ಲಂಡನ್: ಕೇವಲ 16 ವರ್ಷಕ್ಕೆ ಅಂತಾಷ್ಟ್ರೀಯ ಕ್ರಿಕೆಟ್ಗೆ ಕಾಲಿಟ್ಟು ಬಹುಬೇಗನೆ ತನ್ನ ಸ್ಪಿನ್ ಕೈಚಳಕದಿಂದ ವಿಶ್ವದ ನಾನಾ ಟಿ-20 ಲೀಗ್ಗಳಲ್ಲಿ ಆಡುವ ಅವಕಾಶ ಪಡೆದಿರುವ ಮುಜೀಬ್ ಉರ್ ರೆಹಮಾನ್ ತನ್ನ ಚಿಕ್ಕಪ್ಪನ ಜೊತೆಯಲ್ಲಿಯೇ ಅಂತಾರಾಷ್ಟ್ರಿಯ ಕ್ರಿಕೆಟ್ನಲ್ಲಿ ಕಾಣಿಸಿಕೊಂಡಿದ್ದಾರೆ.
ಹುಟ್ಟಿದ ಮೂರು ತಿಂಗಳಿಗೆ ಅಪ್ಪನನ್ನು ಕಳೆದುಕೊಂಡು ಖಾಸ್ಟ್ ಪಟ್ಟಣದಲ್ಲಿ ಜಾಡ್ರನ್ ಕುಟುಂಬದಲ್ಲಿ ಬೆಳೆದ ಮುಜೀಬ್, ತನ್ನು ಬಾಲ್ಯದಿಂದಲೇ ಕ್ರಿಕೆಟರ್ ಆಗಿದ್ದ ನೂರ್ ಅಲಿ ಜಾಡ್ರನ್ಗೆ ಬೌಲಿಂಗ್ ಮಾಡುತ್ತಾ ಕ್ರಿಕೆಟ್ ಪ್ರೇಮ ಬೆಳೆಸಿಕೊಂಡಿದ್ದರು.
ತುಂಬಾ ಚಿಕ್ಕ ವಯಸ್ಸನಿಂದ ನೂರ್ ಅಲಿ ಜಾಡ್ರನ್ಗೆ ನೆಟ್ನಲ್ಲಿ ಬೌಲಿಂಗ್ ಮಾಡುತ್ತಿದ್ದ ಮುಜೀಬ್ ಕೇವಲ ಅಂಡರ್ 19 ಕ್ರಿಕೆಟ್ನಲ್ಲಿ ಪಾಲ್ಗೊಂಡು ಉತ್ತಮ ಬೌಲಿಂಗ್ ಪ್ರದರ್ಶನ ನೀಡಿದ್ದರು. ನಂತರ 19 ಏಷ್ಯಾ ಕಪ್ನಲ್ಲಿ ತನ್ನ ಬೌಲಿಂಗ್ ಕೈಚಳಕದಿಂದ ತಂಡ ಚಾಂಪಿಯನ್ ಆಗಲು ನೆರವಾಗಿದ್ದರು.
ಇದಾದ ಕೆಲವೇ ದಿನಗಳಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ಗೂ ಪದಾರ್ಪಣೆ ಮಾಡಿದ್ದರು. ಮುಜೀಬ್ 21ನೇ ಶತಮಾನದಲ್ಲಿ ಹುಟ್ಟಿ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ ಮೊಟ್ಟ ಮೊದಲ ಕ್ರಿಕೆಟಿಗನಾಗಿದ್ದಾರೆ. ಇದೀಗ ತನಗೆ ಕ್ರಿಕೆಟ್ ಹೇಳಿಕೊಟ್ಟಿದ್ದ ತನ್ನ ಚಿಕ್ಕಪ್ಪನ ಜೊತೆಯಲ್ಲಿಯೇ ಅಂತಾರಾಷ್ಟ್ರೀಯ ಕ್ರಿಕೆಟ್ ಆಡಿ ವಿಶ್ವದ ಮೊದಲ ಕ್ರಿಕೆಟಿಗ ಎಂಬ ಹೆಸರಿಗೂ ಪಾತ್ರರಾಗಿದ್ದಾರೆ.
ನೂರ್ ಅಲಿ ಜಾಡ್ರನ್ 2009ರಲ್ಲಿ ಸ್ಕಾಟ್ಲೆಂಡ್ ವಿರುದ್ಧ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ್ದರು. ಜಾಡ್ರನ್ ಹಾಗೂ ಮುಜೀಬ್ ಜೊತೆಯಾಗಿ ಒಟ್ಟು 4 ಪಂದ್ಯವಾಡಿದ್ದಾರೆ.
