್ ಕ್ವಾರಂಟೈನ್ ಮುಗಿಸಿದ್ದಾರೆ. ಹಾಗಾಗಿ ಅಭ್ಯಾಸ ಶುರು ಮಾಡಿದ್ದಾರೆ.
4 ಪಂದ್ಯಗಳ ಟೆಸ್ಟ್ ಸರಣಿ ಫೆಬ್ರವರಿ 5ರಿಂದ ಆರಂಭವಾಗಲಿದೆ. ಮೊದಲೆರಡು ಪಂದ್ಯ ಚೆನ್ನೈನ ಚೆಪಾಕ್ನಲ್ಲಿ ನಡೆದರೆ, ಕೊನೆಯ ಎರಡು ಟೆಸ್ಟ್ ನೂತನ ಮೊಟೆರಾ ಸ್ಟೇಡಿಯಂನಲ್ಲಿ ನಡೆಯಲಿದೆ.
" ಜೋಫ್ರಾ ಆರ್ಚರ್, ಬೆನ್ ಸ್ಟೋಕ್ಸ್ ಮತ್ತು ರೋರಿ ಬರ್ನ್ಸ್, ಇಂಗ್ಲೆಂಡ್ ಬಳಗದ ಈ ಮೂವರು ಆಟಗಾರರು ಇಂದು ಬೆಳಗ್ಗೆ ಎಂಎ ಚಿದಂಬರಂ ಸ್ಟೇಡಿಯಂನಲ್ಲಿ ತರಬೇತಿ ಆರಂಭಿಸಿದ್ದಾರೆ" ಎಂದು ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಮಂಡಳಿ ಶನಿವಾರ ತಿಳಿಸಿದೆ.
" ಆರ್ಚರ್, ಬೆನ್ ಸ್ಟೋಕ್ಸ್ ಮತ್ತು ರೋರಿ ಬರ್ನ್ಸ್ ಮುಂದಿನ ಮೂರು ದಿನಗಳ ಕಾಲ ಪ್ರತಿದಿನ ಬೆಳಿಗ್ಗೆ 2 ಗಂಟೆಗಳ ಕಾಲ ತರಬೇತಿಯನ್ನು ನಡೆಸಲಿದ್ದಾರೆ" ಎಂದು ಇಸಿಬಿ ತಿಳಿಸಿದೆ.
ಇನ್ನು ಇಡೀ ಇಂಗ್ಲೆಂಡ್ ತಂಡ ಶುಕ್ರವಾರ ಪಿಸಿಆರ್ ಕೋವಿಡ್ 19 ಟೆಸ್ಟ್ಗೆ ಒಳಗಾಗಿದ್ದು, ಎಲ್ಲಾ ಆಟಗಾರರು ನೆಗೆಟಿವ್ ವರದಿ ಪಡೆದುಕೊಂಡಿದ್ದಾರೆ ಎಂದು ತಿಳಿದು ಬಂದಿದೆ.
ಇದನ್ನು ಓದಿ:87 ವರ್ಷಗಳ ಇದೇ ಮೊದಲ ಬಾರಿಗೆ ರಣಜಿ ಟ್ರೋಫಿ ರದ್ದು
