ಪುಣೆ: ಭಾರತ ತಂಡಕ್ಕೆ 22 ತಿಂಗಳ ನಂತರ ಮರು ಸೇರ್ಪಡೆ ಗೊಂಡಿರುವ ವೃದ್ಧಿಮಾನ್ ಸಹಾ ದಕ್ಷಿಣ ಆಫ್ರಿಕಾ ವಿರುದ್ಧ ಅದ್ಭುತ ಕ್ಯಾಚ್ ಪಡೆಯುವ ಮೂಲಕ ತಾವು ವಿಶ್ವದ ಅತ್ಯುತ್ತಮ ವಿಕೆಟ್ ಕೀಪರ್ ಎಂಬುದನ್ನು ಸಾಕ್ಷಿ ಸಮೇತ ತೋರಿಸಿಕೊಟ್ಟಿದ್ದಾರೆ.
ಹೌದು, ಸದ್ಯದ ಮಟ್ಟಿಗೆ ಟೆಸ್ಟ್ ಕ್ರಿಕೆಟ್ನಲ್ಲಿ ವಿಕೆಟ್ ಕೀಪಿಂಗ್ ಮಾಡುತ್ತಿರುವವರ ಪೈಕಿ ಬಂಗಾಳ ವೃಧ್ಧಿಮಾನ್ ಸಹಾ ಅತ್ಯುತ್ತಮ ವಿಕೆಟ್ ಕೀಪರ್ ಆಗಿದ್ದಾರೆ. ಇವರು ವಿಕೆಟ್ ಹಿಂದೆ ಬರುವ ಕ್ಯಾಚ್ಗಳನ್ನು ಶೇ.96.9 ರಷ್ಟನ್ನು ಪಡೆಯುವಲ್ಲಿ ಯಶಸ್ವಿಯಾಗಿರುವುದೇ ಇದಕ್ಕೆ ಸಾಕ್ಷಿಯಾಗಿದೆ.
ವಿಶ್ವ ಟೆಸ್ಟ್ ಕ್ರಿಕೆಟ್ನಲ್ಲಿ ಪಸ್ತುತ ಚಾಲ್ತಿಯಲ್ಲಿರುವ ವಿಕೆಟ್ ಕೀಪರ್ಗಳ ಪೈಕಿ ಸಹಾ ಅತ್ಯತ್ತಮ ವಿಕೆಟ್ ಕೀಪರ್ ಎನಿಸಿಕೊಂಡಿದ್ದಾರೆ. ಇವರು 33 ಟೆಸ್ಟ್ ಪಂದ್ಯಗಳಲ್ಲಿ 77 ಕ್ಯಾಚ್ ಹಾಗೂ 10 ಸ್ಟಂಪ್ ಮಾಡಿದ್ದಾರೆ.
ಇವರನ್ನು ಬಿಟ್ಟರೆ ಶ್ರೀಲಂಕಾದ ನಿರೋಶನ್ ಡಿಕ್ವೆಲ್ಲಾ ತಮ್ಮ ಬಳಿ ಬರುವ ಕ್ಯಾಚ್ಗಳಲ್ಲಿ ಶೇಕಡಾ 95.5 ರಷ್ಟನ್ನು ಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ. ಇನ್ನು ಭಾರತ ತಂಡದ ಮತ್ತೊಬ್ಬ ವಿಕೆಟ್ ಕೀಪರ್ ರಿಷಭ್ ಪಂತ್
ಶೇ 91.6 ಕ್ಯಾಚ್ ಪಡೆದು ಈ ಪಟ್ಟಿಯಲ್ಲಿ 9ನೇ ಸ್ಥಾನದಲ್ಲಿದ್ದಾರೆ.
ಸಹಾ ಪ್ರಸ್ತುತ ನಡೆಯುತ್ತಿರುವ ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಬ್ಯಾಟಿಂಗ್ಗೆ ಹೆಚ್ಚು ಅವಕಾಶ ಸಿಕ್ಕಿಲ್ಲವಾದರೂ ಮೊದಲ ಟೆಸ್ಟ್ನ ಎರಡನೇ ಇನ್ನಿಂಗ್ಸ್ನಲ್ಲಿ 16 ಎಸೆತಗಳಲ್ಲಿ 21 ರನ್ಗಳಿಸಿದ್ದರು. ಮೊದಲ ಟೆಸ್ಟ್ನಲ್ಲಿ 2 ಕ್ಯಾಚ್ ಹಾಗೂ ಎರಡನೇ ಟೆಸ್ಟ್ನಲ್ಲಿ 4 ಕ್ಯಾಚ್ ಪಡೆದಿದ್ದಾರೆ.
